الموضوع: الحمد لله استلمت بوليصة التأمين النهاردة

المشاركة الأصلية كتبت بواسطة sara2001

نسبة التحمل 4 في الألف في حالة الإصلاح بره الوكيل؟
شركة التأمين هي اللي بتدفع 5% في حالة الزجاج الأمامي ولا صاحب العربيه
هل يشترط عمل محضر في اي حاله ( شركة amig قالولي اي خبطه بسيطه لازم محضر)
هل في تكلفه للإخطار
هل في نسبة اهلاك قطع غيار
ايه الإجراءات المطلوبه لو حصل حادثه لا قدر الله

أستاذ محمود ارجو ما اكونش ضايقت حضرك بأسئلتي الكتير

اولا انا تحت امر حضرتك
ثانيا المعلومة اللى بحاول اوصلها لحضرتك ان شركة كونتاكت وسيط تأمينى وليست شركة تأمين يعنى بياخد خصم 15% تقريبا على بوليصة التأمين لصالحه يعنى الفرق بياخده هو مش المؤمن
ثالثا نسبة التحمل 4 فى الالف فى حالة الاصلاح خارج التوكيل بمعنى لو لا قدر الله العربية عملت حادثة و تكلفة الاصلاح 10000 جنيه هيتخصم 250 جنيه (الحد الادنى لل4 فى الالف)مش 40 جنيه ولو الاصلاح 1000 جنيه برضو النسبة 250 جنيه
بالنسبة للزجاج الامامى 5% من القيمة التأمينية بمعنى ان لو العربية مثلا تمنها 50000 جنيه(5% )=2500 جنيه قيمة اصلاح الزجاج الامامى بتدفعهم شركة التأمين ومثله للزجاج الخلفى
لا يوجد تكلفة اخطار و الاصلاح حتى 5000 جنيه بدون محضر
نسبة اهلاك قطع الغيار بصراحة ما استفسرتش فى النقطة دى بس اكيد موجودة فى جميع شركات التأمين بتبقى حوالى تقريبا 10%
الاجراءات المطلوبة فى حالة الحادث لا قدر الله اخطار حادث فى شركة التأمين و الخبير اللى الشركة بترسله لحضرتك بيصور العربية و على حسب المكان اللى حضرتك هتصلحى فيه بيطلب منك مقايسة اسعار
و ربنا يكفينا واياكم شر الحوادث
................................*
محمود عينو