-
تسعير سيارة لانوس 2001
السلام عليكم..
كيف احوالكم كلكم يا جماعة..؟؟
كل عام وانتم بخير علشان راس السنتين الهجرية والميلادية..
مش عايز اطول عليكم.. في عربية قدامي دايو لانوس وكنت عايز اعرف السعر المطلوب فيها ده كويس ولا كتير ولا ايه نظامه..
مواصفات العربية اهي:
موديل سنة 2001
اللون كحلي
العداد عامل حوالي 70 الف كيلو
الصيانة لحد 40 الف في التوكيل وبعد كده في مركز خدمة معتمد
كاملة جميع الكماليات
رشة برة نضافة ودي حاجة انا متأكد منها علشان صاحبها زميلي في الشغل
انا كشفت عليها في التوكيل وكفاءة الموتور كانت 80%
*بالمناسبة انا كنت عايز اعرف العربية اللي لسة خارجة من المصنع بتبقي كفاءة موتورها كام 85% ولا اكتر شوية ولا كام؟*
الراجل سواقته هادية جدا وبرضه انا متأكد من كده..
هو طالب فيها 50 الف.. انا حاسس ان المبلغ ده كتير عليها قوي بس انا عايز اعرف هي تسوي في السوق كام
علشان انا باشتري عربية ليا وللسوق.. علشان لو حبيت ابيعها كمان شوية ماخسرش فيها كتير
علشان انا سياستي اصلا اللي خلتني ماشتريش جديد علي طول اني ان شاء الله قدام شوية اغير واعلي بالعربية شوية ان شاء لله..
يا ريت يا جماعه تفيدوني وانا مستني الردود..
وجزاكم الله خيرا..
-
50 الف كتير لو العربية فاضية يبقى توبها 44 - 45 ، اما لو كاملة يبقى ممكن توصل 47
-
-
العربية لو حالتها كويسة وكاملة زي ما أنت بتقول ومش محتاج تعمل فيها أي حاجة، يبقى تمشي معاك لحد 49 ألف. على ما أعتقد الكيلوهات بتاعتها مش كثير مقارنة بعربيات ثانية كيلوهاتها كثير وبيطلبوا فيها أكثر من كده .. بالمناسبة أنا جايبها من شهر 9 وبرده 2001 وكاملة وكانت حالتها نظيفة وبرده كانت في الرنج دا. وربنا يوفقك .. وصلي استخارة قبل أي حاجة.
-
انا شايف 50 كتير.. ممكن تنزل الفين او تلاتة
MMamdouh
-
رد
هي غاليه شويه بس لو انا مكانك واعرف صاحيها وفي ثقه متبادله بينك وبينه هاخدها طبعا بالخمسين
لانك ممكن تلاقي بسهوله نفس الحاله اللي بتقول عليها ب 47 بس بعد ماتشتري وتمشي بيها تكتشف حاجات انت مش شايفها وتدفع اكتر من 50
رايي ياباشا وطبعا الحريه ليك لانها اراء بالذات في العربيات المستعمله الثقه في صاحب العربيه وتاريخ العربيه معاه ليه تمن
-
بص يا باشا هو 50000 كتير علي عربية رشة برة 2001
بكلمك بنظرة ليك و للسوق زي ما انت عاوز
ده سعر عربية فابريقة بره و جوه
ممكن تنزل حوالي 2000ج
و زي ما الاخوة قالوا معرفة تاريخ العربية له ثمن
و بيريحك نفسيا
و ربنا يوفقك
-
50 هى اخرها اوى لو نظيفه 46
Content Relevant URLs by
vBSEO 3.6.0 PL2