الموضوع: انا خلاص زهقت ساعدونى يا رجالة

بص يا باشا لاسف اللمض دى بتنزل فى التوكيل أصلا من غير الطرابيش الزرقاء ولما اللمض بتبوز مش منك لما بتتحرق بتحرق الطبوش فحتى لو مكنش اتقطع منك كان هيسيح ويبوز بردو ومش هتلاقى الطرابيش دى خالص ريح نفسك بس انا عندى الحل

أولا : لو عايز لمبة أصلى (لان اللى بتتباع هتبوظ بسرعة) روح لاى كهربائى بس تكون تعرفه وهو هيتصرفلك فى لمبة استراد والاخص اللى بتكون ركبة فى النيسان .

ثانيا : نحل مسألة الطربوش إزاى .. شوف يا سيدى تخلى الكهربائى يفك الزرار بتاع تلعية نور التابلوه ومكان الرسمة الصغيرة الشفافة اللى هى صورة العدادات يلزق عليها من جوه ورقة استيكر ازرق ودى بتجبها من عند أى حد بتاع كماليات وتقول له عايز استيكر ازرق كريستال وبالاخص كريستال علشان ده بيكون شفاف جدا وبيدى اللون الازرق بالظبط بتاع العربية .

ثالثا : هنفرض ان لمبة من التابلوه الاساسى اتحرقت وده فرض فقط هتعمل ايه هدوخ علشان تلاقى الطرابيش وعلى فكرة انا عندى شوية طرابيش كنت جايبهم وعاينهم عندى بس المشكلة عندك هتفضل هى هى لان الطرابيش دى مبتتبعش ولا حتى فى التوكيل طيب هتعمل ايه .. هتروح لكهربائى نظيف جدا جدا يفك لوحة العدادات ودى عملية سهلة جدا جدا انا عملتها قبل كده ومتخفش وبعد ما يفك لوحة العدادات يخرج الورقة اللى مرسوم علسها الارقام والعدادات وتروح تجيب من عند بتاع الكماليات استيكر احمر كريستال ويلزقه فى ضهر الورقة وبعدين يركبها تانى ويشيل كل الطرابيش اللى على اللمض كلها هايصبح لون التابلوه أحمر مثل البى ام تماما تماما وهتنبسط جدا.. ده غير ان الاضاءه هتكون عالية جدا لان اللمض من غير طرابيش ولما لمبة تحرق بعد كده طوزززز تجيب لمبة عادية وتركبها بس السؤال هو العدادات هتبقى حمرا والتكييف ازرق هقولك لا .. على كل بكرة من بتوع التكييف الثلاثة يوجه ورقة عليها الرسمة تخلى الكهربائى يشيل الثلاثة ورقات عادى من غير ما يفك وش التكييف بيتشالو عادى جدا لان كل ورقة منهم لها زنبة صغيرو وبعدين تلاقى الورقة طلعت فى ايدك ويلزق عليهم من ورا الاستيكر الاحمر الكريتسال وأيضا يشيل الطرابيش بتاعت اللمض بتاعت التكييف هتلاقى التكييف زى التابوه أحمر وعلى جدا جدا جدا جدا جدا ومش هتصدق ان دى عربيتك ..

العملية دى بتتعمل عند ابراهيم بتاع شارع دمشق وبتتكلف حوالى 150 جنيه بس أنا بفضل الكهربائى لانه بيفك الحاجة ويرجعها تانى بالظبط ..

على انا كنت عامل كده فى عربيتنى المكواة وكان كل اللى يشوفها يسألنى عن الموضوع ده لانى كنت عامل التابلوه والتكييف والسى دى أحمر كانت زى البى ام والمازدا 3 بالظبط مفيش اختلاف .

وناوى اعمله فى عربيتى البومة وعلى فكرة انا جايبها زيرو من شهرين ولسه مكلم الكهربائى المحترف بتاعى علشان اخد منه ميعاد علشان يعملى الموضوع ده .

أهم مافى فى الموضوع ان الورق اللزق ااستيكر يكون أحمر كريستال وده المتر منه بحوالى 20 جنيه وتدور عليه أفضل فى التوفيقية وأوعى تجيب أحمر عادى واللى بيعلم الكريتسال عن غيره ن ضهر ورقة الكريتسال بيكون مرسوم عليها مربعات وكلمات بالانجليزى مش سادة .

