كنت عاوز اعرف سعر اكصدام خلفى للبومه 2006 كام وهل يفرق 2006 عن 2007 و2008 وكده ؟؟؟ انا اعرف ان الامامى مختلف....فهل الخلفى مختلف..... ولو مختلف ينفع يركب والا لا؟؟؟ ياريت اسعار الجديد الاصلى والتايوانى والاستيراد كمان وبيفرق فى ايه
وهل الاستيراد او الجديد ينفع اجيبه بتاع الاسبورت اللى فيه كساحات ؟؟؟
وياريت كمان سعر الاعتاب الجانبيه؟؟؟ جديده واستيراد
وشكرا طولت عليكم واخيرا ايه افضل مكان اشترى منه الحاجات دى فى القاهره
اعتقد الاكصدلم الخلفي واحد في كل موديلات البومه و بالنسبة لسعر الاكصدام الخلفي انا كنت عملت حادثه بالعربيه و غيرت الاكصدام الخلفي في الرواس و كان تمنه 2000 جنيه و الكساحه ب 2300جنيه غير الرش و المصنعيه وبالنسبه للاعتاب الجانبية انا اسمع انها غالية بس معرفش سعرها كام بالظبط
معلش يا جماعة ايه هي الأعتاب الجانبية ؟
الاكصداك الخلفى للبومه كله واحد نفس الشاسيه ونفس الفبر كله واحد وكريم باشا قالك سعر الوكيل ولو عاوز تجيبه استيراد بيعمل حوالى 300ج ولو جديد بيكون تايوانى او صينى فى رينج 350ج ومانصحكش بيه نهائى
يبقا تركز فى الوكيل او استيراد
اما العتب باردو فى التوكيل فى رينج 2000ج ولو استيراد مش عارف بصراحه علشان ملقتهوش بيتباع ولو لقيته هاشتريه
جديد صينى او عموله او شكل سعره من 150 الى 300ج حسب ذوقك وتكلفته غير تمن الرش
ولو جديد نفس شكل الفابريقه بس بيتثبت باردو بمسامير ومعجون سعرهم 180ج للاتنين
m_waheed العتب ده بيكون فايبر ومكانه تحت البابين من الرفرف الامامى الى الرفرف الخلفى
الافضل طبعا الحاجات دي تتجاب من التوكيل لضمان الاصلي لان لازم الاكصدام يكون اصلي عشان ما يفقدش وظيفته في الحماية و ياريت تجيب ابو كساحات حيبقي شكله خرافة
العتب برضه لازم يكون اصلي لانه لو مش اصلي ممكن يجمع ميه بينه و بين البدن و يعمل بارومة و ربنا يوفق
محمد فهمي
العتب استيراد دلوقتى بقة مكوجود كتير فى الحرفين استيراد ما بين 800-1000 جسب الحالة بيبقة واخد لون عربية طبعا لازم تظبطة الاول عند سمكرى وبعدين ترشة بس على فكرة كدة كدة اى عتب عايز تركبة فى عربية سواء اصلى او غيرة لازم تعملة يا اما بمسامير شك يا اما تدبيس فى العتب الاصلى
بص هو كده كده لازم يكون فى فتحات فى عتب الاصلى بس فتحات عن فتحات بتفرقاقتباس:
المشاركة الأصلية كتبت بواسطة ahms10
يعنى لما يكون فى فتحه مخصوصه لوضع كليبس فيها اكيد افضل مليووووووووون مره من فتحه مسمار او برشمه
طيب يا جماعه كده عرفنت ان الاكصدام التايوانى او الصينى تعبانين واخلينى فى الاصلى لاما من الوكيل لاما استيراد وغالبا حجيبه استيراد لان سعر التوكيل ده من وجه نظرى مبالغ فيه جدااااا وياريت البشمهندس طارق يجبلنا السعر الاخير والنهائى والاكيد وياترى فيه اكصدام بكساحاته جاهز والا ده لوحده وده لوحده فى التوكيل
1_مين الاقى عنده استيراد بس يكون نظيف
2- هو ممكن الاقى اكصدام على بعضه استيراد بالكاساحات اللى فيه يكون مثلا اكصدام عربيه اسبورت؟؟؟
3- مين اجيب من عنده العتب ويكون خامته نظيفه وشغله نظيف ومتجرب ومضمون
اقتباس:
المشاركة الأصلية كتبت بواسطة mazgangy
1- انزل الحرفين خد هناك جوله هتلاقى كله سليم بس نادر جدا لو لقيت ودانه سليمه (خلى تركيزك كله على ودانه وكليبساته الجزء اللى بيركب من عند الرفارف)
2- لاطبعا لان بتاع الاستيراد عاوز يكسب من هنا ومن هنا فابيبيع ده لوحده وده لوحده
3- لو عاوزه جديد فى التوفيقيه ب180ج لو استيراد يبقا وانت بتشترى الاكصدامات لو عموله فى الحرفيين مافيش اكتر من بتوع الفايبر
شكرا ردك محمد عزت باشا
سعر الاكصدام الخلفي 1590 ج + 10% = 1727 ج
سعر الكساحة الخلفية 1690 + 10% = 1859 ج
وطبعا كل واحدة لوحدها وبلون اسود الاتنين ويترشوا