الموضوع: هو ايه ماتور 1 كامه و 2 كامه وايهما افضل

كل حاجة بتأكد عكس اللى بيقال وكمان شوف كلامك دة لكل الفكترا ال 1.6 مانول فى كل العالم وبينى وبينك اليو تيوب

المشاركة الأصلية كتبت بواسطة hellboy

السلام عليكم ...
معلش استحملني ..انا عربيتي موديل 99 كامله مانوال وجبت بيها سرعه 190 كم وانا صادق ومش من هواه السرعه اصلا وكان اتجاه الهوا ضدي والموتور ماشاء الله عامل 213000 كم , يعني لو علي كلام حضرتك حسبنا معامل مقاومه الهوا وحاله الموتور كان هيفرق معايا سرعه اكبر .تمام ؟ اللي اعرفه ان العربيات الالماني عندها القدره انها تقفل الامبيربرغم طلعتها البطيئه نظرا لوزنها الكبير بعكس الياباني وزنه اخف وتجميعه اسرع انما ما بيقدرش يقفل امبير الا الموديلات العاليه زي اللجزس مثلا .. وبعدين في هنا وسطنا اكتر من واحد عدي سرعه 200 كم بموتور 1600 .

اقولك انا حنزل الجراج و ارفع العبية من أودام واتحدى، ومحدش يقولى هوا ولا احتكاكككك واتحدى تانى

مبدأيا اتفقنا ان الفوكسهول دى مخصصة لأنجلترا بس وقد يكون معاها بعد الدول كمان....والموتور التانى اللى حضرتك جبته فى الصورة مكتوب عليه فوكسهول ....اللى حضرتك قولتلى انه c20sel طيب ايه اللى يناظر الموتور ده من اللى نزل لجميع الدول اللى بتنزل فيها العربيات دى تحت اسم اوبل؟؟؟؟ببساطة هوهو الايكوتيك ال2000 سى سى لأن لو حضرتك اخدت بالك هتلاقى التصميم بتاع الموتورين قريب جدا جدا من بعض...طيب خلينى مع حضرتك وافترض ان ده موتور وده موتور تانى خالص وان الc20sel ده مش تبع ايكوتيك نهائى...طيب ازاى السوفت وير بتاعها كان مشغل كومبيوتر الموتور عندى وكانت العربية ماشية بيه؟؟؟؟؟دى جزئية

قبل مانتكلم فى فرووق بين الموتورين هوضح بس نقطة , مفيش حاجة اسمها المناظر لفوكسهول او هولدن او حتى شيفرولية فى اوبل لأن GM مبتعملش حاجة والمناظر ليها
GM بتعمل ديزاين تحت ماركة اوبل مثلا لأنها الاصل وبعد كدة عايزة تبيع العربية دى فى استراليا مثلا تصنعها باسم هولدن ( نفس العربية والموتور مجرد فرق علامة ) لو مثلا هتروح انجلترا تبقى فوكسهول وفى بلاد بتنزل نفس العربية بس تحت اسم شيفرولية .. مسألة تسويق حتى لو تلاحظ قطع الغيار الاصلية GM مش اوبل مثلا او فوكسهول
مواتير الدايو مثلا تكنولوجى قديمة لمواتير اوبل لأن الاتنين تحت اسم GM

اما بالنسبة للموتورين فال C20SEL مش لاقى معلومات كاملة عنة كل الفروق اللى عرفتها انة اقل فى نسبة الانضغاط وكمان اعتقد انة مش ايكوتك لكن كتصميم فى قطع غيار كتير لقيتها مشتركة وكمان اعتقد ان فترة انتاجة كانت قليلة بين 1997 و 1998 بس ويمكن دة اللى يفسر ندرة المعلومات عنة , كل المعلومات اللى لقيتها على النت ل X20XEV بتقول انة 136 حصان ودة اللى منتشر اكتر واعتقد انة دة اللى نزل مصر فعلا مش التانى حتى كتالوج عربيتى مكتوب فية مواصفات المواتير بتاعتها منهم X20XEV ومفيش سيرة ال C20SEL .. عموما ممكن اى واحد معاة واحدة ايكوتك اوريجينال يفيدنا وفى زميل هنا ( احمد مقلد ) معاة واحدة كمان ممكن م / احمد حماد يفيدنا باعتبار انة عندة مركز صيانة
اما بالنسبة للسوفت وير فا لو الفروق مش كبيرة بين المواتير او نفس الموتور باختلاف فروق بسيطة هيدور بس مش هيبقى مظبوط ودة اللى كان عندك

