السلام عليكم
التكيف بيطلع هواء سخن جدا اول ما يبدا وبعد شويه يبدا الهواء البارد بس بعد حوالى 10 دقائق ربع ساعه كده فياريت حد يقولى ايه المشكله ديه وحلها ايه وشكرا
عرض للطباعة
السلام عليكم
التكيف بيطلع هواء سخن جدا اول ما يبدا وبعد شويه يبدا الهواء البارد بس بعد حوالى 10 دقائق ربع ساعه كده فياريت حد يقولى ايه المشكله ديه وحلها ايه وشكرا
لما بتشغل المكيف بتحس ان الكمبرسور اشتغل ولا بيقعد عشر دقائق ويشتغل
الكومبروسر بيشتغل وقتى مفيش مشكله وبسمع صوته اول مشغلوا وطبعن بحس ان اداء العربيه قل شويه
وكمان فيه حاجه لما التكيف يشتغل فتره ساعه او اكثر متواصله اداء التكيف بيقل بردو وبحس الهواء البارد مش اد كده مش عارف ليه
فينكم ياجماعه
قبل ما تشغل التكييف افتح زجاج السيارة علشان يطرد الهواء الساخن من داخل السيارة و خصوصا لو كانت مركونه فى الشمس.
و بعدين لما تحس ان هواء العربيه اتغيرشغل التكييف و برضه سيب الزجاح مفتوح لحد ما تحس ان ريحه الكمكمه اللى خارجه من التكييف راحت بعدها اغلق زجاج النوافذ و إن شاء الله دة يحسن اداء التكييف شويه.
راجع على شحن التكييف
روح لفني التكييف وراجع شحن الفريون
مع العلم ان من وجهة نظري ان اداء تكييف الانوس لمسافات طويلة مش اقد كده
يعني التكيييف اول ما بيشتغل بيكون كويس وبيببرد كويس لكن لما يزيد عن ساعة وانتي مااشي طوالي كمان اداء بيقل بدرجة كبيرة وده كانت بتحصل معايا
انا التكييف عندى كويس جدا والحمدلله والاداء طبيعى وبيزيد مع المسافات والمشى فى الطرق المفتوحة
بالأضافة لموضوع إخراج الهوا الساخن من العربة
و شحن التكييف
اتأكد ان مروحة التكييف بتشتغل كويس ( حصل معايا انها كانت محروقة وبيدى هوا بارد فى الاول بعد كده يبدا يسخن )
وشوف الهواية بتاعتة العربية ممكن بتسحب هوا من بره
المفروض التكيف يشتغل فى الظل
العربية لما تكون مولعة التكيف بياخد وقت طويل لطرد الهواء الساخن
امام عن ضعف اداؤه فى المسافات الطويلة فده نتيجة لوصوله لمرحلة التجمد فيقوم الكونترول بغلق الدائرة
لعدم التحميل على الماتور
ويفضل تشغيل التكيف لمدة قصيرة فى عدم استخدامه لتنشيط المادة الفعالة حتى ولو فى الشتاء(يعن متشغلوش فى الشهر مرة وخلاص)
http://www.nilemotors.net/Nile/125626-a.html
السلام عليكم ورحمه الله وبركاته
حضرتك ممكن تجمع كل الخطوات التي ذكرها الإخوة هنا ثم بعد ذلك إذا لم تجد إستجابة ، عليك وعلي فني التكييف واعتقد إن في موضوع معمول عن بتوع التكييف الكويسيين
الخطوات كالتالي:
1- تشغيل التكييف في الظل إذا أمكن
2- وضع التكييف علي أقصي درجة تبريد ( المقصود البارد والساخن ) - التأكد من وضع زرار ac + التأكد من وضع زرار دوران الهواء داخل السيارة وليس سحب الهواء من الخارج + التأكد من عزل الصالون (ظهر الكنبة الخلفية في لوح بلاستيك تأكد أنه سليم ومش مكسر وإذا كان كذلك إستيدله بلوح خشب سيروتوكس + هتلاقي فرق في عدم دخول عادم داخل السيارة وكذلك عزل الصالون في أداء التكييف )
3- عند تشغيل التكييف يتم تشغيله علي 2أو 3 إذا كانت كفائته ضعيفة شوية ثم المشي بالعربية فترة صغيرة والشباك فيه حته مفتوحة لإخراج الهواء الساخن من السيارة ثم إغلاق الزجاج .
4- خفض درجة التكييف بعد المشي بالسيارة لفترة كافيه لتحس بأداءه
5- إذا فعلت كل هذا ولم تشعر بتحسن في الأداء ، عليك وعلي موضوعات التكييف في المنتدي لتعرف أراء الأعضاء في محلات التكيييف الذين تعاملوا معهم قبل ذلك .
إحترامات