الله ينور عليك يا باشا و جزاك الله كل خير
أنا إن شاء الله من انهارده هاعمل كده
ويا رب يا رب باقى الناس تعمل كده
رقم العضوية : 41050
تاريخ التسجيل : 25May2009
المشاركات : 2,179
النوع : ذكر
الاقامة : cairo
السيارة: no
السيارة[2]: no
دراجة بخارية: no
الحالة :
السلام عليكم
موضوع عايزين ندردش فيه بعيد عن السياسة والحكومة وعلشان يبقى لينا دور بجد مش كلام
عايزك تعمل تجربة بسيطة اوى...ادخل اتوضا او اغسل وشك او ايدك وسد فتحة الحوض وبعد متخلص شوف استهلكت مياه اد ايه...وياسلام بقى لو تحسبها باللتر..حتلاقى نفسك بالميت خمسة ستة لترشوف بتكرر العملية دى كام مرة فى اليوم واحسب بقى (تكلفة تنقية المياه 2 جنيه للتر!!!!!!! يعنى انت ممكن تكون بتتوضا ب10 جنيه بس!!!!!)
مش عارف الناس ملاحظة ولا لا اننا عندنا مشكلة ضخمة جدا وهى المياه
من ناحية القلق اللى حاصل فى اتفاقيات حوض النيل وواضح انهم مصممين وحصتنا حتقل رغم التأكيدات الحكومية...بصرف النظر دلوقتى الحكومة غلطانة اسرائيل السبب...الخ متفرقش المهم ان الواقع ان حصتنا حتقل
طيب والاسوا كمان ان الفيضان جه السنة دى اقل من المتوقعوبالتالى حيضطروا يسحبوا من بحيرة ناصر
طيب وانت عايز مننا ايه يا عم دلوقتى
ولا حاجة..الرسول شاف واحد بيتوضا بطريقتنا دلوقتى فقاله ما هذا السرف؟ فتقريبا الراجل رد انه بيحاول يحسن الوضوء...فالرسول عليه افضل الصلاة والسلام قال: ولو كنت على نهر جارى
يعنى متسرفش حتى لو عندك نهر بتاعك
مش مطلوب نتقشف ولا نبطل نستخدم مياه
كل المطلوب شوية حاجات بسيطة بس ممكن تفرق معانا كتير
كفاية ان كل بيت يوفر يوميا لتر واحد بس يعنى ممكن فى اليوم نوفر 10 مليون لتر يعنى فى السنة 3.5 مليار لتر......
طيب ازاى؟
بسيطة اوى ومن غير تريقة
- وطى المياه شوية مش لازم تفتح الحنفية على اقصى قوة ليها، حتفضل تنزل مياه كويسة بس حتقلل استهلاكك بمقدار الربع على الاقل
- ارجوك متفتحش الحنفية الا لما حتستعملها...يعنى نظام افتح الحنفية واروح ارود على التليفون وارجع دى مالهاش اى معنى...لو بتوضا وحترفع رجلك اقفل الحنفية الاول وبعدين لما ترفع رجلك ابقى افتحها تانى ...والله حتفرق
مرة كنت عند ناس والمياه مقطوعة وجابولى دورق فيه مياه علشان الوضوء وبقيت احط ايديى جواه واغسل ايدى واحط ايديى واغسل وشى واحط ايدى واغسل دراعى....والله مستهلكتش اكتر من كوباية مياه.....
- ارجوك لو بتحلق اتو بتغسل سنانك متفتحش المياه الا لما تحتاجها فعلا...صوت المياه مش حيساعدك فى حلاقة افض
-السيدات وهما بيغسلوا الاطباق ياريت منسبش المياه مفتوحة ونقعد نصبن الاطباق..والله محنتعب لو قفلناها لغاية لما يجى وقت الشطف
-العربيات حدث ولا حرج..ارجوك فهم البواب بتاعك انه مش لازم شوارع المنطقة كلها تغرق علشان يعرفك انه غسلك العربية
-التخلف المسمى برمى المياه فى الشوارع لتلطيف الجو...ارجوك خليك ايجابى وفهم الناس الاغبيا دول يبطلوا تخلف شوية
ارجوك خليك ايجابى فى حاجة بسيطة بس حتفرق معانا كتير ومتقعدش تقول اصل الحكومة بتعمل وبتسوى..خليك ايجابى لنفسك ولاولادك
ارجوك افتكر الكلام ده وحاول تنشره على بيتك واولادك واصحابك وزمايلك فى الشغل...خليك ايجابى فى حاجة بسيطة وافتكر ان ربنا حيحاسبنا على كل نقطة مياه بنرميها فى الأرض بدون داع
رقم العضوية : 49586
تاريخ التسجيل : 11Oct2009
المشاركات : 426
النوع : ذكر
الاقامة : Sharm El-Shiekh
السيارة: لايوجد
السيارة[2]: بعتها ومش عارف اجيب ايه
دراجة بخارية: لايوجد
الحالة :
الله ينور عليك يا باشا و جزاك الله كل خير
أنا إن شاء الله من انهارده هاعمل كده
ويا رب يا رب باقى الناس تعمل كده
[OVERLINE]لا إله إلا أنت سبحانك إنى كنت من الظالمين[/OVERLINE]
رقم العضوية : 33774
تاريخ التسجيل : 23Feb2009
المشاركات : 392
النوع : ذكر
الاقامة : Cairo
السيارة: N/A
السيارة[2]: Kia Cerato 2010
دراجة بخارية: N/A
الحالة :
يشرفنى انى اكون اول واحد يرد على الموضوع القيم ده , فعلا جزاك الله خير و عندك حق فى كل اللى بتقوله , و انا عن نفسى اقتنعت بكلامك جدا جدا و اوعدك انى من اليوم ححاول اققل استهلاكى للمياه و حعمل الموضوع ده بنيه و انت حيبقالك اجر باذن الله و جزاك الله كل خير
رقم العضوية : 18512
تاريخ التسجيل : 10Sep2008
المشاركات : 1,246
النوع : ذكر
الاقامة : المنصورة
السيارة: لا يوجد
السيارة[2]: ميتسوبيشي لانسر 1998
دراجة بخارية: لا يوجد
الحالة :
أحييك على الموضوع القيِّم
رقم العضوية : 7917
تاريخ التسجيل : 24Mar2008
المشاركات : 545
النوع : ذكر
الاقامة : Cairo
السيارة: Mazda 3 2015
السيارة[2]: Forte Koup 2011
دراجة بخارية: No
الحالة :
بارك الله فيك ياأخى والله ودى نقطة أغلب الناس مش باخد بالها منها.
