النظارات الطبية اغلبها شكلة مضروب في الامارات...؟؟؟

بقالي فترة لا بأس بها بالنظارة الطبية بتاعتي وقلت اغيرها بالمرة...

نزلت الف علي النظارات ..الاشكال اتغيرت والجودة بقت زي الزفت (سوري في اللفظ)....المهم النظارة ايلي كنت شاريها كانت براند محترمة وتصنيع ايطالي...

حاليا بيجيبوها من الصين....وبصراحة شكلها مش عاجبني....وفي ناس لسة عندها ايطالي بس حاسس انة مش اصلي....

مش عارف ازاي اكتشف اذا كانت النظارة اصلية ولا مضروبة في الصين.

المشكلة عندي ان العرق بياكل النظارة لو معدن وبيعملي حساسية وعلشان كدة بحاول اجيبها نوع محترم وغالبا بتكون دراعتها بلاسيتك او فيبر

لو في حد لسة بيستعمل نظارات طبية ياريت يرشحلي نوع يكون كويس.

انا بقي طول عمري لابس نظارة طبية ولبست انواع كتير بس بقالي فترة بلبس نوع واحد اسمه Mexx ودي الماني الصنع وسعرها في حدود 500 جنية بس اشتريها بسوستة في الدراع

عايز حاجة في حدود كام؟

اقتباس:

---

المشاركة الأصلية كتبت بواسطة mr_sameh

انا بقي طول عمري لابس نظارة طبية ولبست انواع كتير بس بقالي فترة بلبس نوع واحد اسمه Mexx ودي الماني الصنع وسعرها في حدود 500 جنية بس اشتريها بسوستة في الدراع

---

معايا ميكس واصراحه جااااااااامده وفعلا دي اول نضاره تقعد معايا كده

الي معايا من غير سوسته واخده كيرف شيك كده

وتقريبا كلفتني بالعدسات وقتها 700 وشويه مش فاكر بظبط كام

A.Yakout

هو المضروب كمان وصل الامارات

اقتباس:

---

المشاركة الأصلية كتبت بواسطة elassar2010

هو المضروب كمان وصل الامارات

---

المضروب في كل حتة يا باشا....

والـ Mexx دي موجودة عند مين....ودي الماني الماني ولا تجميع صيني...

اشتريها مضروبه واحتمال ضعيف تطلع اصلي
بدل ما تشتريها اصلي واحتمال كبير تكون مضروبه
لان كله بيشتري النضارات بالكيلوا من الصين
سواء محلات او بياعين
لو عاوز اصلي يبقي هات النضاره من توكيلها وريح دماغك
كان واحد صاحبي جايب نضاره مش فاكر نوعها ايه
ب700 جنيه
وواحد تاني شاري نفس النضاره ب35 جنيه
والله العظيم شكلها انضف من اللي ب700
هي كانت كلها بلاستيك شفاف
اللي ب700 لونها اصفر واللي ب35 فضلت ناصعه الشفافيه

والله يا اخي النضارات دي كلها بقى نصب
يعني اشتريت مره نضارة صيني قعدت معايا 3 سنين زي ماهيا
وجبت واحده تانيه كاريرا شكلها بقى طلعت مضروبه مش مظبته

اقتباس:

---

المشاركة الأصلية كتبت بواسطة nabaster

معايا ميكس واصراحه جااااااااامده وفعلا دي اول نضاره تقعد معايا كده

الي معايا من غير سوسته واخده كيرف شيك كده

وتقريبا كلفتني بالعدسات وقتها 700 وشويه مش فاكر بظبط كام

a.yakout

---

هي فعلا بالعدسات في حدود 700 جنية

انا عامل نضارة من 3 سنين وايطالي
اسمها piloni
وكنت عاملها بالعدسات ب 650 وزي الفل

واضح ان الناس فهمتني غلط...

انا قصدي ان النظارات المضروبة بتتباع غالية جدااا علي انها اصلي...

ياريت الاقي نضارة مضروبة بـ 35 جنية ....المشكلة انها مضروبة ومتقلدة وبتتباع بـ 800 وانت طالع ....

