يا جماعة هو فيه بيكانتو اتوماتيك؟ وكم سى سى ؟ وسعرها كام ؟ واضمن مكان لشرائها منين؟
عرض للطباعة
يا جماعة هو فيه بيكانتو اتوماتيك؟ وكم سى سى ؟ وسعرها كام ؟ واضمن مكان لشرائها منين؟
فيه بيكانتو اوتوماتك .. سعرها 70 الف جنيه
1100 سي سي
عليها ضمان 5 سنين او 100 الف كيلو متر ايهما اقرب
اضمن مكان لشرائها توكيل كيا .. العنوان .. امام مسجد الحامدية الشاذلية بالمهندسين
اول شارع يومين بعد ماكندونالدز جامعة الدول - سور نادي الزمالك
نصيحة .. سعرها زيادة شوية مقارنة بامكانيات العربية و لو هتوصله هتلاقي اختيارات تانية مفتوحة لعربيات اقوي مقارنة بالبيكانتو 1100 سي سي
فعلا .. و انا كنت عملت موضوع قلت فيه كدة بعد ما سعر البيكانتو ارتفع ارتفاع غير مبرر و مبالغ فيه
و الارتفاع ده حصل من ساعة ما نزل دفعة 2008
هوا سعرها عالي ،،
بس مش مبالغ فيه بالنسبة للسوق ،،
الأتوس اتوماتيك ب 70 الف برده ،،
و بعدين اقرب اتوماتيك بعد كده الفيرنا ب 76 الف
و الأعلي سيريون و جيتز و افيو ب 80 الف
في الفئة دي الفروقات بتبقي بالخمستلاف جنية مش اكتر
بسم الله
الموقع جميل اوى وانا بستفاد اوى منه
بيكانتو صحيح ب 70 الف والفيرنا 76 الف لكن فى نقطه
ان بيكانتو 1100 سىسى والفيرنا 1600 سىسى يعنى 1100 بتوفر بنزين عن 1600
مش صحيح الكلام ده ولا ايه
انا بفكر اجيبها ومش عايزة من العربيه غير توصلنى مشاويرى ومتصرفش بنزين وتكون اتوماتيك عشان تبقى سهله فى السواقه
افيدونا يا اصحاب الخبرة
بس انتبهوا من فضلكم ان فى ناس وانا منهم لا احب السرعات العاليه عشان بتتكلموا ع السحب والثبات ..ولا حاجات كتير باعتبرها كماليات مالهاش لازمه عندى
انا احب العربيه السهله القريبه فى كل حاجه بس برضه متبقاش الفلوس خسارة فيها عشان هتبقى عربية العمر ان شالله
وشكرا مقدما
ابعدى عن الفيرنا وخليكى فى البيكانتو
البيكانتو عربيه تليق على البنات اكتر من الفيرنا
البيكانتو تقفيل كورى وعربيه ممتازة وصغيرة وسهلة فى الركن والسواقه وموفره فى البنزين
اتكلى على الله وهاتى البيكانتو
التوفير في ال 1100 سيسي مش كبير لإن صاحبي معاه دايو ماتيز 850 سيسي توفيرها مش قد كده
بسم الله
شكرا لكما بصراحة انا كنت مقتنعه بالبيكانتو بس لقيت الكلام عليها ان سعرها اغلى مما تستحق
والاخ شاهين :بتقول ان 1100 سىسى مش اد كده فى التوفير فى البنزين
امال فى بيشكروا فى هوندا سيتى وتوفيرها فى البنزين وهى 1300 سىسى والياريس كمان
اذا كان ع 20 الاف زيادة بس اجيب عربيه تستاهل الفلوس لانى مش هاغيرها ان شالله
اشكر كم مقدما
على فكرة يا جماعة العربية البرودوا كليسا ممتازة سعرا وكماليات
اوتوماتيك + تكييف + زجاج كهرباء + سنترال لوك + كاسيت
وكمان 1000 سي سي - 4 سلندر - انجيكشن
حجمها مش صغير قوي وتنفع البنات جدا
سعرها 58000 جنيه
المانيوال 51000 جنيه
على فكرة العربية دي ماليزي (اصلا هيا الدايهاتسو ميرا موديل 2000)
استهلاك البنزين حوالى 320 كم في الصفيحة (320 كم لكل 20 لتر بنزين)
رامي (ابو احمد)
السيريون 1300 اوتوماتك موفرة في البنزين و سعرها 82 و نص
و ميزتها عن البيكانتو ان المحرك اكبر فا مش هيتأثر بالتكييف في الصيف
اضافة الي انها يابانية بالكامل و توكيلها محترم
فعلا حاولى تجيبى سيريون لو تقدرى او ياريس و دول بجد عربيات العمر لأنهم يابانى و معمرين جدا و الياريس بالزات لها مستقبل ان شاء الله فى مصر و كل التويوتا يعنى قطع غيار و كل حاجة موجودة ان شاء الله و العربية مع واحد صاحبى و هيا فوق الممتازة بس هية فيها عيب بس حيقابلك فى الأول ان اول ما حتركبى العربية حتحسى انك سايقة ميكروباص لأن لا الكابوت باين ولا الشنطة باينة خالص خالص مهما عملتى مش حتشوفى الكابوت ولا الشنطة و العملية دية انا بحسها مش مريحة خالص بالنسبالى انا ممكن معرفش اسوقها خالص :) انا لازم ابقى شايف العربية مش امشى كدة :) بس الموضوع دة بيجى مع التعود و خلاص بتخدى على العربية و الأوتوماتيك من الياريس فية ABS و 2 Airbags توكلى على الله و هاتيها عربية بجد 100 100 و موفرة بجد فى البنزين
يا نهار اسود 82 و كمان نص !!!!!!!!!!!!! على كدة السريون بقت رخيصة !!!!
بكانتو الاوتوماتيك عربية عبقرية لن تجد في مجموعة 1100 مثلها على الاطلاق
بتوفر شوية في البنزين والسنة الجاية منعرفش حيبقى سعر البنزين ككككااااااااااام يالطيف اللطف
تكنها في اي مكان
صالونه بيشيا 4 غير الواق زي اي عربية متوسطة وفوق المتوسطة
شنطتها 166 لتر ونازلة كمان تحت الكرسي الوراني يعني تشيل شنط كبرة وشنطتين متوسطين
شكلها خطير والوانها كلها مميزة مش العربيات اللى كل شكلها بقى زي بعضه
فرشها جميل وعدداتها عدلة كويس قدام السواق
سرعتها معقولة وان كان في مصر السرعة مش مهمة اوي 100 على طريق اسكندرية والسويس الجديد دي اكبر حاجة
العربية حلوة بس فعلا سعرها زيادة .. الاسعار في مصر كدة متغيريش رائيك هاتيها مش هتندمي انا حجيبها ان شاء الله السنادي