انا عملته عند سروجى قديم ومخضرم فى الشغلانه دى
بيعمل فرش لجميع السيارات
والله انا روحتله عن طريق واحد صحبى قالى عليه
المهم روحت عنده وفرجنى على جميع خامات الجلد اللى متوفره عنده فى المحل
فضلت انقى فى الالوان والخامات وكنت محتار
فى الاخر قالى بص سبهالى اعملهالك على مزاجى
وهعملهولك من الاخر هخلى كل اللى يشوفه فى عربيتك يقولك الله يبارك فى اللى عملك الشغل ده
قولتله اعمل اللى انت شايفه صح ومناسب
المهم قالى هعملك الخامه دى وهخليها بيج فى اسود وهضبطهالك
وسبت الراجل شاف شغله وكنت واقف معاه اغلب الوقت وهو بيحل ويركب ويخيط ويفصل
المهم الموضوع ده كلفنى 700 جنيه
فرش الكراسى وفرش الارضيه وفرش الشنطه
انا عملت الموضوع ده اول ما استلمت العربيه
واهو لغايت النهارده والجلد والفرش زي ما هما الحمد لله
ولا فى جلد ريح ولا فى جلد اتقطع ولا اي حاجه ( الراجل ده كلمته كانت ضمان )
وبالنسبه لأن اللون فاتح شويه متقلقش من الحوار ده الجلد مش بيتوسخ بسهوله
ولو اتوسخ هى فوطه مبلوله ميه وهتلاقيه رجع زي الفل
ولما بغسل فى البنزينه بيغسل الكراسى والارضيه وكله بيبقى تمام
مع ان الكراسى نادر جدآ لما بتتوسخ اصلآ
وعلى فكره الفرش ده احسن مليون مره من اللى بيتباع جاهز
لانه مش بيبقى نفس المقاس ولا بيبقى مشدود على الكرسى زى ده
ولا بيطلع بالشكل الرهيب ده
بالنسبه للراجل ده فين فهو يعتبر جمب بيتى مش بعيد اوى
طبعآ فى اسكندريه