على راي شعبان نبطل السجاير ونروح نشرب عصير
على راي شعبان نبطل السجاير ونروح نشرب عصير
كل سنه وانت طيب اولا وهديتك عندى قطه شيرازى نقى و اختار:shine[1]:
انا مدخن شره من 17 سنه بطلت تدخين خلالهم 3 سنوات بنيه خالصه لله وكان اول فى رمضان بس وللاسف رجعت
بفكر بجديه الان فى العدول عن السجائر وبفكر اروح لدكتور علشان ابطل لان الواحد من ضغط العمل مش قادر يقدم على خطوه زى دى لوحده
لقيت كورس علاج فى صيدليه العزبى لمده شهر ب 1600 جم (من 3-4 شهور شراء سجائر)
لكن قلت اسئل دكتور الاول
فيه حد يعرف دكتور متخصص او جرب كورس العلاج ده
الصراحه يا جماعه انا فرحان اوي اني عملت موضوع زي ده فلمنتدي هنا عشان كلنا نستفاد وانا اولكو
حرام بجد و الله على اللى حط الفيديوهات انا ما بقتش قادر اكملهم صدمونى بصراحه
بس زى ما تكون كنت بتقرا افكارى لانى بقالى اسبوع بفكر ابطلها و فكرت اشوف الادويه بتاعه تبطيل السجاير و على فكره دى مش اول مره ابطلها
و يللا سلام باه عشان اقوم اشرب سيجاره ههههههههههههههه
بجد طبعا انا عندى اربع قطط وناوى اوزعهم كلهم او احتفظ بواحده فقط ممكن الام
ام عمرها سنتان لون تورتيلا بيج
ذكر ابنها نفس اللون عمر سنه
انثى بنتها دخانى عمر سنه و حامل وعلى وش ولاده
وانثى بنتها عمر سنه ماين كون
اختار بقى لان هعمل موضوع قريب للى عاوز واهم حاجه تكون بتحب القطط وتراعيها وعندك خلفيه عنهم و متارميهاش فى الشارع
والله فديوهات صعبه جدا انا عارف بس هي دي الحقيقه المره
ده غير كده كمان متنساش ان ربنا هيسالنا ليه فرطنا في الامانه الي ادهالنا
وكمان فلوسنا الي حرقناها
وعلفكره عادي انك تبطلها وتفشل بس اعتقد الفديوهات دي تصد النفس عن شربها اصلا
انتا كل متيجي تشرب سيجاره هتلاقي الفديوهات دي بتنط فوشك كده
وده في حد زاته حاجه كويسه ودافع للتبطييل
الله يخرب بيتو فيليب موريس
بجد شكرا وكمان حاططهملي كلهم اختار منهم كده كتير عليا والله
وهديت عيد ميلاد مقبوله:biggrin2::biggrin2:
انا طبعا بحب القطط واكييد هعاملها كويس:lovlie02[1]: كفايه انها من طرف نايل موتورز:36_1_37[1]:
يعني لو عاملتها وحش:beatdeadhorse5: هيتعمل فيا شكاوي واتفضح زي التوكيلات وعلمنتدي العام كمان:gun_bandana::2guns::036: هههههه
بفكر اخد الحامل عشان اربي ولادها كمان ويخلفو بقا ويبقا عندي عزوه كده:friends:
شكرا ياباشا عالموضوع وأنا مش حأبطل سجاير لإني مبدخنش من أصله- هذا من فضل ربي علي-دا الواحد بيدوخ من الميه الساقعة هي ناقصة دخان ربنا يهدي الجميع وتسمحو لي اضيف اضافة للموضوع لو عربية مش راضية تسحب ومبتصينهاش ورحت لحد بيفهم يشوفهالك مالها لقي فلتر الهواء ملييييسسس تراب ويكاد يكون مسدود حيكون رأيك ايه في الموضوع ده ؟؟؟؟؟؟؟حاجة كمان من اجل الحصول علي طاقة عموما يكون فيه وقود وهواء فيه اكسجين كفاية ومصدر اشعال لبدء الحريق ده في الاحتراق العادي للبوتاجاز للعربية لشوي الدرة إلخ طيب بالنسبة لجسمنا بناكل بالهنا والشفا كل حسب مقدرته ونبلع بميه كمان الاكل جوة جسمنا بيتحرق برضه بس عالهادي بشويش بس يلزمه أكسجين من الهواء الي بنتنفسه من أنفنا بيعدي علي الفلتر (الرئتين) بالنسبة للمدخنين الفلتر ده حالته صعبة زي فلتر العربيه الي اتكلمنا عليها في الاول بالنسبة لغير المدخنين كفاية عليهم التلوث الي كلنا عايشين فيه فحالتهم بإذن الله أفضل والتدخين غالبا بيبتدي في الصغر والناس لسه بصحتها والسكينة سارقاها فالجسم بيبتدي ميوصلش الغذاء لخلاياه محملا بأكسجين كفاية فتبتدي الخلايا تشيخ وتموت بدري بدري والحالة الصحية للمتزوجين تبدأ في النزول لان الجسم بيعتبر الموضوع ده رفاهية والاخطر فيه بعض جزيئات الدخان بتوصل للمخ وبيكون حجمها اكبر من الشعيرات الدموية والخلايا فبتسدها وتعمل جلطة في المخ وحاجة كمان خلي اي حد يكتم نفسه شويه صغيرين شوف وشه حيبقي عامل ازاي -علي وشك الموت-زي كدة بيحصل لخلايا الجسم وهي مش عارفة تتنفس فأرحمو أجسامكم يا حضرات المدخنين وجيوبكم وأسركم وأهلكم الصحة غااااااليه ولغير المدخنين ربنا يديم عليكم الصحة ويكملكم بعقلكم وسؤال أخير لو حد شاف واحد ماسك فلوس مثلا ورقة بميت جنيه- ده أقل حاجةشهريا -وبيحرقها حتقولو عليه إيه ربنا يهدينا جميعا علي فكرة أنا لا شيخ ولا دكتور ولكن بأحب الدنيا والناس تبقي كويسة من حواليا لأن لما حد بيمرض بياخد من جيبي وجيبك علشان يتعالج ويتجامل وإلخ إلخ والكلام مبيخلصشششششششش والعقل السليم في الجسم السليم
انا عيد ميلادى 13/3
وكل سنة وانت طيب يا كبير
بس مش عارف ليه ما اقول ان عيد ميلادى يوم 13 \3 يا اما يضربونى ويقولولى ابعد يا نحس يا فقرى واللى يقولى انت جيت فى يوم غلط انت جيت ليه اصلا واللى يقولى انت جيت فى يوم 13 يعنى يوم اللى وقع فيه برجين التجارة بتوع امريكا
يا ريت حد يفسرلى ليه يوم 13 نحس:majd(4):