للغاويين فقط (نظارات طبيه وشمسيه)
خدو المعلومات دي من اخوكم
1-النضارات في مصر دلوقتي اغلبها صيني (انا عارف انكم عارفين بس الصبر)
2- الصين بتاخد العلامه التجاريه او شهادة منشأ وبتصنع النضارات هناك (دي جديده)
3- النضارات اللي تلاقيها بأرقام فلكيه دي حتى في المغربي ممكن تكون متصنعه في الصين بشكل كبير ومضروبه (استنوا اقولكم على مكان تحفه)
4- النضاره كل اما وزنها يخف كل اما سعرها يغلى كل اما تقرب من الاصليه
5- العدسات اللي بتلاقيها غاليه دي بتبقى ارخص قبل ما تتعمل بكتـيــــــــــــــــــــ ـــــــــــــــــــــــــ ــــــــــــــر وشغلها مفيش اسهل من كده بس عاوز تدريب على جهاز معين
6- أكيد بتتعب من اللف في محلات النضارات علشان تلاقي حاجه تعجبك
طيب في مكان اسمه سوق النضارات موجود عند قصر عابدين تقريبا وقريب من التحرير السوق ده في أشكال وألوان من النضارات
مضروب وغير مضروب بس أكيد متستناش اللي مش مضروب لانه أكيد قليل
بس هتلاقي حاجات نضيفه والحاجات الغاليه هتبقى رخيصه مع الفصال
هحاول اجيب احداثيات الموقع من جوجل
انتظروني

اللي اعرفه ان النظارات الأصلية بيبقى ليها سيريال نمبر ومكتوب على علبتها اللي بتيجي معاها

وعشان تتأكد انها اصلي ولا تقليد بتدخل على الموقع بتاع النظارة وتكتب السيريال نمبر بتاعها ويطلعك النظارة ، لو طلعت هي يبقى نظارتك اصلية وغير مقلدة .... والله اعلم

زي مثلا موقع Ray-Ban Official Web Site

اقتباس:

---

المشاركة الأصلية كتبت بواسطة musiccairo

للغاويين فقط (نظارات طبيه وشمسيه)
خدو المعلومات دي من اخوكم
1-النضارات في مصر دلوقتي اغلبها صيني (انا عارف انكم عارفين بس الصبر)
2- الصين بتاخد العلامه التجاريه او شهادة منشأ وبتصنع النضارات هناك (دي جديده)
3- النضارات اللي تلاقيها بأرقام فلكيه دي حتى في المغربي ممكن تكون متصنعه في الصين بشكل كبير ومضروبه (استنوا اقولكم على مكان تحفه)
4- النضاره كل اما وزنها يخف كل اما سعرها يغلى كل اما تقرب من الاصليه
5- العدسات اللي بتلاقيها غاليه دي بتبقى ارخص قبل ما تتعمل بكتـيــــــــــــــــــــ ـــــــــــــــــــــــــ ــــــــــــــر وشغلها مفيش اسهل من كده بس عاوز تدريب على جهاز معين
6- أكيد بتتعب من اللف في محلات النضارات علشان تلاقي حاجه تعجبك
طيب في مكان اسمه سوق النضارات موجود عند قصر عابدين تقريبا وقريب من التحرير السوق ده في أشكال وألوان من النضارات
مضروب وغير مضروب بس أكيد متستناش اللي مش مضروب لانه أكيد قليل
بس هتلاقي حاجات نضيفه والحاجات الغاليه هتبقى رخيصه مع الفصال
هحاول اجيب احداثيات الموقع من جوجل
انتظروني

---

ياريت تعرفنا المكان اكتر علشان خاطر اخواتك اللي لابسين نظارات

اقتباس:

---

المشاركة الأصلية كتبت بواسطة musiccairo

6- أكيد بتتعب من اللف في محلات النضارات علشان تلاقي حاجه تعجبك
طيب في مكان اسمه سوق النضارات موجود عند قصر عابدين تقريبا وقريب من التحرير السوق ده في أشكال وألوان من النضارات
مضروب وغير مضروب بس أكيد متستناش اللي مش مضروب لانه أكيد قليل
بس هتلاقي حاجات نضيفه والحاجات الغاليه هتبقى رخيصه مع الفصال
هحاول اجيب احداثيات الموقع من جوجل
انتظروني

---

انا كنت مره ماشي في وسط البلد ودخلت الشارع دة بالصدفه وسألت في محل وقالي انهم بيبيعوا النظارات بالجمله وليس قطاعي !!!