الجزئية التانية هو سؤال فنى بسيط....هل حضرتك تعتقد ان وجود جهاز EGR فى الموتور هيكون تأثيره سلبى على الموتور؟؟؟يعنى هل تعتقد ان اللى صممه على الموتور كان قليل الذكاء لدرجة انه هيعمل حاجة تضر الموتور وتقلل من قوته؟؟؟؟مااظنش يعنى انهم كدة.....كمان حساس الشكمان لما بيدى امر للEGR انه يفتح وياخد العادم اللى لم يحترق بشكل كامل فده بيحصل عشان العادم ده يرجع تانى يتحرق داخل الموتور...وطبعا عادم غير محترق وبيحترق فدى قوة زيادة للموتور مش تأثير سلبى ولا حاجة...والا مكنش اتعمل اساسا

موضوع ال EGR مش ان مصممة يبقى قليل الذكاء ولا حاجة , بس هى الاولويات مختلفة عن عندنا شوية .. يعنى هم اهم حاجة عندهم البيئة وقوانين البيئة ونسب الانبعاثات والكلام دة انما احنا هنا كلمة بيئة عندنا يعنى شتيمة !! اهم حاجة رقم الباور والجرى والحرق والكلام دة
التانى بيعمل توازن بين الاتنين بيحاول يرفع الباور مع الالتزام بقوانين البيئة ودة ميمنعش انة يضحى بكام حصان .. طيب هنروح بعيد لية كلمة ايكوتك اختصار economy technology يعنى قلل استهلاك البنزين ونسب الانبعاثات الضارة ودة طبعا على حساب الباور يعنى التكنولوجى دى لو مش موجودة الموتور هيدى باور اعلى
كمان علبة البيئة او ال catalytic converter نفس القصة بيقلل الباور شوية على حساب انبعاثات العادم

EGR is typically not employed at high loads because it would reduce peak power output. This is because it reduces the intake charge density. EGR is also omitted at idle (low-speed, zero load) because it would cause unstable combustion

exhaust gas recirculation reduce the formation of OX by allowing a small amount of exhaust gas to leak into the intake manifold. the amont og gas leaked into the intake manifold is only about 6 to 10% of the total, but it's enough to dilute the air/fuel mixture just enough to have a cooling effect on combustion temperature. this keeps combustion temperature below 1500 degrees C to reduce the reaction between nitrogen and oxygen that forms NOX

اما بالنسبة لموضوع انة ياخد عادم يدورة يقوم يدى قوة زيادة دة استحالة يحصل , دة حتى مش اسمة عادم يعنى عمرة مايدى باور , طب بالعقل كدة اية اللى يرفع الباور اكتر عادم مش محترق ولا شحنة جديدة فريش داخلة لسة تتحرق .. لو كان الموضوع باور كان رمى العادم دة سواء محترق ولا مش محترق ودخل شحنة جديدة احسنلة

جزئية كمان احب اقول لحضرتك عليها وهى ليه EGR نزل فى المواتير اللى جاية من الخارج ومنزلش فى المواتير اللى نزلت فى الCDX اللى نزلت مصر؟؟؟؟؟وليه العربيات اللى نزلت مصر CDX شغالة بالسوفت وير C20SEL ؟؟؟؟ومش شغالة بالسوفت X20XEV ؟؟؟هل ده مش معناه انه فيه فرق فى تصميم كلا الموتورين؟؟؟

العربيات ال cdx اللى هنا كلها المانى مش مصرى ولو افترضنا انهم فاصلين ال EGR للعربيات اللى نازلة مصر فالموضوع هنا يبقى حسب كونترول ال EGR
بمعنى ال EGR الكونترول بتاعة اما ميكانيكى او الكترونى , لو ميكانيكى زى اللانوس هيطبب الفتحة بتاعتة زى اللانوس الهاف وخلصت ( معتقدش هيبقى فى فرق فى الكونترول ) , لو الكترونى يبقى السوفت وير هيختلف بس السؤال هنا بقى .. هل تعتقد انة هيعمل تصميم مختلف لمحرك علشان خاطر عيون الدول المتخلفة اللى ملهاش دعوة بالبيئة!!!
ال EGR مش الفرق الجوهرى اللى يعمل علشانة تصميم مختلف لنفس المحرك اقصاة هيغير السوفت وير او هيشتغل بنظام دة اللى موجود ان كان عاجبك !

شخصيا عندى استفسار يهمنى انا بقى شخصيا ومشكلة مش عارف حلها ياريت حضرتك تحلهالى بعيد عن القصة دى وهى خاصة بالجهاز الصغير اللى موجود فى شطنة العربية اللى المفروض بيساعد على استقبال محطات الراديو فى الكاسيت....هل ده لازم يشتغل على كاسيت العربية الاصلى بس....ولا ممكن يشتغل على اى كاسيت تانى؟؟؟وايه هى دخلات التوصيلات الخاصة بيه لأنى هتجنن واشغل الراديو عندى على الكاسيت عن طريق الجهاز ده ومش عارف ومش لاقى حل اساسا لموضوع الراديو ده...فياريت تساعدنى فيه...

