انا معايا نيسان صنى اوتوماتيك EX-saloon عاملة 3000 كيلومتر
والمشكلة اللى عندى انى باسمع صوت هواء من الباب اللى جنبى لما السرعه توصل الى 80 كيلومتر او اكتر:shyy:
اللى عنده نفس المشكلة دى ياريت يقوللى وكملن لو حد عندة حل ليها يقوللى علية او لو يعرف حد ممكن يعالج المشكلة دى :B4_388:
على فكرة انا من الاسكندرية
ممكن تكون جوانات الباب متركبه بطريقه غلط نوعا ما
طالما العربيه عامله 3000 كم متروح لمودرن موتورز اللى فى الحضره القبليه؟
بس فى نقطه ..صوت الصنى عامة عالى حبتين خلى بالك..مش زى اللانسر مثلا أو الإلنترا
نفس المشكله دى عندى بس انا بفشل فى تحديد مكان الصوت دا يعنى تقدر تقول من البيبان كلها
انا عربيتى عامله 45000كم وبعمل الصيانه بطريقه دوريه كل 10.000كم وفى كل صيانه بشتكى من المشكله ومره الأخوه فى مركز السبع بالمعادى غيرولى الجوان الى بتاع الباب الورانى شمال وقالولى احنا ظبطنا ليك باقى الجوانات ومفيش جديد
الأخوه فى يونايتد جروووب قالولى نفس الكلام ان احنا ظبطنا ليك الكلام والدنيا زى الفل ولما بطلع بالعربيه على اى طريق فاضى بسمع احلى صداع من الهواء الى داخل العربيه
الغريبه انهم فى مره عاملولى اختبار بتاع الصابون فى توكيل السبع والعربيه لم يدخلها اى هواء من الزجاج وقالولى ان العربيه تمام بس انا بسمع الصوت المزعج بتاع الهواء دا واى حد بيركب العربيه معايا من اصحابى بيعلق على الموضوع دا
وبصراحه انا يئست من انى الاقى حل للموضوع دا
لو حد لاقى حل او حاسس ان عربيته مش فيها العيب دا ياريت يبلغنا
انا بضم صوتى مع الأخ الى اثار الموضوع