اقتباس:

---

المشاركة الأصلية كتبت بواسطة mr_sameh

ياريت تعرفنا المكان اكتر علشان خاطر اخواتك اللي لابسين نظارات

---

انا مش قادر افتكر بصراحه
انا هحاول اوصف
انا كنت في ميدان التحرير ساعتها ودخلت شارع القصر العيني ومشيت شويه والسوق او المول كان في شارع على اليمين
لو مش شارع القصر العيني يبقى الشارع اللي على ناصيته هارديز
بس ابقى اسأل قبل ما تدخل اي شارع على سوق النظارات هو معروف اوي
بس لازم تروح الصبح لان المول بس هو اللي بيبقى فاتح بليل
انما المحلات نهارا فقط واغلبها بيقفل بليل

اقتباس:

---

المشاركة الأصلية كتبت بواسطة kh_talaat

انا كنت مره ماشي في وسط البلد ودخلت الشارع دة بالصدفه وسألت في محل وقالي انهم بيبيعوا النظارات بالجمله وليس قطاعي !!!

---

انا معرفش حكاية الجمله دي (اكيد المحلات بتحتاج جمله)
القصه كلها انه مول كذا دور (طبعا مبنى قديم)
وفي محلات نظارات كتير وورش بتعمل العدسات
وفي الشارع محلات كتير برده تخصص نظارات واسمع ان في ناس بتقف في الشارع كمان (مشوفتش)
والاسعار عاديه في رخيص وفي غالي
انا وقتها روحت بليل ومكنتش اعرف كل الحاجات دي ولما سألت عرفت
واشتريت نظاره مضروبه ورميتها بعد كام شهر كدا وكانت وحشه (يعني اضحك عليا):verygood:
اهم حاجه انك تبقى ناصح وتفاصل وتروح في النهار ويستحسن بعد الظهر وتختار نظاره قيمه
وبس

اقتباس:

---

المشاركة الأصلية كتبت بواسطة musiccairo

للغاويين فقط (نظارات طبيه وشمسيه)
خدو المعلومات دي من اخوكم
1-النضارات في مصر دلوقتي اغلبها صيني (انا عارف انكم عارفين بس الصبر)
2- الصين بتاخد العلامه التجاريه او شهادة منشأ وبتصنع النضارات هناك (دي جديده)
3- النضارات اللي تلاقيها بأرقام فلكيه دي حتى في المغربي ممكن تكون متصنعه في الصين بشكل كبير ومضروبه (استنوا اقولكم على مكان تحفه)
4- النضاره كل اما وزنها يخف كل اما سعرها يغلى كل اما تقرب من الاصليه
5- العدسات اللي بتلاقيها غاليه دي بتبقى ارخص قبل ما تتعمل بكتـيــــــــــــــــــــ ـــــــــــــــــــــــــ ــــــــــــــر وشغلها مفيش اسهل من كده بس عاوز تدريب على جهاز معين
6- أكيد بتتعب من اللف في محلات النضارات علشان تلاقي حاجه تعجبك
طيب في مكان اسمه سوق النضارات موجود عند قصر عابدين تقريبا وقريب من التحرير السوق ده في أشكال وألوان من النضارات
مضروب وغير مضروب بس أكيد متستناش اللي مش مضروب لانه أكيد قليل
بس هتلاقي حاجات نضيفه والحاجات الغاليه هتبقى رخيصه مع الفصال
هحاول اجيب احداثيات الموقع من جوجل
انتظروني

---

معلش يا جماعة الكلام ده مش صحيح اطلاقا. انا كنت لسة حانصح صاحب الموضوع يروح المغربي أو جولي أو أي محل من الكبار دول لأن مستحييييييييييييييل يلاقي تقليد هناك. ممكن جدا يلاقي نظارات مش ماركات معروفة بأسعار أقل لكن تقليد ماركة لأ. كمان الماركات المعروفة أغلبها بتتصنع في فرنسا أو أيطاليا مش الصين و لا حاجة, بس حتى لو في الصين بس أصلي تبقى أكيد كويسة لأنها بضمان العلامة التجارية.

