رأى فى اللوجان بعد 1500 كيلو متر
قبل ما اقول رأى انا كان معايا 125 فدائماً مقارنتى هتكون بيها .
العربيه عامله 1500 كيلو فى 13 يوم (انا عارف ان ده كتير بس انا ساكن فى الشروق وشغلى فى صلاح سلام )
معدل استهلاك الوقود معقول جدا (فولت 3 مرات ولسه التنك فيه)
عفشة العربيه أحسن من 125 بكتييييييييييييييييير بس بحس بأى حاجه فى الطريق بعض الناس قالت ان لو ضبط ضغط الهوا فى الكوتش زى المكتوب على القائم الموضوع ده هيقل بس انا مفهمتش حاجه من المكتوب على القائم.
منظومة صرف مياه الامطار غريبه جدا ومكلفه فى صيانتها يعنى لو بصيت على الابواب هتلاقى مجرى كوتش علشان مياه المطر (يعنى لما الكوتش ده يحصلو حاجه والدنيا مطرت ابقا خلى معاك عوامه)
تكيف العربيه ضعيف (او انا بتهيألى كده ) له تأثير على سحب العربيه محسوس لكن مش مؤثر
بعد ال 110 بسمع صوت الهوا من الزجاج اللى جنبى وبيزيد كل متسحب (اخرى 130 زى الكتالوج)
تنجيد الكرسى الخاص بالسائق سيئ (من جنب الباب فى حته مش متخيطه ممكن التوكيل يعملها؟؟؟؟ مش عارف)
لمبة حزام الامان عمرها منورت سواء كنت ربطه او مش ربطه)
اضائة الصالون ليها ضبط بحيث انها تنور لما يكون الباب مفتوح (احياناً بتعملها وتنور لما يكون الباب مفتوح بس فى العادى مبتعملهاش) المفروض ان فى صوت لما اشيل المفتاح والنور مضاء سمعته مره او اتنين بس
اضاءة شاشة الكبيوتر بتضعف لما بشغل نور التبلوه
والمصيبه الكبرى واللى مكتش موجوده فى 125
عصا الفتيس (الراقصه اللولبيه) 97% من مرات الرجوع ورا وعند اعطاء الغيار يا يعلق (تحس انك اديت الغيار وتجى تدوس بنزين تلاقى العربيه واقفه, وعلى فكره ده بيحصل مع الاول لما تكون ماشى بسرعة 5 او6 كيلو بترجع من الثانى الاول ) أو تسمع صوت طقطقه عند اعطاء غيار الرجوع (سمعت ان ده عيب شهير فى اللوجان وسمعت ان له علاج ؟؟؟؟؟؟حقيقى؟؟؟؟ ايه هوا؟؟؟؟ والتوكيل بيعملو لوحده ولا لازم نطلب.
شغل التكيف وانتا هتشوف الفتيس بيرقص ولا فيفى عبده
لمبة الابواب اللى بتنور لما يكون فى باب مفتوح
كنت ماشى فى امان الله وفجأه نورت وزى ما نورت فجأه طفت لوحدها لاباب اتفتح ولا اتقفل ولا اي حاجه
