أفيدونا يا جماعة الخير مكنة الريجاتا رزعت !!!!!!!!!!!
باختصار كنت ماشي بالعربية الريجاتا بتاعتي وسمعت صوت خبط جامد في الماتور نزلت وفتحت الكبوت ما فهمتش حاجة طبعا
طلعت عالميكانيكي بتاعي علطول كان على بعد حوالي 4كم مني .
المهم بص عالعربية وفك ترس صغير كده في وش المطور تحت التاكيهات وقالي ده ترس الزيت باظ غيرته الترزيع والخبط اختفى في السلانسيه بس بقى يظهر مع الدوسةّّّّّّّّّّّّّّّّّ !!!!!!!!!!
قالي كده المكنة بتودع كان المفروض اول ما تسمع الصوت تركن وتشدها ،
كده ال b.l. عندك أتاكل والمكنة لازم تعمر ؟؟؟؟؟؟؟؟؟؟؟؟؟؟؟؟
اخ اخ اخ اخ اخ اخ اخ
قولتله يا راجل يا طيب قول اي كلام غير ده قالي هو ده الكلام اللي مفيش غيره !
الميكانيكي قالي تكلفة العمرة حوالي 1700ج
قولتله طيب هي تمشيني أد ايه ؟ قالي ما اقدرش احدد كل واحد ومشيه
قلتله طيب اعمر ولا اجيب مكنة استيراد ؟
قالي تعمر احسن ،تبقى مكنتك متربية على ايدك وتبقى عارف اللي فيها ممكن تجيب استيراد وتعمر كمان شهر او اتنين !
الخلاصة انا ليا شوية أسئلة عايز أراءكو بعيدا عن الميكانيكي(واحد قالي الميكانيكي لازم يقولك عمرة احسن علشان هو بيطلع مصلحة من 400 ل 500ج ، اما تركيب الماتور ب 150ج بس )الأسئلة :
1-امشي عالماتور لغاية اما يقفش خالص ولا ألحقه واعمر؟
2-اعمر ولا اشتري استيراد ؟
3-الماتور الاستيراد بكام ؟
4-الماتور القديم لو هيتباع هيجيب كام ؟
5-ازاي اختبر كفاءة الماتور اللي انا هشتريه؟
6-حد يعرف واحد أمين عنده مواتير استيراد؟
7-اجراءات تثبيت الماتور الجديد في المرور ايه ،وبتكلف اد ايه؟
8-انا ماعنديش تكييف خالص ، هل لو اشتريت ماتور بالمكبروسر بتاعة هعرف أركب التكييف بسهولة ؟
انا عارف اني بتقل عليكو بس ياريت اللي عنده معلومة مايبخلش بيها !
