سبير كار

**eng_mkhalaf** · 03-01-2008 11:55 AM

فععلا يا اخي انا مركب الانذار ومع فتح اي باب بيشتغل الانتظار ولكن دي خاصيه في النذار الوولف مع اني مركبو عند واحد صاحبي كهربائي شاطر جدا

+1000000000000

يعنى لو ركبت وظهرت عندك مشكلة مش بيهتموا قوى

+1000000
أنا ركبت الباركنج سنسور عندهم ومالوشى ضمان لكن فى التوفيقية لقيتة هناك بضمان

**أبوسيف** · 03-01-2008 07:17 PM

إمبارح جبت الكتالوج بتاع الإنذار وقريت فيه شوية لقيت فعلا ان الموضوع دة خاصية ممكن تشغلها وممكن تلغيها وفعلا مشيت على التعليمات ولغيت خاصية إنذار بوجود باب مفتوح وببتعمل بإستخدام ريموت الإنذار. وبكدة لما بفتح الباب والإنتظار شغال مابيحصلش اى تهييس الحمد لله.
الغريبة ان لما رحت للمهندس عمرو بتاع سبير كار قالى ان ما ينفعش تتلغى وكل اللى هناك قالوا نفس الكلمة!!!
أنا فعلا كنت ناوى اشيل الإنذار خالص بسبب الحكاية دى. بس كدة بقى تمام ومش هاشيله.

**ecybrarian** · 03-01-2008 11:51 PM

انا بقى ضد شيل إعلان سبير كار..لأن الإعلان ده بيدعم المنتدى ومحدش يقدر ينكر انه نفع ناس كتير من اعضاء المنتدى..وبعدين صنايعية التركيب تعبانين في كل مصر مش في سبير كار بس..انا شخصيا ماحصليش الشرف اتعرف على واحد فقط منهم بيفهم..الأحسن تشوف كهربائي نضيف فاهم دوائر عربيتك يركب لك الاكسسوارات دي..

ولأننا لا ننسى أصحاب الفضل بيننا، فلا بد لنا ان نشكر مجهودات الاستاذ إسلام شاهين

**مدحت منيب** · 04-01-2008 08:12 PM

للاسف اشتريت منهم ( واحدة بنت )كونسول و دواسات حوض
طلبت حد منهعم يركب لى الكونسول فرفضوا متحججين بعدم و جود صنايعيه فاضيين .. الكونسول فى علبته كان اول واحد على الوش
فتحت الكرتونه و القيت نظره دون ان اجرب فتحه و قفله ، و فى البيت فتحته
وجدت المفصله البلاستيك مقطومه يعنى الغطاء بتاع الكونسول مالوش لازمه و هو الى بتسند ايدك اليمين عليه

دفعت فيه 45 جنيه و البت مارضيتش تعمللى خصم ابدا و قالت لى : و الله العظيم ما ينفع

صاحب المحل الظاهر عامللهم نسبه حلوة على البيعات و ده مش مخللى البياعين يرضوا ينزلوا للزبون اى فلوس عشان مكسبهم الشخصى ما يقللش

اتكسفت ارجع لهم بالكونسول واهو مرمى تحت السرير باحط فيه الشرابات

و يمكن على الربيع املاه طينه ، ، .. و اعمله قصرية زرع

و يا سبير كار : يجعلو عامر

**eng_mkhalaf** · 04-01-2008 09:31 PM

يا باشا دية غلطتك أنك ما كشفتش على الحاجة قبل ما تاخدها ومالكشى حجة لأن العلبة مش متبرشمة وكمان هل أنت جلربت ترجعة وهما مرضيوشى وكمان الكونصول مش غالى فى التوفيقية بيكون ب 35-38 جنية يعنى الفرق مش كبير قوى