الفيرنا حلوه ولا انا بتهيألى ؟؟!
اهلا شباب الهيونداى
كان عندى حجات عايز اعرفها بجد لكن بدون حياديه الله يكرمكوا
اولا بدايه الموضوع انا كنت عايز اشترى عربيه من 9 شهور كدا او اكتر واعدت أدور والف على العربيه المناسبه ليا فوجدت انها تكون هينداى فيرنا فقررت انى اجيب هينداى فيرنا 2007 او اعلى فى الموديل
وطبعا دخلت نايل موتورز وشوفت الاراء وسالت وفحصت قسم الهينداى موضوع موضوع لحد ملقيت العربيه من الاراء جيده وعيوبها مش مؤثره يعنى من الاخر عيوب ميتبصش عليها زى انها واطيه وبعد 120 بتبدا يخل توازنها ووجدت بالنسبه ليا 120 حلو اوى ميعتبرش عيب بالنسبه ليا
وملقتش عيوب غير كدا فاخدت عنها فكره حلوه وروحت فعلا السوق اللى فى مدينه نصر يوم الجمعه علشان اشترى فيرنا ورجعت بلانسر مكوه 2001 :] ازاى معرفش
انا من عشاق اللانسر المكوه جدا لكن كنت باعدها عن الاختيارات نظرا لان سعرها عالى العربيه شدتنى صراحه جدا وسعرها كان الى حد ما مناسب على حالتها الجيده اللى كانت عليها فتوكلت على الله وجبتها
طولت عليكم معلش :) لكن السؤل هنا وهدف الموضوع هوه كل مقول لواحد على الموضوع دا يقلى فيرنا ايه ياراجل اللى كنت عايز تجبها دى عربيه هم .. ويعيب فيها كانها 128 واقل كمان
ففيه اصحاب ليا اعزاء عليا ونصحتهم بالفيرنا علشان فى حدود امكانياتهم الماديه ولانهم عايزين موديل حديث فنا صراحه خايف ليكون نصيحتى مش فى محلها وبدل مخدمهم اضرهم
فياريت بدون حياديه هل فعلا النصيحه دى فى محلها ولا فيه قبيل لعربيات تانيه موديلات حديثه من بعد 2006 مثلا فى رنج السعر للفيرنا وتكون فعلا مناسبه للطلب ؟
للعلم انا حتى الآن نظرتى للفيرنا انها عربيه تمام احسن من الدايو ومثيلتها فى الفئه فمحتاج الخبر اليقين منكوا ان شاء الله ياشباب .. لكن تذكروا بدون حياديه :]