الكلام ده أنا بقوله عن ثقة لأن الشركة اللي أنا بأشتغل فيها عندها قسم للنظارات و عندنا توكيلين نضارات فرنساوي واحدة أسمها Tag Heuer و التانية أغلى و أفخم ماركة نظارات موجودة في السوق أسمها FRED و دي في المغربي في مصر بتبتدي من 4 ألاف و انت طالع والاتنين فرنساوي مية في المية. طبعا احنا بنتعامل مع كل المحلات الكبيرة اللي ليها chains دي و عشان كدة بأكد أنهم بيبيعوا أصلي وكمان النضارات الماركات أصلا ليها ضمان بتاخده من المحل يعني لو لونها غير و لا فيها حاجة باظت بتتصلح أو تتغير في الضمان.

كنت جايب - Titanium- Rayban من المغربى و العدسات كانت عندهم اغلى كتير من اى حد
بس النضاره ماشاء الله بقالها سنه و كلمه Made in china لسه ماتمسحتش ول اى حاجه اتمسحت و لا اللون اتغير بالرغم من abuse of usage

كنت جايب قبل كده من اماكن ارخص و انضحك عليا كتير قبل كده
بس للأمانه احسن ناس جبت منهم هما المغربى

و كمان الحاجه لو اغلى بس مضمونه شويتين

اقتباس:

---

المشاركة الأصلية كتبت بواسطة musiccairo

للغاويين فقط (نظارات طبيه وشمسيه)
خدو المعلومات دي من اخوكم
1-النضارات في مصر دلوقتي اغلبها صيني (انا عارف انكم عارفين بس الصبر)
2- الصين بتاخد العلامه التجاريه او شهادة منشأ وبتصنع النضارات هناك (دي جديده)
3- النضارات اللي تلاقيها بأرقام فلكيه دي حتى في المغربي ممكن تكون متصنعه في الصين بشكل كبير ومضروبه (استنوا اقولكم على مكان تحفه)
4- النضاره كل اما وزنها يخف كل اما سعرها يغلى كل اما تقرب من الاصليه
5- العدسات اللي بتلاقيها غاليه دي بتبقى ارخص قبل ما تتعمل بكتـيــــــــــــــــــــ ـــــــــــــــــــــــــ ــــــــــــــر وشغلها مفيش اسهل من كده بس عاوز تدريب على جهاز معين
6- أكيد بتتعب من اللف في محلات النضارات علشان تلاقي حاجه تعجبك
طيب في مكان اسمه سوق النضارات موجود عند قصر عابدين تقريبا وقريب من التحرير السوق ده في أشكال وألوان من النضارات
مضروب وغير مضروب بس أكيد متستناش اللي مش مضروب لانه أكيد قليل
بس هتلاقي حاجات نضيفه والحاجات الغاليه هتبقى رخيصه مع الفصال
هحاول اجيب احداثيات الموقع من جوجل
انتظروني

---

المكان بالضبط هو محطة مترو الأنفاق (محطة محمد نجيب) باب الخروج المتجة لشارع محمد فريد يجوار قهوة شهيرة فى الميدان فى شارع صغير إسمه شارع مشتهر يصل بين شارع محمد فريد و شارع رشدى (شارع الساحة سابقا)
و كذلك بجوار القهوة مباشرة هناك عدة شوارع صغيرة ممكن تكون حارات ضيقه
و ممكن فى شارع مشتهر تسأل على بلال أو أسامة -أسعارهم معقولة

