سؤال : هل الصنايعيه بقوا وحشين
أنا كان معايا عربيه سيات و128 و 127 ( طبعا فى فترات متتابعه ) يعنى ماشاء الله كنت زائر داتم للمكانيكا والسمكريه والكهربائيه
المهم بالتجربه لقيت للأسف معزم الصنايعيه مش كويسين
الا من رحم ربى وأنا شايف الى رحمهم ربنا نسبه ما تتعداش ال 5% مثلا
يعنى الى تلاقيه مش صنايعى اساسا وبيتاع كنافه
والى تلاقيه صنايعى بس يكرهك فى حياتك فى المواعيد ويقعد يتهرب منك او يعمل نص الشغله ويدوخك عشان يكمل ما ضامن أنك مش هتعرف تمشى
والى تسيب له العربيه يأخدها ويعمل بيها مشاوير (لو الظروف كانت حاكمه تسيب العربيه يعنى مضطر )
والى عاوز يشتغلك ويضحك عليك ويعمل مصلحه ويقولك فيه وهنغير ونغير
والى لو اديته يجيب الحاجه يزود على ثمنها
على فكره أنا من منطقه فيها صنايعيه كتير ومعظمهم معرفه من سنين ويمكن بتعامل منهم معامله كويسه بس أنا بتكلم فى العموم مش عن حالى بصفه خاصه
اكيد محدش كامل لا صنايعى ولا غيره بس فيه عيوب جوهريه تحرمك تتعامل مع الصنايعى تانى
وطبعا برضه الناس الكويسين لسه موجودين
بس السؤال الى عاوز اطرحه نسبتهم كام من وجهه نظركم ؟
أنا باقول 5%
يا ريت اطلع غلطان ويكونوا اكتر من كده بكتير
يا ريت لو حد يعرف صنايعى محترم ممكن يقولنا فين أو يكتب تليفونه
( إذا كان ده ميبقاش اعلان لأنى شفت استاذ كريم كتب موضوع عن صنايعى فاميه محترم فارجوا مش الساده المشرفين التوضيح هل ده ممكن أم لا ؟على اساس ديه مش مؤسسات او شركات ده واحد ارزقى وعمره ما هيعمل اعلان فى أى حته ومعرفتنا بصنيعيه محترمين هيفيدنا اكيد ) ولو كان الاشراف شايف أن ده هيبقى اعلان يبقى نكتفى بذكر النسبه فقط
