-
سبير كار
والله يا جماعه انا شايف ان الفتره الاخيره دي ناس كتيررررررررر من الاعضاء بتتكلم علي سبير كار واخونا اسلام واضح برده اني الاخوه الاعضاء معتبرينه قائد حمله سبير كار ومحملينه المسؤليه فأنا بقترح نعمل استفتاء لكل الناس اللي اتعملت مع سبير كار وهما يفيدونا اذا كان فعلا الخدمه والاسعار مش قد كده يبقي بلاش حد مننا يتعامل معاهم وساعتها شخصيا هضم صوتي لصوت الاخ اسلام باننا نلغي اعلان سبير كار لان طبعا كان الغرض من الاعلان هو خدمه اعضاء نايل موتورز وطالما الناس ابتددت تشكي يبقي ملوش لزوم وجوده واخيرا اقول هذا راي الشخصي والموضوع يرجع للاعضاء والادارة وشكرا
-
فكره كويسه و ممكن فعلن من خلاها نقيم المكان و نفيد بعض لو في حاجات جديدة ممكن تنفع الاعضاء
-
-
-
ممكن اقول الخلاصة - عن تجربة سبير كار ودفع 500 جنية فى باركينج سنسور وفرش جلد
1- أسلام مشكور على التعاون بتاعة وجدعنتة
2- سبير كار غالى لكن مع الخصم يبقى زى برة مفيشى فرق
3- مهندس عمرو - مش بتاع شغل وكسلى وفعلا زى ما حاتم قال هوة موظف حكومة ومش عايز يشتغل
4- الصنيعية الموجودة مش مهرة بيعمل العادى وخلاص ومش بيفتكسوا فى إى حاجة
5- سبير كار مش لأى حاجة - هوة بس للفرش الجلد لكن للكاماليات ملوشى لازمة برة هيبقى أرخص
بكدة يبقى سبير كار شى عادى والميزة انة قريب وممكن يفصل ليك الفرش ويعدلة غير كدة
أنا شايف أن التوفيقية احسن بمراحل والسوق هناك منافس جدا
-
يعنى من الاخر:
سبير كار = الصيت ولا الغنى
MMamdouh
-
هما بصراحة كويسين جدا فى الفرش وكويسين فى تركيب الأجهزة برده بس من أول مرة ، يعنى لو ركبت وظهرت عندك مشكلة مش بيهتموا قوى. انا ركبت عندهم فرش وإنذار ، بصراحة الفرش حلو جدا وعجبنى انما الإنذار كان فى مشكلة تشغيل الإنتظار مع فتح الأبواب ، فلو انا مشغل الإنتظار أصلا وفتحت الباب بلاقى الإشارات مهيسة ، رحتلهم علشان يحلوا المشكلة قالى ما ينفعش لازم تبقى كدة. بس هارحلهم تانى ولو فعلا الموضوع مش هاينفع هاشيل الإنذار خالص.
بخصوص إسلام شاهين ، الراجل بصراحة تعب معايا قوى يومها وهو اللى أختار معايا الفرش وكان عاجبه جدا وهو كان عاوز يركب نوع إنذار مختلف عن اللى ركبته بس للأسف ما لقيناش منه.
-
فععلا يا اخي انا مركب الانذار ومع فتح اي باب بيشتغل الانتظار ولكن دي خاصيه في النذار الوولف مع اني مركبو عند واحد صاحبي كهربائي شاطر جدا
-
علفكرة عند فتح الأبواب و الإنتظار في نفس الوقت ...عادي جدا انهم يهيسوا..أنا عندي كده لييييه بقا؟؟؟
عشان الانظار فيه فلاشر منفصل عن فلاشر العربية...فلما الاتنين فلاشر بيشتغلوا في نفس الوقت كأنك بتدي للمبة اشارتين عشان تنور في نفس الوقت من مصدرين مختلفين...دي مش مشكلة ولا حاجة ماتقلقش:)
-
عندى انذار ولف راكب من اكتر من 4 سنين و يمكن خمسة
مفيش اى مشكلة و لا تهييس و الحمد لله
الانتظار شغال مع فتح الباب و لو الانتظار شغال اصلا برضه مفيش تهييس و الحمد لله
التركيب تم فى التوكيل مركز خدمة الرواس فى الكيت كات
Content Relevant URLs by
vBSEO 3.6.0 PL2