فعلا معظم النضارات اللي في السوق مكتوب عليها Made in Italy و البياع يقولك دي وارد دبي , قال يعني إيطالي بس جايه عن طريق دبي , تأكد إنها صيني 100% , و بتتباع ب 400 جنيه

الانقح من كده أنا جبت نضاره Fila أصليه ب 700 جنيه مكتوب عليها Made in Italy , دخلت على الموقع بتاعهم لقيت مكتوب في المواصفات إنها Designed in Italy و صورة الدراع مفوش أي سيرة لصنع إيطاليا

و لما ركزت في المكتوب على دراع النضارة بتاعتي لقيت إن عبارة Made in Italy دي مكتوبة بفونت مختلف ولون بهتان عن السيريال و الكود , فتأكدت إنها صيني و طابعين عليها إنها إيطالي عشان تتباع في مصر و الدول الهندية

اقتباس:

---

المشاركة الأصلية كتبت بواسطة hh

معلش يا جماعة الكلام ده مش صحيح اطلاقا. انا كنت لسة حانصح صاحب الموضوع يروح المغربي أو جولي أو أي محل من الكبار دول لأن مستحييييييييييييييل يلاقي تقليد هناك. ممكن جدا يلاقي نظارات مش ماركات معروفة بأسعار أقل لكن تقليد ماركة لأ. كمان الماركات المعروفة أغلبها بتتصنع في فرنسا أو أيطاليا مش الصين و لا حاجة, بس حتى لو في الصين بس أصلي تبقى أكيد كويسة لأنها بضمان العلامة التجارية.

الكلام ده أنا بقوله عن ثقة لأن الشركة اللي أنا بأشتغل فيها عندها قسم للنظارات و عندنا توكيلين نضارات فرنساوي واحدة أسمها Tag Heuer و التانية أغلى و أفخم ماركة نظارات موجودة في السوق أسمها FRED و دي في المغربي في مصر بتبتدي من 4 ألاف و انت طالع والاتنين فرنساوي مية في المية. طبعا احنا بنتعامل مع كل المحلات الكبيرة اللي ليها chains دي و عشان كدة بأكد أنهم بيبيعوا أصلي وكمان النضارات الماركات أصلا ليها ضمان بتاخده من المحل يعني لو لونها غير و لا فيها حاجة باظت بتتصلح أو تتغير في الضمان.

---

يعني ولا كلمه انا قلتها صح
يعني انا كداب :shine[1]:
طيب يا استاذ
متشكرين جدااا:B4_388:

تاج هاير وفريد طبعا تحف وتمنهم غالي جدا زي مونتي بلان وببعد عنهم لان اقل موديلات فيهم بتبدا من 3
بحب جدا موديلات بلجاري بس غالية برضه وارماني قلب شعبي حاجات كتير قلدت موديلاته وبيرسول دايما عواجيزي بحس انها حلو فوق ال40

انا بجيب دايما من c&co
احسن اسعار في مصر
وعندهم التعبان وعندهم الاوريجنال
خاصة فروع سيتي ستارز اللي عند سبينس او اللي في المول الجديد
كنت جايب البربري ب 1800 تقريبا وحوالي 200 لتغيير العدسات من شمس لنظر وتلوينهم
البرادا كانت ب 1700 من غير عدسات
نضارات صنعت للشقى بجد
الدولشي جبتها قعدت 3 سنين مش بشيلها من على وشي وبتاخد عليها ضمان سنة
البربري انجليزي
والبرادا ايطالي وجاي معاها سريال وشهادة ضمان لو حصل فيه اي حاجة لمدة سنة
وكمان كنت واخد شهرين تامين لو اتكسرت تيجي تاخد واحدة بنفس تمنها ببلاش :-)
وسعرها على النت كان معدي ال 300 دولار
نصيحة احسن مكان بشتري منه وانا مطمن للسعر هو سي اند كو ولو لقيت حاجة سعرها ارخص من عندهم خلال شهر تاخد فلوسك
وكمان بيعملو تخفيضات وهمية زي العرض بتاع سنك يساوي خصمك
خدت والدي معايا عشان سنه كان 64 سنة خدت خصم 64 %
ولقيت واحدة جايب جدها 71 سنة وخدت خصم 71 %
بس كانو بيسجلو الرقم القومي
هاهاهاها