بارك الله فيك.
رقم العضوية : 7200
تاريخ التسجيل : 09Mar2008
المشاركات : 2,335
النوع : ذكر
الاقامة : القاهرة
السيارة: مترو الأنفاق
السيارة[2]: ٍSUZUKI MARUTI 2009
الحالة :
[gdwl]
لو بتوضا وحترفع رجلك اقفل الحنفية الاول وبعدين لما ترفع رجلك ابقى افتحها تانى ...والله حتفرق
[/gdwl]
أنا عن نفسى وإتباعا لقول رسول الله صلى الله عليه وسلم ((لا تسرف فى الماء ولو كنت على نهر جار) باعمل كده دايما .
وشكرا ليك على تذكرتك الطيبة المليئة بالخير
وياريت لو كلنا نتبع الطريقة دى فى توفير المياه
طبعا فى الأول حتكون مش متعودين عليها لكن هى تأتى بالتعود ثم التعود ثم التعود
والله الموفق
لما كلكم عاوزين تبقوا فتوات أمال مين إللى حينضرب
رقم العضوية : 41050
تاريخ التسجيل : 25May2009
المشاركات : 2,179
النوع : ذكر
الاقامة : cairo
السيارة: no
السيارة[2]: no
دراجة بخارية: no
الحالة :
متشكر ليكم يا جماعة على ردودكم
وياريت لو اى حد عنده مقترحات تقلل استهلاكنا شوية يتفضل يقولها ممكن تلفت نظرنا
رقم العضوية : 656
تاريخ التسجيل : 14May2007
المشاركات : 2,601
النوع : ذكر
الاقامة : Giza
السيارة: لا يوجد
السيارة[2]: Mitsubishi Lancer 1600
دراجة بخارية: لا يوجد
الحالة :
عندك حق في كل كلمة والله
فكرتني بمره كنت في معرض الكتاب وآذن العصر أذن وروحت اتوضى وأصلي وكان مكان الوضوء زحمه جدا والناس واقفه طوابير ورا بعض عشان يتوضوا
وبعد ما قربت للحنفية وبقى قدامي واحد بس بيتوضى وانا واقف وراه فضلت مستني وراة وهو عمال يتوضى بطريقة مسرفه جدا في المياه ودون حتى مراعاه للزحمه والناس اللي واقفه ورا سيادته ولسه هبدأ أستعجله لقيت نفسي حاسس بدوخه وجالي نزيف من الأنف من كتر الرطوبه وطبعا لا اتوضيت ولا صليت بسبب هذا الرجل
الوطــنـيـة قبل الســياســة ... والمبــــادئ قبـل المصــالـح
رقم العضوية : 48049
تاريخ التسجيل : 27Sep2009
المشاركات : 902
النوع : ذكر
الاقامة : Egypt
السيارة: Renault Logan2010
السيارة[2]: Renault 9
دراجة بخارية: لا يوجد
الحالة :
الله ينور عليك ياباشا ناس كتير مش حاسة بقيمة الموضوع ده وفى ناس كتير مش تعرف ان فى مناطق فى مصر مش بيجيلها مايه ولو حد عايز يحس بقيمة المية يشوف ازاى فى الجيش الفرد يقدر يعيش بزجاجة مية يعمل بيها كل حاجة لايام وليالى وبرضو هيتبقى منها يعنى الى عايز يقتصد فى الميه هيعرف بس الموضوع عايز اقتناع شخصى وتعود مش اكتر .
رقم العضوية : 1646
تاريخ التسجيل : 31Jul2007
المشاركات : 3,549
النوع : ذكر
الاقامة : 6 أكتوبر
السيارة: N/A
السيارة[2]: Daihatsu Sirion 1.3 GLX - 2008
الحالة :
ربنا يجزيك خير الجزاء على الموضوع الرائع ده
أحب أضيف لكلام حضرتك إننا لازم نلتزم بالتعليمات والنصائح دي والمهم كمان إننا نعلمها لأولادنا
Me on Twitter
@aliabutaleb
المفضلات