مبارك عليك السيارة وإختيار جرئ وغير نمطي وموفق إن شاء الله
ربنا يحفظها ليك وبارك لك فيها ويرزقك خيرها ويكفيك شرها
عرض للطباعة
مبارك عليك السيارة وإختيار جرئ وغير نمطي وموفق إن شاء الله
ربنا يحفظها ليك وبارك لك فيها ويرزقك خيرها ويكفيك شرها
مبروك عليك العربية ربنا يديك خيرها ويكفيك شرها ... منتظرين تقرير مصور
الف مبروك العربيه يا فندم
بجد عربيه ممتازة ما شاء الله
وفى انتظار التقييم المصور
الف مبروك وربنا يباركلك فيها
مبروك عليك,,,,
وعقبال ما تكمل بيها 325.000 كم
:)))
متشكر جدا لكل اللي تفضل بالتهنئة.
انا الحقيقة مشغول باستمرار لدرجة لا تساعدني على كتابة تقرير مفصل متكامل مرة واحدة.
و لكن انا حاكتبلكم اخبار العربية دي ان شاء الله اول بأول . كل ما الاقي حاجة تلفت نظري.
و يمكن بعدين نجمع و ننظم الكلام ده في تقرير متكامل. فأرجو تتحملوني.
للأسف المعرض لسه ما بعتش اوراق العربية بما فيها الكاتالوج، و بالتالي فيه حاجات لسة ما عرفتهاش.
اللي هاقوله المرة دي و المرات اللي جاية هيكون غالبا مقارنة بالصني. يعني فيها كذا مش في الصني، او ناقصها كذا كان في الصني. و ده لعدة اسباب.
أولا ده منتدي نيسان و الناس هتكون فاهمة تقارن بايه.
ثانيا انا فضلت سايق الصني 33 شهر فبالتأكيد تركت في اثر، كما اني لسة محتفظ بيها و لسة هاركبها تاني.
و احب هنا اقول كلمة صغيرة في وداع الأكسنت. الصراحة زعلت عليها انا و المدام، لأنها ما زعلتناش في حاجة خالص، و لأول مرة ابيع عربية فقط بغرض التغيير.
المهم بخصوص السيلفي دي انطباعاتي الأولى بخصوص الصالون و بعدين نبقى نتكلم عالسواقة.
- من الحاجات اللي مش فيها و افتقدتها: ال Shift Lock Override Button اللي هو الزرار الأحمر اللي قدام الفتيس في الصني اللي بيفك الفتيس من البارك و انت طافي العربية. و ده معناه انك لازم تركنها صف اول مظبوط و ما ينفعش صف تاني. بيقولوا التويوتا كده برضه.
- حاجة غريبة و زعلت المدام: المراية بتاعة الزينة Vanity Mirror محطوطة في الشماسة اللي قدام السواق مش اللي قدام الراكب. يمكن علشان السواق في اشارات المرور يقدر يظبط مكياجه.
- زرار الأوتو بتاع زجاج السواق اللي بيفتح و يقفل للآخر بضغطة واحدة في الصني هنا بيفتح بس و للقفل تخليك شادد لفوق.
- الظاهر مافيش ساعة في التابلوه و معتمدين على ساعة الكاسيت (قلتلكم لسة ما شفتش الكاتالوج)
- و مش باين ماركة الكاسيت بس فيه سي دي
- اماكن التخزين مختلفة شوية عن الصني و ان كانت كتيرة و حلوة برضة بس المكان اللي في الباب مش عارف بتسموه ايه اضيق من في الصني يعني ما عدتش اقدر احط فيه النظارة
- فيه مكان البياع قال لي انه للنظارة فوق المراية بس حاولت احط فيه النظارة ما دخلتش.
- الدرج اللي علي اليمين بين الكرسيين الأماميين عالي و دي حاجة حلوة علشان تقدر تركن عليه، و كمان متقسم مساحتين فوق بعض بينهم درج اوسط و دي حاجة جميلة
- المسند بتاع باب السواق واطي شوية و اماكن الزراير بعيدة شوية محتاجة الواحد يتعود عليها بس يمكن ده لأني رجعت الكرسي ورااااااااااااااا خالص بشكل مش متعود عليه في الصني، براااااح بقي ورايا حتى بعد ما رجعت الكرسي.
- حامل الأكواب و آه من حامل الأكواب، موجود مكانه ورا الفتيس مترتبين ورا بعض مش بجوار بعض و للأسف و انا باحاول افتحه و اقفله اول يوم انكسر مني :majd(4): حاحاول معاهم في التوكيل في صيانة الألف ان كان ممكن يتغير في الضمان. الحمد لله ان جت على قد كده
- فيه لمبة اضاءة في منتصف السقف بالإضافة الى لمبتين تانيين قدام فوق المراية
طبعا كل الكلام ده يعتبر كلام فاضي بالنسبة لإحساس المتعة اللي بيغمرك من لحظة ما تدخل العربية و تقفل الباب لحد ما تنزل منها. بس حبيت انقل الواقع بأمانة بقدر المستطاع.
مع تحياتي
د. عيد
Sure 1000 mabrouk for your new car,
there is only one thing that I will say after this preliminary report,
for the mirror issue, which U said it is in the left and not in the right,
I have the same in the Tiida, and my explanation for this is that the car is made for Japan, they are only moved the wheel to the left and adjusted the rest of thing" Japan is driving on the right wheel" I saw this car in Trinidad and Tobago 13 mmonths ago, with a left driving wheel,
Thats the only explanation from my point of view
Wallaho a3lam....
thank You
Cheers
مبروك يا دكتور بس ممكن تقولنا
ايه الكماليات بتاعتها وسعرها كام
وهل في منها فئات مختلفه زي الصني ولا هي فئه مانوال وفئه اتوماتيك وبس
الف مبروك وربنا يباركلك فيها
الأخ bmya
هي مافيش منها فئات
هي فئة واحدة سعرها المعلن بعد التخفيض 132 الف بس ممكن تاخد خصم على السعر ده انت و شطارتك.
فيها فتيس اوتوماتيك و تكييف طبعا - باور ستيرنج كهربائي- 2 ايرباج- ABS,EBD - فرش جلد - ابنوس- فتح التنك و الشنطة من الداخل- حوامل اكواب امامية و خلفية - زجاج كهربائي امامي و خلفي و بتحكم من عند السائق- انوار ضباب امامية و خلفية - مقابض نيكل - Smart Key لفتح و قفل السيارة و ادارة المحرك بدون مفتاح -
و ادينا لسة بنستكشفها
تصحيح لمعلومة قلتها امبارح: زرار الاوتو بتاع زجاج السائق شغال فتح و قفل
مع تحياتي
د. عيد