المشاركة الأصلية كتبت بواسطة أبـو آســـــر
ما بلاش
انا نسيت موضوع كان حصل معايا بخصوص الضمان
تصدقوا ان الضمان بتاعي ما كنش مختوم بشعار منصور و لا مكتوب فيه اي بينات عن العربية و لا اسم المالك و لا اي حاجة
و انا بعمل الصيانة في مقار مهندس هناك اسمه تامر هو الي نبهني للموضوع ده
و قالي كذا مرة يلاقي الموضوع ده و لو حصل حاجة علشان تتغير في الضمان هيقولك الضمان ده مش تبعنا
كنت عامل 35000 كم
روحت طالع على طول على منصور الي في ش جامعة الدول
قابلت واحدة في الريسبشن و حاكتلها الموضوع و اني عايز اختم الضمان
لقيتها عايزة تعمل حوار
بصتلي من فوق لتحت و قالتلي انت جبت الضمان ده منين بزعيق و بطريقة مش كويسة على الأطلاق
قولتها لقيه في الشارع و انا عايز ضمان للعربية بتاعتي لاني مستلمتوش قالتلي ازاي
قولتلها دي غلطتكوا المندوب الي سلملي العربية ما ادنيش معاها ضمان و تنحت معاها اخر تتنيح لقيتها بتقولي طيب وريني الرخصة
اديتهلها
قالتلي تاريخ الترخيص غير تاريخ الشراء
قولتلها علشان كانت واخدة نمر مؤقته فتاريخ التحرير مختلف و بعدين ده مش موضوعنا دي عربية موديل 2008 عاملة 35000 كم تبقى ليها ضمان و لا لاء
و جه شاب امور كدة من عندهم ( ده بقى سبع البرمبة الي بيخلص في اي حاجة و تلاقيه واقف بثقة مزيفة كدة أنا لقيته كدة أستلمته )
بيقولي انت عايز طيب انت عايز تختم الضمان ليه
قولتله هو الطبيعي يكون مختوم و لا لاء
قالي لاْ !!!!!!!!!!!
قولتله ازاي و في خانة مكتوب فيها ختم الشركة و الخانة فاضية و قاعدنا نهاتي مع بعض و يقولي انت عامل 35000 كم قولتله مش العربية دي ضمانها 60000 كم و هي موديل 2008 تبقى لسة في الضمان و هتلاقيها بيانتها متسجلة عندكوا و انا معايا امر شغل من منصور الصحراوي برقم الموتور و الشاسيه و مكتوب فيه تاريخ الشراء لو عايزني اجيبهولك اروح اجيبهولك و اجي
راح قاطم في الكلام
و طلع لمديرة مش عرف ايه في الدور التاني ونزل و الضمان مختوم
على فكرة منصور دول ربنا ينتقم منهم