السلام عليكم ..
اتسألت سؤالين و معرفتش اجاوب :
1- هل ممكن حد يخش مدرسة السواقة قبل ما يطلع رخصة او يتم ال18 سنة ؟؟!!
2- هل في مدارس سواقة بتستخدم عربيات حديثة ؟
و شكرا :)
عرض للطباعة
السلام عليكم ..
اتسألت سؤالين و معرفتش اجاوب :
1- هل ممكن حد يخش مدرسة السواقة قبل ما يطلع رخصة او يتم ال18 سنة ؟؟!!
2- هل في مدارس سواقة بتستخدم عربيات حديثة ؟
و شكرا :)
1- ايوه ينفع
2-ايوه فى عربيات حديثة
بس الكلام ده حسب المركز الى انت رايحه
انت قصدك مدرسة المرور ولا مدارس خاصة
ياريت معلومات بالنسبة للاتنين :)
بص يا كريم باشا انا عن نفسى روحت خلوصى كار ودة فى شارع الترعة فى شبرا والمنطقة هناك فيها كذا مدرسة سواقة هناك وبيسئلك لما تيجى تحجز العربية الى انت عايز تتعلم عليها يعنى خلوصى كادر دة كان عندة 128 وفيرنا حسب مزاجك وكان فى كذا مدرسة جنبهم عندهم عربيات لانسر و128 بيعلموااا عليها
بس اقولك على حاجة مدراس السواقة
كلام فكسان يعنى انا ساعة اما كنت بروح الزفتة دى كان الراجل الى راكب معايا كل شوية خف رجلك مع على البنزين متزودش بنزين لية ياعم الحج اصل مش عارف المكتب هايحسبنى اصل مش عارف هاخد جزا وحبة حورات ملهاش لزمة كدة
فى حين لما هوا كان بيسوق كان بيطير بالعربية وبيقرص عليها
مدرسة المرور ملهاش اى لازمة خالص و كل الى بتعمله انك بتدفع ال500 جنيه مقابل انهم يعدوك فى امتحان الكمبيوتر و حرف الs انما تعليم سواقة مفيش
بالنسبة للمدارس الخاصة فحسب المدرسة انا اخويا مكملش 16 سنة و راح مركز تعليم قياد بدأ بعربية لادا و فى الاخر هيونداىI10زيرو
وبصراحة بقى بيسوق كويس جدا
ايون ممكن تمشى قبل ما تتم 18 لأنه بيكون معاك المدرب ولازم العربية يكون متعلق عليها يافتة انها للتدريب ولو حصل حاجة المدرب اللى بيتحملها
اللى ممكن تتعلمه حلو هو الجزء النظرى من السواقة زى ميكانيكا وكهربا العربية ودورة الزيت والذى منه
لكن الجزء العملى على حسب الشخص اللى بيدربك بقا ممكن يقعد يلف معاك وتلاقى نفسك ما تعلمتش حاجة وممكن يعلمك صح انت ونصيبك بقا
وبيجيبوا عربيات حديثة بس بتدفع فرق تكلفة اكتر شوية عن العربيات القديمة