والله بعد ما تعمل الموضوع ده ما هتصدق ان دى عربيتك وعلى فكرة الموضوع ده جامد جدا ومش فرافيرى خالص بالعكس اكن العربية نزلة كده .

باشا نسيت اقولك حاجة لو حبيت تستفسر اكتر اكتبلى رقم موبايلك وابعتهولى فى رسالة خاصة على نفس المنتدى ده

المشاركة الأصلية كتبت بواسطة heka_m_y

بص يا باشا لاسف اللمض دى بتنزل فى التوكيل أصلا من غير الطرابيش الزرقاء ولما اللمض بتبوز مش منك لما بتتحرق بتحرق الطبوش فحتى لو مكنش اتقطع منك كان هيسيح ويبوز بردو ومش هتلاقى الطرابيش دى خالص ريح نفسك بس انا عندى الحل

أولا : لو عايز لمبة أصلى (لان اللى بتتباع هتبوظ بسرعة) روح لاى كهربائى بس تكون تعرفه وهو هيتصرفلك فى لمبة استراد والاخص اللى بتكون ركبة فى النيسان .

ثانيا : نحل مسألة الطربوش إزاى .. شوف يا سيدى تخلى الكهربائى يفك الزرار بتاع تلعية نور التابلوه ومكان الرسمة الصغيرة الشفافة اللى هى صورة العدادات يلزق عليها من جوه ورقة استيكر ازرق ودى بتجبها من عند أى حد بتاع كماليات وتقول له عايز استيكر ازرق كريستال وبالاخص كريستال علشان ده بيكون شفاف جدا وبيدى اللون الازرق بالظبط بتاع العربية .

ثالثا : هنفرض ان لمبة من التابلوه الاساسى اتحرقت وده فرض فقط هتعمل ايه هدوخ علشان تلاقى الطرابيش وعلى فكرة انا عندى شوية طرابيش كنت جايبهم وعاينهم عندى بس المشكلة عندك هتفضل هى هى لان الطرابيش دى مبتتبعش ولا حتى فى التوكيل طيب هتعمل ايه .. هتروح لكهربائى نظيف جدا جدا يفك لوحة العدادات ودى عملية سهلة جدا جدا انا عملتها قبل كده ومتخفش وبعد ما يفك لوحة العدادات يخرج الورقة اللى مرسوم علسها الارقام والعدادات وتروح تجيب من عند بتاع الكماليات استيكر احمر كريستال ويلزقه فى ضهر الورقة وبعدين يركبها تانى ويشيل كل الطرابيش اللى على اللمض كلها هايصبح لون التابلوه أحمر مثل البى ام تماما تماما وهتنبسط جدا.. ده غير ان الاضاءه هتكون عالية جدا لان اللمض من غير طرابيش ولما لمبة تحرق بعد كده طوزززز تجيب لمبة عادية وتركبها بس السؤال هو العدادات هتبقى حمرا والتكييف ازرق هقولك لا .. على كل بكرة من بتوع التكييف الثلاثة يوجه ورقة عليها الرسمة تخلى الكهربائى يشيل الثلاثة ورقات عادى من غير ما يفك وش التكييف بيتشالو عادى جدا لان كل ورقة منهم لها زنبة صغيرو وبعدين تلاقى الورقة طلعت فى ايدك ويلزق عليهم من ورا الاستيكر الاحمر الكريتسال وأيضا يشيل الطرابيش بتاعت اللمض بتاعت التكييف هتلاقى التكييف زى التابوه أحمر وعلى جدا جدا جدا جدا جدا ومش هتصدق ان دى عربيتك ..

العملية دى بتتعمل عند ابراهيم بتاع شارع دمشق وبتتكلف حوالى 150 جنيه بس أنا بفضل الكهربائى لانه بيفك الحاجة ويرجعها تانى بالظبط ..

على انا كنت عامل كده فى عربيتنى المكواة وكان كل اللى يشوفها يسألنى عن الموضوع ده لانى كنت عامل التابلوه والتكييف والسى دى أحمر كانت زى البى ام والمازدا 3 بالظبط مفيش اختلاف .

وناوى اعمله فى عربيتى البومة وعلى فكرة انا جايبها زيرو من شهرين ولسه مكلم الكهربائى المحترف بتاعى علشان اخد منه ميعاد علشان يعملى الموضوع ده .

