المشاركة الأصلية كتبت بواسطة acc_gr2004
السلام عليكم
احب اوضح حاجة بعد اذنكو ... موضوع الصيانة الشهرية او الدورية دا موضوع نسبى .. بمعنى ان مالهاش معدل ولا نسب ثابتة . انت ممكن تقعد 3 شهور ماتعملش حاجة والرابع تلاقى نفسك مطلوب تعمل شغل ب500 جنيه ..
بس اهم حاجة تلحق اى مشكلة فى اولها .. وماتسبهاش لانها بتكبر وتأثر على غيرها .
حاجة كمان مهمة : ساعات تبقى العربية تمام لكن فى حاجة صغيرة اوى فيها مشكلة (مثلا مسمار عايز يتربط كويس فى حتة وعامل شخللة ) واعصابك تتعب وتحس ان العربية سايبة - او انك تكون فاهم القصة وتكبر دماغك وتسيبها تشخلل والحالتين غلط
حاجة اخيرة انا كان معايا 128 مو 81 وكانت ماشاء الله عليها . كل اللى يركب جمبى يقعد فى الدواسة من اللعب بالعربية . وربنا كرمنى وجبت بيجو 405 ولله الحمد . لكن احب اقول اللى يشوف بلاوى الناس تهون عليه بلوتة . يعنى مثلا اقل زيارة للميكانيكى لازم يظبطنى فى 700 800 جنيه دا اقل واجب . مثلا كان اخرها الجمعة اللى فاتت روحت اظبط الفرامل دافع يدوب 850 جنيه بس
وربنا يكرمنا جميعا