و ماله بس لمما كلنا نحتفل بأعياد بعض؟ هوة الواحد بقى يلاقي الفرح 24ساعة !! طب ما انا كل لما اقول لأبويا على طلب ساعة عيد مسلمين او مسيحين يقولي : انت معندكش دم ؟ مش بنعييد؟
و احنا لما كنا عايشين في كندا كنا بننزل مصر مخصوص ساعة رمضان علشان مفيش حاجة اسمها عندنا رمضان من غير ما نكون في مصر وسط الحبايب كلهم
و كل يوم نلاقي اصحابنا بيعزمونا كل يوم تقريبا على الفطار لدرجة ان احنا بقينا متعودين ما نحطش الغدا في رمضان قبل المغرب علشان نحس بجو رمضان و نتفرج على المسلسلات الرمضانية
و أبويا بيحب يدبح في العيد الكبير علشان يشترك مع جارنا الحاج صابر في أجرة الجزار :)
و لما جينا في سنة و الظروف كان فيه حالة وفاه عندنا و مدبحناش , الراجل بنفسه دبح و جابلنا نصيبنا من الدبيحة و قال : مش كفاية مدبحتش معاية السنادي يا أبو مينا
و لمما ييجي الكريسماس أو راس السنة تلاقييهم عندنا طول النهار و ضحك و لعب و سهر للصبح
بس تقول ايه,ناس نادرين الوجود و الرب يعلم مش عايشين في حرب على الأعياد
و لا أنسى كلمة الحاج صابر لما رد على واحد ظريف بيسأله على الموضوع ده و قاله:هوة الواحد مبيصدق يفرح,عايزها غم يعني
المفضلات