اقتباس:

---

المشاركة الأصلية كتبت بواسطة musiccairo

يعني ولا كلمه انا قلتها صح
يعني انا كداب :shine[1]:
طيب يا استاذ
متشكرين جدااا:b4_388:

---

اكيد طبعا مش قصدها كداب يا محمد
وتاج هاير وفريد مش بتضرب كتير عشان وديلاتها كلاسيك شوية ومش منتشرة
بس في اماكن فيها اوريجنال وفي اماكن فيها هاي كوبي وده بقي كتير
وبيتدرج لغاية المضروب الرخيص
زي الساعات كدة
انا شوفت تقليد تيسو ب 200 درهم في دبي
ولقيت تقليد لنفس الشكل ب 30 درهم
والاصلي كانت ب 2000 درهم
ده الفرق فقط

اقتباس:

---

المشاركة الأصلية كتبت بواسطة karim_monir

تاج هاير وفريد طبعا تحف وتمنهم غالي جدا زي مونتي بلان

---

تاج أور و مون بلو .... معلش بقى يا كيمو حبكت معايا :ma(36):

اقتباس:

---

المشاركة الأصلية كتبت بواسطة karim_monir

تاج هاير وفريد طبعا تحف وتمنهم غالي جدا زي مونتي بلان وببعد عنهم لان اقل موديلات فيهم بتبدا من 3
بحب جدا موديلات بلجاري بس غالية برضه وارماني قلب شعبي حاجات كتير قلدت موديلاته وبيرسول دايما عواجيزي بحس انها حلو فوق ال40

انا بجيب دايما من c&co
احسن اسعار في مصر
وعندهم التعبان وعندهم الاوريجنال
خاصة فروع سيتي ستارز اللي عند سبينس او اللي في المول الجديد
كنت جايب البربري ب 1800 تقريبا وحوالي 200 لتغيير العدسات من شمس لنظر وتلوينهم
البرادا كانت ب 1700 من غير عدسات
نضارات صنعت للشقى بجد
الدولشي جبتها قعدت 3 سنين مش بشيلها من على وشي وبتاخد عليها ضمان سنة
البربري انجليزي
والبرادا ايطالي وجاي معاها سريال وشهادة ضمان لو حصل فيه اي حاجة لمدة سنة
وكمان كنت واخد شهرين تامين لو اتكسرت تيجي تاخد واحدة بنفس تمنها ببلاش :-)
وسعرها على النت كان معدي ال 300 دولار
نصيحة احسن مكان بشتري منه وانا مطمن للسعر هو سي اند كو ولو لقيت حاجة سعرها ارخص من عندهم خلال شهر تاخد فلوسك
وكمان بيعملو تخفيضات وهمية زي العرض بتاع سنك يساوي خصمك
خدت والدي معايا عشان سنه كان 64 سنة خدت خصم 64 %
ولقيت واحدة جايب جدها 71 سنة وخدت خصم 71 %
بس كانو بيسجلو الرقم القومي
هاهاهاها

---

:verygood:
خبرتك كبيره في النظارات يا استاذ كريم
انا خبرتي على ادي وفي ماركات معرفهاش اصلا:36_1_31:
هبقى اخد جوله كدا عشان اعرف الماركات:shyy:

اقتباس:

---

المشاركة الأصلية كتبت بواسطة musiccairo

يعني ولا كلمه انا قلتها صح
يعني انا كداب :shine[1]:
طيب يا استاذ
متشكرين جدااا:B4_388:

---

لا طبعا انا بأعتذر لحضرتك, كلامك على راسي من فوق. أنا الكلام اللي أقصد انه مش صحيح ان المحلات الكبيرة بتبيع حاجات تقليد لأن ده مش بيحصل. ممكن تلاقي عندهم حاجات أرخص في السعر و أكيد أقل في الجودة لكن لو أشتريت ماركة معينة تبقى أكيد أصلية حتي لو made in china.

