مع كامل احترامى لحضرتك وكاتب الموضوع اللى انت نقلت كلامةوبالمناسبة اى حد عنده موتور 2000 سى سى ايكوتيك 2 كامة الفضى ياريت يبص تحت الفرن على اسم الموتور عنده لأنه فيه مواتير اسمها x20xev ودى الاوروبى وفيه مواتير تانى اسمها c20sel ودى اللى نزلت مصر هنا....ومااعتقدش انه لو الموتورين واحد كانوا هينزلوهم مختلفين عن بعض سواء فى مداخل هواء او حجمها او وجود وحدة اعادة حرق العادم الغير محترق تماما egr او كل الكلام ده....عموما مع كامل احترامى للناس اللى هنا انا بجد خلاص زهقت من الكلام فى الموضوع ده لأن واضح انه مش هيكون فيه جديد من الكلام
- ال EGR وظيفتة زى ماشرحت قبل كدة ملوش دعوة بغازات العادم اللى متحرقتش .. وحتى على كلامك فا بردة هتقلل الباور لأن الاسطوانة داخل فيها غازات محترقة اللا لو فى طريقة للفصل بين الغازات المكتملة الاحتراق والغير مكتملة الاحتراق !!
- حساس الشكمان او حساس الاكسجين او lambda sensor وظيفتة باينة من اسمة بيحس بكمية الاكسجين فى العادم علشان يبعت اشارة للكمبيوتر يعدل نسبة خلط البنزين والهوا دة طبعا فى حالة خليط ضعيف او lean mixture (نسبة الهوا اعلى من نسبة البنزين المفترضة)
- طلمبة الهوا دة لفظ ميتقلش اصلا (لفظ غلط) مفيش حاجة اسمها طلمبة للغازات , الطلمبات جههاز مخصص لرفع ضغط السوائل , طلمبة مية , طلمبة بنزين وهكذا ... بعكس الكومبريسور بيرفع ضغط الغازات , يعنى المفروض كومبريسور هوا مش طلمبة هوا
النقطة الاهم بقى ان العربية مش supercharged علشان يبقى فيها كومبريسور هوا ولا طلمبة هوا ولا اى حاجة
- "تنكات فتح بوابات المنافولد " بصراحة مش فاهم يعنى اية تنكات فتح بوابات المنافولد اللى اعرفة ان بوابة المانيفولد throttle valve دة شغال بأمر من دواسة البنزين سواء بواير او كهربا انما عمرى ما سمعت عن تانكات نهائى فى الموضوع دة .. ياريت تشرح النقطة دى!!
- اللى اعرفة ان نظام دخول الهوا للمحرك تنقسم قسمين : naturally aspirated engine (المواتير العادية من غير تربو) , forced (المواتير اللى فيها تربو)
بالنسبة للمواتير العادية بيبقى عن طريق التخلخل اللى بيعملة البستم اثناء نزولة فى شوط السحب , لا فى تانكات ولا بوابات ولا حاجة
- لو تقصد ان الموتور الاوروبى هو x20xev , فا هو دة الموتور الايكوتك ال 2.0 ال 16 صمام ال 136 حصان اللى نزل هنا وبرة (على فكرة كتالوج العربية اللى جاى معاها من المصنع واللى مطبوع فى مصر وفية مواصفات المواتير كلها فية نفس الكود دة وبردة 136 حصان)
ودة من ال service manual كمان
engine : x20xev
compression ratio : 10.8
max. power: 136 @ 5600 rpm
max. torque : 188 @ 3200 rpm
ودة من مواقع اوروبية كمان
ودى صورتةthe introduction of the the X20XEV Ecotec engine, a cheaper, less reliable derivative of the classic X20XE 16-valve or "red top" engine. This marked a reduction in power from 156 bhp to 136 bhp for the 16-valve version, although the Turbo continued with the C20LET
ودى صورة ال c20sel
- اعتقد واضح الفرق بين الاتنين وان الايكوتك هو x20xev
- بالنسبة للموتور التانى بصراحة ملقتش معلومات كاملة عنة بس اللى عرفتة انة بيركب علية تربو ويمكن دة اللى بيفسر ان نسبة انضغاطة اقل من الايكوتك , لأن الايكوتك مينفعش يركب علية
- اعتقد كدة وضح الفرق بين المواتير وبعضها وان مفيش حاجة اسمها مصرى واوروبى والارقام اللى انا كاتبها دى من كتالوجات الشركة مش كلام حد , وبعدين الحاجت دى كلها لأوروبا مش لينا يعنى بمعنى انة لو 144 حصان كان كتبهم عندة او لقيت مصدر لمعلومة زى كدة على النت انما واضح كدة ان الميكانيكى كان حاطط سوفت وير مختلف وعلشان يدارى اللى عملة اخترع القصة دى .. على الاقل مدام عارف انة الموتور اوروبى (على كلامة) محطش السوفت بتاعة لية من الاول بدل مايعزب حضرتك معاة !!
- انا مش عارف انت متضايق لية وواخد الموضوع قفش مع ان كل الكلام على شوية حديد ومحدش غلط فى حد
المفضلات