يا جماعه جيبت عربيه بونتو الحمد لله
باركولي :36_1_34[1]:الحمد لله بعد لف و دوران و طلعان عين تييييييييييييييييييييييت :B4_444:جيبت عربيه بونتو حاله شاذه بمعني الكلمه :verygood:هي موديل 1994 سبور 2 باب بس للاسف فاضيه بدون اي كماليات اطلاقا :majd(4): بس هي مجهزه لتكييف و ليها فتحه سقف جميله العربيه ليه بقا حاله شاذه عشان هي موديل 94 و عامله 150 الف كيلو و تاني يد من الزيرو فابريكه من الداخل و الخارج و حاله الصالون من جوه تحس انه موديل من سنتين تلاته مش 16 سنه بس هي طبعا كعربيه مستعمله لازم يكون فيها شويه شغل العربيه فيها شويه سمكره السمكري قاللي كلها تترد علي البارد ان شاء الله لدرجه ان فيها ترييحه تترد باليد من جوه بس اللون محترم مش ضايع موتور العربيه و سحبها علي انها 1300 يعتبر ممتاز و الحمد لله يعني حوالي 70 او 75 % فيها كاسيت محترم كينوود و سماعتين كلاريون و البورده اللي وره الاصليه بتاعه الفابريقه
العيوب :-
محتاجه شويه سمكره علي البارد:_Alshmokh08[1]:
العفشه من الزيرو متغيرتش اطلاقا محتاجه تغير المساعدين و الكبالن ساعات بسمع طقه خفيفه مووووووت مش دايما :stink[1]:
مساعدين الشنطه يايظين و عامللهم الراجل خرم و بيحط مسمار عشان تفضل مفتوحه :120146b
العربيه فيها حاجه في الريدياتير او خراطيم الميه بتنقص تقريبا كل 3 او 4 ايام الراجل بتاع الريدياتيرات فضل قاعد تحت العربيه حوالي ساله الا ربع او الا عشر دقايق و الله عشان يشوف النقطه بتيجي منين بس ايه ولا الدموع و ده بعد ما حط بودره في الريدياتير بلون احمر عشان يشوف التسؤيب منين جننته و مفيش عموما مستني لغايه بكره و لا بعده عشان اروحله تاني :majd(4):
اه وش فانوس الاشاره اليمين مكسور عايز ابقي اجيبه ان شاء الله
بس كده انشاء الله هاصورها و ارفعلكوا الصور في اقرب فرصه ان شاء الله لو في اي حد عنده مقترحات يا ريت او امكن بيع قطع الغيار اسعار المساعدين او الكبالن الاشارات اي مصلحه يعني يا ريت ما يبخلش علي اخوكم و جزاكم الله كل خير مقدما :shine[1]:
:satelite: اخوكم ابو يوسف شادي
