غيرت الديسك واسطوانه ل اوبل كورسا 2004 تلت مرات لحد دلوقتي
انا حبيت احكيلكو قصتي مع الديسك والاسطوانه وياريت حد يفيدني
اول ما جيبت العربيه كانت ماشيه 55 الف كيلو ولقيت الدبرياج عالي روحت التوكيل قالي الدبرياج ده زيت ومش بيوطي ومفيش خوف من كده استني لما تجيب اخرو وغير طقم الدبرياج
المهم العربيه بدأت تنطط في الطلعه فعرفت ان الدبرياج جاب اخرو
روحت الحرفين وغيرت الدسك والاسطوانه والبيله واشتريتهم انا بنفسي زي ال كانو موجودين بالظبط
الدبرياج وطي وبقي ناعم اعدت كده بتاع 6000 كيلو ورجعت ريمه لعادتها القديمه
روحت لي واحد جنبي في فيصل قالي ده عيب قطع غيار ودول مضروبين
وانا هبعتلك لواحد بيجيب الاصلي
المهم روحت جيبت الديسك والاسطوانه والاسطوانه كانت بتاعه اوبل كورسا الصغيره وقالي مفيش مشكله
بعد ما ركبو لقيت الدبرياج بردو عالي بس مفيش رعشه في الطلعه والمكانيكي قالي امشي علي مسؤوليتي
بعد 3000 كيلو رجعت ريمه لعادتها القديمه
قولت يا ابعها يا اروح التوكيل
المهم روحت التوكيل قالي كل ال انت ركبتو مش اصلي انا هركبلك الاصلي
قولتلو يعني الدبرياج هيوطي وكلو هيبقي تمام؟ قالي عييييييييييب كلو هيبقي ميت فل
المهم روحت استلم العربيه لقت الدبرياج عالي زي ما هو بس مفيش رعشه
اتخانقت معاهم وفي الاخر كتبولي علي الفاتوره ضمان 20 الف كيلو علشان اطمن
القصه كبيره يا جماعه سامحوني بس دلوقتي انا مشيت بيها 4000 كيلو والعربيه مفيهاش رعشه ولا حاجه
بس الدبرياج عالي وبيتقل لما بمشي بالعربيه فتره انما السحب وكلو زي الفل (ده من ساعه ما اختها من التوكيل)
احب اسمع رايكو في المعاناه ديه ايه؟ ولو ظهر العيب تاني اعمل ايه؟ وهل ال انا فيه ده عادي؟
شكرا ليكو