الموضوع: ريحة العادم ؟

ممدوح باشا الاب الروحى للدايو .. دة شرف ليا ردك على سؤالى ياباشا

1- ريحة العادم النيى معروفة جدا تحس انك هتتخنق من الريحة وكمان الشكمان مليان عادم اسود من جوة . انا برضه ورتها لميكانيكى وقالى انه نيى .. يعنى انا متأكد انه فعلا نيى
2-الريحة بتبان قوى والعربية بردة ولما تسخن برضة بشم الريحة بس مش قوى بس موجودة .
3-البنزين استهلاكة معقول حوالى 9 لتر /100 كم العربية بدور الصبح على طول من غير اى معناة يعنى من اول تكة .
4- البوجيهات بقالها اسبوع (nkg ) بس الى هى فى علبة كرتون علشان مش لاقى الى هى فى بلاستك علشان الاكسنت الصمولة 16 ومش 32 على ما اعتقد .
5- العربية عاملة 98.000 ك .
6 - الشكمان لسة مغير علبة ورا وقدام كاملة لانه كان منفس
برجاء الافادة من الاخ ممدوح والاخوة الكرام
وشكرا

انا مش عارف حساس الشكمان دة فين بس ممكن اخلى الميكانيكى يبص علية بس هو المفروض لما اشيلة وركبة تانى اية الى يحصل للعربية ؟

العربية فعلا فيها برجلة محسوسة فى السلانسية

معرفاش اية موضوع الاير ماس دة اقصدك اية

وهل هيبقى فية مشكلة لو ماشيت بالعربية و الموضوع دة فيها يعنى بمعنى اصح بيأثر على اية
وهل بأثر على السحب والموتور

ومش عارف اشرك ازاى ياباشا ..

نسيت اقول حاجة الشكمان مبيطلعش دخان كتير يعنى ملوش لون بس هى الريحة الى بينة قوى . حبيت اوضح على اد ما اقدر وشكرا