ياجماعه اعذروا جهلي كنت عاوز أعرف كل حاجه عن mp3 modulator يعني بيتركب ازاي ولازم كهربائي يركبه ولا مش محتاج والصوت بيخرج من سماعات العربيه ولا ليه سماعات فيه ومعلش على الاطاله
عرض للطباعة
ياجماعه اعذروا جهلي كنت عاوز أعرف كل حاجه عن mp3 modulator يعني بيتركب ازاي ولازم كهربائي يركبه ولا مش محتاج والصوت بيخرج من سماعات العربيه ولا ليه سماعات فيه ومعلش على الاطاله
ياباشا ولا يهمك هو عبارة عن جهاز بيركب مكان ولاعة السيارة بمعنى انك تشيل الولاعة من مكانها ودخل mp3 modulator مكانها ويجب ان يكون لديك كاسيت يستقبل من خلاله ارسال الجهاز mp3 modulator اللى بيتركب فيه فلاشة او كارت ميممورى عليه الملفات اللى انت عايزها بصيغة mp3
يعني مخرج الصوت بيبقى من سماعة الكاسيت
والله فكره حلوه
طب ممكن تقولي احسن نوع وسعره واجيبه منين
الجهاز ده بيطلع تردد علي fm بتعمل بحث وتستقبل التردد وتعيش
والله انا نفسي اعيش من زمااااااااااان :colsmil:
متقولي بأه احسن نوع وسعره ومنين
انا الي عندي نوعة انفنتي ب 38 بتاع من محل التميمي (ناس محترمين)
شغال حلو وصوتة حلو وكمان فية اماكنية التوصيل للموبيل او ال mp3
بس شغل الفلاشة مش الكارت (الصوت هيبقي احسن)
وكمان كان في منة بشاشة لتشغيل الافلام كان ب 138 بتاع
ايه دع أنا أول مره في مصر أسمع إن فيه عمله اسمها البتاع
هههههههههههه
طب يا أخي إنت قصدك التميمي إللي في فيصل ولا في حته تانيه
اه يا باشا البتاع ابو لونين دة (فضي ودهبي ) الي عامل زي غطا الكازوزة دة
التميمي الي فوسط البلد (دعاية ببلاش d: )
السلام عليكم
كلامكم رائع وكان عندى استفسار الام ثري الولاعه شغال والعربية واقفه ولكن لما بدورها او انقل او مطب بيفصل روحت للكهربائي كذا مرة قالى غير الام بي ثري غيرته 3 مرات وبرده نفس المشكله واخر مره قالى كهربة العربية عاليه ومش هيظبط معاك هات mp4 ووصله مع شريط الام بي ثري مارايكم وهل كهربة العربية توطى شوية وتتظبط الولاعه ولا فيها مشكله وكنت بشغل الشريط مع الموبايل ولكن الشريط بقا بيفصل ولازم اطلعه واشغله مره او اتنين ارجو الافادة
خلي بالك .. في انواع منه - الرخيصة - بتعيد لك التراك من الاول خالص كل ما تقفل الكونتاكت ودي حاجة ملل بصراحة
والأنواع الغالية النظيفة بتشتغل من آخر أغنية ( تراك ) وقف عليها
طيب هل يوجد وصلة للام بي فور و الكاسيت من غير الشريط لان الشريط جربت 3 شرائط وبايظين ( اقصد وصلة طرفيها جاك الصب لو سمحتم ) وهل لو جيبت كاسيت بمومرى وفلاشة هلى هلاقى مشكله فى الصوت من حيث ظبط الموجه وهزة الفلاشه ولا الامر هيكون افضل من ام بي ثري الولاعه ارجو الافاده