و بعدين انا قلت على كلامك مش صحيح و حضرتك قلت عليا أستاذ... نبقى خالصين:satelite:

طيب ايه افضل اسلوب للعناية بالنضاره الاصلية
انا معايا نضارة امبريو ارماني ايطالي كنت جايبها من مغربي سيتي ستارز بس حاسس انها اتخدشت في العدسات
بس هيا لسه مش بقالها كتير يعني حوالي 4 شهور

اقتباس:

---

المشاركة الأصلية كتبت بواسطة political_tika88

طيب ايه افضل اسلوب للعناية بالنضاره الاصلية
انا معايا نضارة امبريو ارماني ايطالي كنت جايبها من مغربي سيتي ستارز بس حاسس انها اتخدشت في العدسات
بس هيا لسه مش بقالها كتير يعني حوالي 4 شهور

---

امسحها بمنديل نضارة او قطنة ناعمة (زي الفانلات القديمة) و بلاش الكلينكس

شيلها في الجراب و انت مش مستعملها او في مكان تبقى نايمة على ضهرها يعني العدسات مش لامسة حاجة

بس :)

اقتباس:

---

المشاركة الأصلية كتبت بواسطة political_tika88

طيب ايه افضل اسلوب للعناية بالنضاره الاصلية
انا معايا نضارة امبريو ارماني ايطالي كنت جايبها من مغربي سيتي ستارز بس حاسس انها اتخدشت في العدسات
بس هيا لسه مش بقالها كتير يعني حوالي 4 شهور

---

العدسات غير النضارة ....دي قصة لواحدها ...

بس نصيحة وانت بتغير العدسات المرة الجاية اسأل علي عدسات ياباني اسمها هويا Hoya

هي غالية شوية ...بس مش عارف صنعينها ازاي...هي بلاستيك وخفيفة وماليانة اوبشن بس فعلا ما بتتجرحش بسهولة ...الا لو انت جبت حاجة معدنية حادة وخربشتها بيها....خدمة شاقة يعني

مغربي بحس انهم غاليين جداً وكان ليا تجربه معاهم في نضاره nike اتكسرت مرتين وهي مكملتش اسبوع !!
وسي اند كو جبت من عندهم نضاره FCUK ب750جنيه ولونها اتقشر بعديها باسبوعين ومكانوش عايزين يغيروها غير لما اتخانقت معاهم وكمان اتحملت تمن العدسات!!
وجابولي موديل شبهها مش زيها وكان شكله وحش وملبستهاش تاني
المشكله ان المضروب بقى ليه سعر وانا جايب واحده مضروبه ب500 جنيه بعد الفصال والراجل يقولك دي مضروبه عادي كده!!

اقتباس:

---

المشاركة الأصلية كتبت بواسطة أحمد كمال

تاج أور و مون بلو .... معلش بقى يا كيمو حبكت معايا :ma(36):

---

معلش يا كيمو
اصلي تعليمي انجليزي مش فرنساوي
الازهر ماكنش فيه فرنساوي

كانو بيجبولنا مدرس تاريخ وفغنساوي على ما يجبولنا مودغس فغنساوي:shine[1]:

اقتباس:

---

المشاركة الأصلية كتبت بواسطة political_tika88

طيب ايه افضل اسلوب للعناية بالنضاره الاصلية
انا معايا نضارة امبريو ارماني ايطالي كنت جايبها من مغربي سيتي ستارز بس حاسس انها اتخدشت في العدسات
بس هيا لسه مش بقالها كتير يعني حوالي 4 شهور

---

انا بلبس نضارات وانا في اعدادي
ضريبة العيون الملونة بقى والقراءة كتير

رجعت تاني من اول السنة للعدسات الزجاج
حقيقي هايلة وقليلة الخربشة
وتمنها قريب لو اتكسرت مش مشكلة اعمل غيرها
بس مش هاتتكس الا في وقعه جامدة على ارض صلبة
ولو هاتتخانق ابقى اخلع النضارة الاول :b4_444: