كارتيرة الزيت اتشرخت افيدونى

**bmibasem** · 08-03-2010 01:09 PM

كارتيرة الزيت اتشرخت فى اسكودا اوكتافيا 99 انصحونى اعمل اية يا اهل الخبرة
النوع اللى راكب انتمونيا
ولما سالت قالو فية انتمونيا استيراد ب 300 جنية ونوع اخر صاج ب 150 جنية ياترى اركب مين
وهل هى بالسهولة دى علشان تتشرخ من مطب
دانا كان معايا لابيزا محلصتش الموضوع معايا
افيدونا يا اسكودية لانى بدات اخد فكرة وحشة عن الاسكودا بعد المقلب اللى حص ل معايا دة
وخايف يتكرر تانى واصبح الواحد ما يبقاش فى امان ويشيل كارتيرة وجون احتياطى فى العربية

**fouad_programer** · 08-03-2010 01:11 PM

الله يعينك ....متابع بأهتمام

**bmibasem** · 08-03-2010 01:40 PM

سالت ميكانيكى قالى نشوف اذا كانت ممكن تتلحم ولا لاء ولكن الانتمونيا افضل من الصاج
وكمان فية مصفحة ممكن تركب تحمى الجزء اللى تحت عايز حد يفيدنا يا جماعة اعمل واية موضوع المصفحة وهل عملى ولا لاء

**spider6666** · 08-03-2010 02:37 PM

اولا عاوز اسالك الكرتيرة اللي اتشرخت دي كرتيرة زيت الفتيس ولا كرتيرة زيت الموتور لانها تفرق

**bmibasem** · 08-03-2010 02:50 PM

المشاركة الأصلية كتبت بواسطة spider6666

اولا عاوز اسالك الكرتيرة اللي اتشرخت دي كرتيرة زيت الفتيس ولا كرتيرة زيت الموتور لانها تفرق

زيت الماتور يا فندام ويا ريت حضرتك توضحلى الفرق لان الواضح ان الوكتافيا كدة غير عملية بالمرة وواطية اوى وتقلق

**spider6666** · 08-03-2010 03:50 PM

بص يا سيدي
في كرتيرة تحت العربية في علبة كده الكرتيرة دي هي زيت الفيتيس بتاع العربية وحواليه جوان رابر عشان ما ترشحش...وبعدها علطول الكورونا والاولسيهات بتاعة الكورونا
حددلي فين بقة الزيت ده بالضبط من تحت ..في النص ولا على الجنب اليمين ولا الشمال؟

**inspiron** · 08-03-2010 04:14 PM

إسمحلي يا بشمهندس مجدي أقول رأيي.
أولا أحب أقول لصاحب الموضوع إن جملة الأوكتافيا مش عملية وواطية وتقلق دي كتيرة أوي عليها.لأنها في الواقع غير كده خالص.

ثانيا حضرتك أنا كان عندي نفس المشكلة دي و كان المهندس مجدي مشكورا متابع معايا و كلمني عليها في التليفون.و فعلا العيب طلع شرخ في الكرتيرة بسيط و عالجته و دلوقتي تمام.لكن السبب في ده كله إيه؟ مش إن العربية واطية.ولكن عفشة العربية كانت تعبانة أوي وكانت بتتهبد جامد في المطبات.و بمجرد ما غيرت العفشة و الكاوتش جيبته أكبر شوية.و بعد علاج الشرخ ده.الموضوع إختفي تماما.لأن قوة إمتصاص ورد فعل العفشة في المطبات هو العامل الأساسي في الموضوع ده.أما حضرتك بالنسبة للمصفحة اللي بتركب تحت العربية لا أنصح بها لأنك هتعمل لعب في العربية عشان تركب.وده معناه مش حلو للعربية.أتمني إني أكون أفدت حضرتك وإن شاء الله كله يبقي تمام.

**anaskhal** · 08-03-2010 04:46 PM

لا انصحك بالمصفحة اللي بتركب تحت العربية لانه ممكن تقلل كفأة تبريد السيارة, لان الهواء اللى بتشفطه مروحة الردياتير بيكون احيانا هواء ساخن يحتاج اننا نبعده من المنطقة المحيطة بالموتور وطبعا لا يوجد منفث اعلى الموتور لان الكبوت قافل الدنيا من فوق اذن المنفث الوحيد لاخراج الهواء الساخن يكون من اسفل حتى يتم تجديد الهواء .
فلو حطيت حضرتك المصفحة بكده تكون الدنيا قفلت من تحت كمان و حبست السخونة حول الموتور

**inspiron** · 08-03-2010 04:53 PM

المشاركة الأصلية كتبت بواسطة anaskhal

لا انصحك بالمصفحة اللي بتركب تحت العربية لانه ممكن تقلل كفأة تبريد السيارة, لان الهواء اللى بتشفطه مروحة الردياتير بيكون احيانا هواء ساخن يحتاج اننا نبعده من المنطقة المحيطة بالموتور وطبعا لا يوجد منفث اعلى الموتور لان الكبوت قافل الدنيا من فوق اذن المنفث الوحيد لاخراج الهواء الساخن يكون من اسفل حتى يتم تجديد الهواء .
فلو حطيت حضرتك المصفحة بكده تكون الدنيا قفلت من تحت كمان و حبست السخونة حول الموتور

+111111111111