أهم مافى فى الموضوع ان الورق اللزق ااستيكر يكون أحمر كريستال وده المتر منه بحوالى 20 جنيه وتدور عليه أفضل فى التوفيقية وأوعى تجيب أحمر عادى واللى بيعلم الكريتسال عن غيره ن ضهر ورقة الكريتسال بيكون مرسوم عليها مربعات وكلمات بالانجليزى مش سادة .

والله بعد ما تعمل الموضوع ده ما هتصدق ان دى عربيتك وعلى فكرة الموضوع ده جامد جدا ومش فرافيرى خالص بالعكس اكن العربية نزلة كده .

بصراحة فكرة كويسة
طيب ممكن لو في صورة للعدادات وهي باللون الجديد
وياريت لو تليفون الكهربائي
وهل لو التبلوه اتلعب فيه او اتفك بييبن ان العربية فيها مشكلة بمعني ان اوقات لما التبلوه مش بيكون بحالة الفاريكة ومفكوك فالعربية في حالة البيع ممكن حد يشك انها عملت حادثة او فيها حاجة
معلش انا بس بطمئن

أولا مفيش صورة للعدادات لانك لو قريت مشاركتى كنت لقيت انى كاتب انى عملت الموضوع ده فى عربيتى المكواة وانا بعتها خلاص من شهرين وانا لسه هعمله فى عربيتى الجديدة وهى لانسر 2009 بس مستنى الكهربائى يفضالى ساعة واحدة لانه دايما مشغول جدا جدا جدا ولو عايز تطمئن اكتر استنى اما اعملها وابقى اوريهالك وعلى فكرة انا اشتريت الاستيكر الاحمر ومستنى الكهربائى .

ثانيا : فك لوحة العدادات ملهاش علاقة بالتابلوه خالص لانها بتتفك بمسمارين صغيرين وبعيدة كل البعد عن مساميرالتابلوه الاصلية .. وعشلان تطمئن اكتر فى ناس كتير برتوح التوكيل أو عند أى كهربائى علشان يفك لوحة العدادات كل فترة علشان ينظفها من التراب .

ثالثا : إضاءة تابوله اللانسر (لوحة العدادات والاخص التكييف) بتكون ضعيفة جدا وبتضعف كل شوية ده زائد ان الطرابيش مش موجوده أصلا لما لمبة بتتحرق وبيتهيألى ان الحل ده جامد جدا أولا لان العربية بتبقى مميزة جدا جدا وثانيا بتبقى عالية جدا زى البى ام والمازدا 3 .

رابعا : والله انا لما جيت ابيع عربيتى المكواة كنت عارضها عى كونتاكت كار وكنت كاتب ان إضاءة التابلوه أحمر وصدقنى اللى اشتراها أول حاجة سأل عنها فى التليفون هو لون التابلوه ولما اتفرج عليها انبهر جدا جدا جدا جدا واشتراها وربنا وفقنى بسعر كويس جدا جدا يمكن أعلى من السوق شوية وده علشان عربيتى كانت فبريكة من كله وتحفه وصيانتها بالتوكيل .

خامسا : أنا انسان موسوس جدا جدا جدا ولو شايف ان الموضوع ده بيأثر على العربية مكنتش عملته أصلا ده يا راجل لما كنت بروح التوكيل كان الصنيعية والمهندس هناك بيقعدوا يتفرجوا على التابلوه ولون العدادات .

سادسا : والله لو عملت الموضوع ده لتنبسط جدا جدا جدا جدا ومش هاتندم لحظة على انك عملته ده غير انه لو معجبكش تقدر فى أى وقت تشيل الاستيكر بس عند الكهربائى أيضا وده مش هايحصل انك هتنبهر من لون التابلوه الاحمر الشديد واللى مش بيأثر عليام إطلاقا وانت سايق بص أكنك سايق مازاد 3 بالظبط لا اختلاف اطلاقا والله يا شيخ انا مشتنى بفارغ الصبر ان الكهربائى بتاعى يفضى علشان أعمل الموضوع ده .. ده ما بيخدش أكتر من ساعة زمن وعلى فكرة عربيتى عامله 2000 كيلوا فقط .

انا كمان مستني الكهربائي بتاع حضرتك يفضى عشان يعملها وتصورهالنا