هل يوجد حل لرعشه الفتيس

**ahmed_aly78** · 09-03-2010 11:22 AM

ارجو الافاده فى حل لموضوع رعشه الفتيس فى العربيات المانيوال وموضوع صوت الماتور العالى

**aelhossan** · 09-03-2010 11:41 AM

الكلام ده في الصني؟؟؟؟

**ahmed_aly78** · 09-03-2010 03:11 PM

نعم فى عربيه نيسان صنى يوجد رعشه بالفتيس المانيوال ولما سالت التوكيل قال انه على wired ومفيش مشكله وده طبيعى فى كل العربيات
هل حد قدر يحل المشكله دى فى التوكيل فين؟

**mohamedhamam** · 11-03-2010 02:08 AM

يا جماعة الموضوع ده مكرر كتير و قُتل بحثاً فى مواضيع عديدة هنا بالقسم رجاء البحث عن هذه المواضيع و ستجدون ردود شافية وافية و خلونا نتكلم فى مواضيع جديدة للإفادة

**mmffor** · 11-03-2010 03:51 AM

المشاركة الأصلية كتبت بواسطة mohamedhamam

يا جماعة الموضوع ده مكرر كتير و قُتل بحثاً فى مواضيع عديدة هنا بالقسم رجاء البحث عن هذه المواضيع و ستجدون ردود شافية وافية و خلونا نتكلم فى مواضيع جديدة للإفادة

كان ممكن حضرتك على الاقل تعمل اقتباس بالاجابه عن الموضوع. انا داخل و مهتم بالرد

**ahmed_aly78** · 11-03-2010 09:35 AM

انا اسف انى اثقلت عليكم بسبب ان الموضوع متكرر ولكن من يريد اعطائى حل برجاء المساعده
وسبب تكرار السؤال مره اخرى انى شاهدت عضو بتحدث بخصوص رعشه الفتيس وقال انه تم تغيير قاعده الموتور والمشكله اتحلت فهل هذا صحيح ام لا؟؟؟؟؟ واسف مره ثانيه لتكرار الموضوع

**mohamedhamam** · 11-03-2010 11:28 AM

أنت فهمتنى غلط أولاً كلنا زملاء و أخوة فى هذا المنتدى و لا داعى لأسفك و لست ضيفأ ثقيلاً و لا حاجة أهلاً و مرحباً بك كزميل و أخ فى المنتدى و لكن و الله هذا الموضوع من المواضيع التى تمت مناقشتها كتير فى مواضيع سابقة بالبحث قليلاً ستجده و الموضوع ده أن شخصياً أخد منى وقت فى دراسته و معرفة تفاصيل عنه قبل أن أشترى سيارتى (صنى مانيول ABS 2010) و علشان أصالحك النقطتين اللى بتسأل عنهم كالتالى
1- هزة الفتيس عادية جداً و لا يوجد منها أى قلق و ده شىء معتاد فى الصنى حيث التصميم الخاص بالموتور و هو يابانى هذا شىء معتاد و لا يوجد به مشكلة و ليس صادر عن وجود مشكلة و جرب اركب أى صنى حاتلاقى أن ده شى عادى على فكرة اللانوس المانيول كده أيضاً
2-صوت الموتور العالى : موتور الصنى من المواتير اليابانية القوية و المحترمة جداً و هذا الصوت معتاد من مثل هذه النوعية المحترمة بالأضافة الى أن سير التقسيمة الخاص بهذا الموتور ليس مطاط Rubber بل جنزير حديد يعنى حاجة محترمة خالص و ده من الاسباب الرئيسية لعلو الصوت و لكن ستتعود عليه و ستشعر بأن لديك موتور قوى يزأر زى الأسد
و لو فهمتنى غلط حقك على أنا يا سيدى اللى أسف جداً