الطريق من المنصورة لكفر الشيخ

يشرفنى ان يكون الموضوع ده هو أول مشاركة ليا فى المنتدى

بكرة أو بعده بالكتير لازم أكون فى مرور كفر الشيخ علشان رخصة عربيتى خلصت و عايز أنقلها عندى فى المنصورة ..
و هتبقى أول مرة أخرج بالعربية من المنصورة ..و معنديش فكرة إطلاقا الطريق من المنصورة لحد مرور كفر الشيخ منين و نظامه إيه ..
و يا ريت لو حد فى المنتدى من كفر الشيخ يتكرم و يشرحلى هوصل المرور ازاى ..
و لو هتقل عليكم عايز أعرف و لو حتى تقديريا المسافة بتاعة الطريق اللى همشى فيه و ياخد وقت قد إيه تقريبا..

و شكرا جزيلا لوقتكم و مساعدتكم
http://www.masrmotors.com/vb/..........c/progress.gif

بس يا سيدى اللى اعرفة ومشيتة طريق من نبروة لغاية لما وصلت كفر الشيخ وكنت وانا مشاى بسال وبعدين المسافة من مدينتنا العامرة المنصورة حوالى من 40-45 وبتهيالى انك ممكن تروح من غير العربية تجيب الحاجة ودى سهلة انك تركب من موقف الثلاجة هينزلك كفر الشيخ تاخذ تكوتوك للمرور تطع شهادة بيانات ومخالفات ودة اسلم حل ب3.5 بندق والمشوار بالعربية حوالى 1.5
يارب اكون قدرت افيدك

اوعى تروح بالعربية عشان دى اول مرة و عشان طريق المنصورة كفر الشيخ من اسوأ الطرق فى مصر و اسأل مجرب انا بقالى 5 سنين فى جامعة اكتوبر و بسوق رايح جاى مرة كل اسبوع (يعنى بسوق على الطريق كويس و الحمد لله) لما بروح كفر الشيخ بروح مواصلات عشان دمة ميتحرقش من الطريق المعفن و عشان اافظ على العربية

الطريق لا وحش ولا حاجة يعنى
زى اى طريق مش سريع فى مصر
انت تطلع من المنصورة فى اتجاه المحلة عادى على السريع
هتلاقى دخلة يمين لكفرالشيخ
من عندها يبقى قدامك حوالى 29 كيلو طريق فردى
نص ساعة تبقى فى كفرالشيخ
تخليك طوالى لا يمين ولا شمال لغاية ما تلاقى اصلاحات فى الطريق
توسعة وكدا عشان هيبقى طالع للدولى
اول ما تلاقى رمل كدا وبيوسعو الطريق تدخل شمال عند حتة زى كمين كدا
تفضل على طول لغاية ما تلاقى المرور على يمينك
ولو اى حاجة ان فى الخدمة

و دخلة الطربق بعد المنصورة بحوالى كام كيلو و بعد اى بلد ؟؟