انت يعنى غيرت الكاسيت ومش عايز الراديو يشتغل
عموما الجهاز دة موجود تحت الرف اللى ورا بين الصاج والرف وهو ملهوش دعوة بنوع الكاسيت دة مجرد مقوى للاشارة والهوائى نفسة موجود فى الزجاج الخلفى مع دايرة الزجاج الحرارى
انت ملكش دعوة بالجهاز دة , لو فكيت الكاسيت هتلاقى سلك الانتينا موجود وراة , ممكن يكون مش واصل او السلك فية حاجة

اخر حاجة انا مش متضايق ولا حاجة وربنا اللى يعلم بكدة

ولا يهمك ياباشا مش هنزعل من بعض علشان كوم صاج

اكيد لان عوامل الجو كان مسعدة بس عوامل الجو بتسعدك بمعدل سرعة 5 كيلو مثلا

عوامل الجو مش ثابتة وبالتالى متقدرش تحطلها معدل ثابت ممكن يقل او يزيد

هنا في السعودية عربية اسمها فورد مركيز والعربية ده من اشهر العربيات هنا وبتيجي في معظم الافلام الاجنبية العربية ده 5700 سي سي 8 سلندر وانا معاي تويوتا هاي لوكس 2700 سي سي 180 ده سهلة جدا بالنسبة ليه ومع انه اخر العداد والهي بدوسة واحدة من المركيز مبشفهوش متخيلين يعني بالنسبة له 260 و 280 ده حاجة سهلة المنال جدا مش هيفضل قارص على الموتور ساعة علشان يجهم لا بدوسة واحدة والهي بجد بتيجي وبعدين العربيات ده متعرفش موضوع الهوا ضدد والتكيف شغال ولا لا مفيش الكلام ده خالص

اية اللى جاب ال 1.6 لل 5700 !!
اكيد كل لما سعة الموتور زادت الباور والعزم هيزيد وبالتالى سحب اعلى وسرعات اعلى
موضوع تأثير التكييف والهوا دة ثابت فى كل العربيات مفيش عربية ايا كانت مش هتتأثر بس الاختلاف حسب قوة الموتور , يعنى 100 حصان لما تاخد منهم شوية للتكييف غير لما يبقوا 200 حصان غير لما يبقوا 400 حصان
كمان الايرودينامكس بتاعت العربية بتفرق حتى لو نفس الموتور والعوامل الاخرى
اذا كان مقاومة الهوا وسرعتة واتجاهة بتأثر على الطيارة مش هتأثر على العربية !!

يا أستاذى الفاضل من تواضع لله رفعة وكلام حضرتك غريب، مانول العربية اللى الشركة عامله بيقول 180-185 ديه حاجة، الحاجة التلنية عربية وزنها حوالى طن ونص، الحاجة الثالثة الفكترا ال1600 مانول 86 حصان كامة واحدة وكل دة من غير حساب معامل الاحتكاك و الهواء ومدى نظافة وكفائة البنزين المتوقر بالسوق واخيرا انا مش مصدق كلام حضرتك نهائى وذللك لما السيفك او الانسر اللى عكس كل حاجه فى اللى انا قولتو على الفكترا متعملش اللى حضرتك عمال بتقولو يا باشا دية فكترا يعنى مش اودى عشان مويور 68 حصان كامة يجيب 210 و معاكواخيرا نسيت اقولك على حاجة انا عربيتى فكترا 2002 من الزيرو لحد اليوم عاملة 100000 وبحوتلها 95 ومع كامل الاحترام ليك مش حيحصل اللى بيتقال بس دية امكانيات عربية ملهاش دعوة بالفن

- الموتور دة 75 حصان مش 86
- لو دورت فى مانيوال اى عربية هتلاقىها فعليا بتجيب اعلى من اللى مكتوب
- حتى لو افترضنا انها 185 , فى عربيات حديثة بمواتير احدث ووزن اقل وهتلاقى نفس الرقم او اعلى حاجات بسيطة مكتوب فى الكتالوج
- اعلى سرعة جبتها بعربيتى وبنفس الموتور دة كانت 190 ومكنش اخرها ونظريا بحساب ال RPM والسرعة هتكسر ال 200 بالرغم من انا لا بقرص على العربية ولا بحرق

- حتة الامكانيات والفن صحيح امكانيات العربية بتفرق بس طريقة السواقة بتفرق بردة حتى لو لنفس العربية ونفس الحالة , كان مع واحد صاحبى 128 1100 سى سى وكانت بتجيب 160 و 170 فا طريقة السواقة عامل مؤثر برضة

اقولك انا حنزل الجراج و ارفع العبية من أودام واتحدى، ومحدش يقولى هوا ولا احتكاكككك واتحدى تانى

لأ طبعا الاحسن انك تنزل على الطريق وتجرب
بالطريقة بتاعتك هتقفل العداد وبزيادة وبسهولة كمان بس الغلطة هتروح انت والعربية , متنساش ان العربية واقفة على كوريك فى الاخر