ان شاء الله
عرض للطباعة
عقبال ما ربنا يكرمنا وناخد خطوة زى ديه
خطوه جيده جداا لسوريا
ربنا يوفقهم و يوفقنا
عقبالنا يا رب
اللهم امين
أنا شايف إنها خطوة قوية جدا ومش شرط إن أساسياتها تكون متاخدة من البيجو السمند اللى أصلا بتتعمل في ايران لأن الشكل والتصميم الخارجي مش مهم ... المهم إنهم خدوا خطوة في تصنيع الموتور والفتيس والمكونات الداخلية بعقول سورية 100 % هوة ده المهم ... لأن العقول دي هية اللى هاتقوم بالتطوير بعد كده ... وبصراحة شكلها عاجبني سواء من جوة أو من برا وشايف إنها فيها تطوير برضه عن السمند بكتير
إحنا لغاية إنهاردة حتى الشاهين اللى الناس بتقول إنها مصري الموتور والفتيس بتوعها بييجوا من تركيا والـ 128 كان الموتور بتاعها بيجي من بلغاريا تقريبا واللادا بيجي من روسيا ... إحنا لغاية إنهاردة مابنعملش مواتير ولا صناديق تروس ... ليه مش عارف ؟ ... ماهياش سر حربي .. المهم نبتدي وبعد كده طالما إحنا اللى إبتدينا يبقى إحنا اللى برضه هانعمل التطوير للى إبتدينا فيه
عقبالنااااااااااا يارب
المصريين بقى عندهم إحساس بالدونية غير طبيعي ومخالف للواقع , لو كانت السيارة دي بنفس الصور دي مع إختلاف الشخصيات السورية بمصرية كنت ستجد الشتائم للسيارة وتطليع كلف عيب بها مثل تماماً موضوعك الأخر للسخرية من السيارة المصرية التي لم تستحق منك حتى التشجيع البسيط , لا أصدق نهائياً أن السيارة صناعة سورية 100% وستجد مكونات مستوردة بها قطعاً غير إنها مجرد نموذج قديم لسيارة شركة أخرى ولا يعيبهم فهي خطوة على السلم
الناس مزهقتش من شتمهم لأنفسهم!؟
الجميع ينتقد الناس والبلد , نفسي أعرف مين اللي غلط مادام الكل شايف نفسه صح!
البلد مليئة بالأشياء السلبية لكن أنا على ثقة تماماً إن اللي عايز يبقى في وضع أحسن وينجح مش حيعمل اللي بيعمله كل الناس وينتقد كل الناس ويشتم في نفسه
والله يا جماعه مش اختراع بالتعاون مع كبرى الشركات فى العالم للصناعات المغذيه للسيارت ممكن نوصل لعربيه مصريه بس البدايه
معلش يا جماعة مقدرتش أبص و أرد على كل الردود لكنى هعلق على ردين فقط
فعلا عندك حق 100% مش شرط أننا ناخد تصميم و نعدل عليه فى بعض الأشكال زى بادى كيت كدة المهم أننا نشتغل مش نقعد و نقول لأ أصل أحنا مستنيين فرصة أكبر شوية
العمليه مش أننا عندنا أحباط من كل ماهو مصرى أو زى مافهمت منك دى بتتسمى (عقدة الخواجة)
العمليه ناس بيتضحك عليها و بتتسرق و بتستغل فكل حاجة و ناس تانيه مش حاسه نهائيا بحاجة
بس لما ألاقى حاجة تصميمها مثلا على سبيل المثال أتنين جنيه و بتتباع مثلا فى كل الدنيا بأتنين جنيه و ربع مثلا أنا ليه أدفع فيها 7 جنيه ولا 5 جنيه ؟ طيب ليه ميكونش حاجة معقولة دى أول نمره
تانى نمرة أحب أوضحهالك أننا كنت عامل موضوع أسمه أول سيارة مصريه بأربع عجلات و كنت بقول شعر فى العربيه دى لأنى كنت شوفت صور التاتا نانو الهنديه و أقتنعت أن دى مصريه و هتنزل بالشكل دة و قولت ماشى متوسط لكن فيه تجديد و قولت كلام جميل جدا عنها دا على أساس إنها عربيه و قولت ياض مانت لو معاك برضة 25 ألف جنيه هات حاجة مستعمله هتكون قديمه بس هتكون صاج جامد و ممكن تعدل عليها كل مايبقى معاك فلوس تانيه و هكذا بس قولت لأ طيب ماهى حاجة فى بلدك أكيد قطع غيار و هكذا بس لما أعرف إنها صينى زى الفانوس بتاع كرومبو و لما ألاقى إنها التصميم غير التصميم و كأن العربيه عندها تسلخات فى الكاوتش إلى أدام و الفوانيس شكلها مستفز و غير كدة و كدة فين الصاج أصلا ؟ و فين المارشدير ؟ و دا 1 سلندر و بصوت أقوى و أعلى من صوت الموتوسيكل دا غير عدم الثبات و الأتزان و هكذا
فكلامى مكانش هجومى على السيارة أد ماكان توعيه للناس بعدم المجازفة بـ25 ألف جنيه و لو أنت شايف أنه مبلغ تقدر تدفعة وترميه روح هاتها وجربها و خلى ناس تانيه تجربها و قولولنا أية رأيكم فى السواقة و فى المارشدير إلى مش موجود