المشاركة الأصلية كتبت بواسطة se_coralsea
الاخوة الكرام ....
أسعد الله أيامكم كلها بالخير ....
وحشتوني ووحشني المنتدي كله , معلش غبت عنكم لفترة طويلة و كنت مقصر بالسؤال و لكن أرجو أن تلتمسوا لي العذر فقد كنت مشغول جدا او بمعني ادق غرقان لشوشتي في الشغل داخل و خارج مصر , المهم أخيرا رجعت و دخلت نايل موتورز و قررت أن أول موضوع أكتب فيه يكون هنا في "دايو" أسرتي الاصلية بالمنتدي
بصراحة تفقدت العديد من الموضوعات و لكن لفت أنتباهي موضوعين أثنين :
الأول .. "خلاص راحت علي الدايو و لا أيه"
عايز أقول لصاحب الموضوع ده : لأ أبدا لسه بدري أوي أوي أوي و الدليل العربيات الدايو اللي لسه ماليه شوارعنا و مش بس كده لأ شوف حالتها الفنيه عاملة أزاي يعني اللانوس موديل 99 مثلا لسه شادة حيلها و بتجري و تشد مع عربيات تانية موديلات 2010 عكس بعض الانواع الاخري اللي يادوب مش مكملة 3 سنين و تحس أنها هلكت و هكعت
و تقبلوا خالص تحياتي
م/ سمير الشهاوي