اة طبعا يا كبير لازم تغير سلك البوجيهات مع الموبينة الجديدة على يبقى شغل على نضافة....لان من اسباب ضعف الموبينة سلك البوجيهات التعبانة
عرض للطباعة
ملهاش دعوة بالحركة بس عادي هي بتتضعف مع الوقت ....بس على كلامك يبقى انت لو عمرك ماغيرتش السلك هبقى هو دة الي ضرب الموبينة
أنا فعلا مغيرتش أسلاك البوجيهات قبل كدة خالص لانى محستش منهم أى مشاكل.بس النهاردة و أنا بعمل الاختبار اللى عمله الميكانيكى لأسلاك البوجيهات لقيت السلك طلع فى ايدى و فضل جزء معدنى واصل على البوجيه فكدة كدة محتاج اغيرأسلاك البوجيهات.
نصيحه للى عايز يعمل الأختبار دة بنفسه يشد سلك البوجيه من السلك نفسه بالراحه خالص أو يلبس جوانتى عازل للكهرباء (علشان مايتكهربش) و يشد من الغلاف المعدنى لو عايز يحافظ على السلك.
هات الاصلى احسن
لو انت قريب من شارع دمشق(مصر الجديدة) اسال عند نافع ناس محترمه جدا جدا
أنا طلبت منصور بتاع شارع الطيران علشان هو أقرب لى و سألت على البوبينه بتاعه اللانوس فقال لى الأصلى بـ 640 جنيه
فقلت له هى نوعها dac ولا daewoo
فقال لى لأ هى gm و بعدين هى عربيتك ايه؟
قلت له دايو لانوس
قال يبقى بـ 640 جنيه برضه بس بدون ضمان.
ساعتها حسيت انه بيتكم بعنصريه سخيفه و كأن اللى معاهم دايو لانوس لا يستحقون العيش تحت جناح منصوربتاع الشيفروليه وأى رجل أعمال لو عايز يكسب زبون لازم يعامل الناس بأسلوب متحضر أحسن من كدة مش يحسسه أنه منبوذ لأنه معندوش شيفروليه.
لا ياباشا أنا رجعت بالذاكرة لورا (بس الحمد لله مخبطش فى حاجه) و افتكرت السبب ان المتخلف اللى غسل لى شاسيه العربيه فى بنزينه وطنيه اللى جنب مسجد السلام المفروض قبل ما يرفع العربيه على الكوريك يعزل البوبينه و كمان علبه الفيوزات علشان الحاجات دى بتبوظ من الميه و ده محصلش و من ساعتها و أنا حاسس ان العربيه مبرجله و مش مظبوطه.