كيفيه تنظيف بلف الايديال كونترول لفيكترا b بالصور..
بسم الله الرحمن الرحيم ..
بلف الايديال كونترول؛؛
هو بديل للشفاط في السيارات القديمه وهو عباره عن اسطوانه داخلها موتور كهربي بيرفع صوباع معدني عبر بوابه لدخول الهوا للمانفول ووظيفته رفع السلانسيه لتسخين الموتور لبضع ثواني والموتور بارد - ايضا بيرفع قيمه الار بي ام اثناء تشغيل التكييف علشان الموتور يحتفظ بقوته .
اعراض تلفه؛؛
ملاحظه ان الار بي ام مش مضبوط يعني بيعلي ويوطي (القيمه الطبيعيه للار بي ام هي 900 لفه/د)
الادوات المطلوبه لتنظيفه؛؛
مفتاح الانكيه نجمه-علبه wd-40 -بطانه نظيفه-فرشه اسنان قديمه-شويه صبر
http://img103.herosh.com/2010/03/07/428260310.jpg
الايديال كونترول مكانه تحت العمه علي المانفول كما هو موضح بالصوره
url=http://www.herosh.com]http://img102.herosh.com/2010/03/07/997129028.jpg[/url]
بالضبط في المكان ده
http://img102.herosh.com/2010/03/07/824188687.jpg
هنبدا باسم الله نفرش البطانه تحت مكان شغلنا علشان مفيش حاجه تقع او تضيع وبعدين نفك الفيشه بتاعته عن طريق الشد برفق لتحت بعد شد الكلبس لبره ونفك مساميره بالانكيه وهما عباره عن مسمارين متقابلين كما بالصوره
http://img101.herosh.com/2010/03/07/758519591.jpg
دلوقتي بعد ما فكينا المسمارين شد الايديال لبره ماتخافش .
http://img103.herosh.com/2010/03/07/851017742.jpg
وده شكله بعد ماخرج وهتلاحظ وجود هباب او اوساخ علي الصباع المعدني ودي اللي بننظفها بالwd-40 وفرشه الاسنان ,رش جواه لغايه ماتلاقي المنظف نازل لونه نظيف .وكمان رش رشه جريئه كده جوه الفتحه اللي بيركب فيها
http://img102.herosh.com/2010/03/07/106681123.jpg
http://img103.herosh.com/2010/03/07/612972634.jpg
خلي بالك في جوان رفيع راكب عليه اوعي يضيع شكله كده
http://img102.herosh.com/2010/03/07/669696715.jpg
بعد مانظفنا الايديال نركبه زي مافكيناه وبفكرك تاني بالجوان اوعي تنساه وبعدين ركب الفيشه بالضغط لاعلي ويبقي مش فاضل الا نعمل حاجه اسمها ايديال ليرن وده علشان نعرف الكونترول يونت بمكان صباع الايديال من فتحه الهوا .
خطوات الايديال ليرن؛؛
نفتح الكونتاكت فقط من غير ماندور الموتور 3 مرات زمن كل مره 5 ثواني وبعد كده ندور الموتور ونستني 3 دقايق ونشغل التكييف دقيقتين وبعدين نقفل التكييف ونبطل الموتور وبكده يبقي كله تمام :verygood:.
-علي فكره ..لو ماشيلتش فيشه الايديال وانت بتنظفه مش هتحتاج تعمل الايديال ليرن .
××النتيجه غير ان الايديال هيتظبط هتلاقي صوت الموتور انعم من الغسيل بداوني وهدي كتير ,وستني ردودكم وارائكم ..
.