قواعد شراء السياره فى السوق المصري

**tutankhamoun** · 06-05-2008 04:57 PM

المشاركة الأصلية كتبت بواسطة knightmido

مع احرامى لراى الجميع انا بشوف ان الفيات عموما .......... جريمة فى حق النفس

مصر يا سيدي الفاضل مبقاش فيها فيات

أنت بتتكلم عن 128 و 127 و 125 و 124 و عربيات عتيقة
و على فكرة كانوا وحوش في وقتهم

و لكن الفيات الجديد قليل قي السوق
و عندك البونتو ............... واخدة جوايز في أوروبا كثيرة جدا و منتشرة بطريقة فظيعة
و بعدين حتى القديم من الفيات .... مُعمر جدا
يا راجل ده الفيات من أكبر الشركات العريقة في العالم

**osa165** · 22-05-2008 01:21 PM

وما رأيكم فى التويوتا الأفانزا الماليزية - نفسي حد يفيدني عشان آخد القار
مع التحية للجميع

**D . a .\ AYMAN** · 26-06-2008 04:06 AM

المشاركة الأصلية كتبت بواسطة tutankhamoun

يا أستاذ كاسبر أنت عايز تقنعني أن الاف السيارات المنتجة في مصر بتروح للميكانيكي و وكالات التليح كل يوم ؟؟؟؟؟؟

ثانيا أنا فاكر إن في واحد هنا على المنتدى كان بيقول إن في عربية خرجت من مصنع نيسان و الشاسيه معووج ؟؟؟؟
طيب أنا عارف ناس شغالة في مصنع نيسان و المصنع مراقب من قبل مهندسين يابانيين هذا أولا
ثانيا الشاسيه الخاص بأي سيارة يتم تجميعها في مصر لا يصنع في مصر اطلاقا !!!!!!!!!!
يبقى العيوب اللي بتظهر في العربية المصري ممكن تظهر في عربية تانية مصنعة مثلا في اليابان أو أوروبا
و لكن الفرق هنا هو العقلية المشترية للسيارة
أول ما يظهر عيب في عربية مصري يقولك أصله مصري و أوعى تجيب مصري و خليك في المستورد و مش عارف كلام كدا من اللي يخرب البيوت العمرانة
أما لو ظهر نفس العيب في عربية مستوردة ( و بيظهر فيهم عيوب كتير ) يقولك ما هو المصنع لازم يطلع عربيات فيها عيوب علشان الانتاج الكتير و هما مش ملائكة و الكمال لله وحده و كلام من هذا القبيل
يجب أن نرحم أنفسنا و نساعد أنفسنا .......... إحنا ليه بنشتكي كشعب من الحكومة أنها لا تنظف الشوارع و أحنا اللي بنرمي الزبالة في الشارع ؟؟؟؟؟؟؟؟؟؟
و ليه نشتكي من البطالة و أحنا لا نشتري منتج بلدنا ؟؟؟؟؟؟؟؟؟؟؟
و ليه نشتكي من سوء الأداء الحكومي ........ و نسرق بعض ؟؟؟؟؟؟؟؟؟؟؟؟؟؟
يبقى لازم نفكر في المصلحة العليا للأمة أولا و أخيرا
هذه الأمة التي أصبحت ملطشة لكل من هدب و دب
و لا حول و لا قوة إلا بالله

انا معاك أشجع الصناعة المحلية
بس كل ما أقول ده الحاجة اللى أجيبها تطلع بايظة
انا ممكن أجرب في حاجة صغيرة لو طلعت بايظة ماوجعتنيش ومش هاجيبها تاني
بس إزاي أجرب في عربية تمنها أكيد هاياخد كل اللى معايا
أنصر الصناعة المحلية عشان هما يسرقوا أكتر ويحطوا حاجات جودتها رديئة وياريت لما يكسبوا بيحسنوا الجودة لأ هية هية ( ده ان ماكانش المستوى بيقل لأن الخبرة في السرقة بتزيد)
وبعد ماعمل كده أقعد ماعيش فلوس وماعيش عربية كويسة
آه ممكن أجيب لانوس أو فيرنا عشان دي أرخص العربيات المتاحة في مصر وفي نفس الوقت جودتها مش وحشة لأنها إتجربت خلاص
لكن لو انا عايز أركب ركوبة حلوة ماتقرفنيش وانزه نفسي يبقى أركب هوندا سفيك مثلا أو أوكتافيا أحسن من الـ BMW المحلية الـ 525 حتى ولا حتى المرسيدس

انا معاك ان الصناعة الأجنبية فيها عيوب بس بنسبة كام وهما بيضمنوها إزاي لما تكتشف .. والصناعة المصرية فيها عيوب بنسية كام وهما بيضمنوها إزاي لما تكتشف

مثلا واقعة نيسان اللى خرجت من المصنع الشاسيه بتاعها معووج (انا معرفش حقيقة ولا كدب بس خلينا نفترض انها حقيقة)
لو في اليابان شركة نيسان هاتجري تغير العربية دي للراجل وتديله فوقيها هدية محترمة كمان أحسن يروح يرفع عليهم قضية تعويض يخرب بيتهم فيها
طب لو في مصر ..... !!!!! طبعا الأول هايحاول يقنعك أن ده سوء إستخدام !!!! لأنك قلت للعربية نكتة بايخة مثلا ماعجبتهاش فاتعوجت أو أي سبب من الأسباب اللى مالهاش أي لازمة وهمة محضرنها ويحاول يقنعك انك ترضى بما كتبه الله لك من نصيب بشتى الطرق والأساليب وبعد ما يحس انك مش هاتسب حقك خالص ...
بعد كده ... يقوللك طب إحنا هانعدللك الشاسيه ونصلحالك واجري وراهم وابقى قابلني لو الشاسيه إتعدل ولو اتعدل هايتعدل أي كلام وبرضه مش هايغيرلك العربية
الموضوع انا عيشته بنفسي أو عن طريق أقاربي في كتير من الدول الأجنبية (سواء متقدمه أو نامية) وعيشته في مصر وشوفت الفرق

قصة صغيرة من عشرات القصص اللى بتتحكي عن العربيات المحلية
واحد جايب شيروكي جديدة كان بيشتكي من ان الهواء الخارجي بيدخل جوة مقصورة الركاب ومبوظ التكييف خالص عشان الجلد اللى متركب في أبواب العربية جلد معفن وجودته زبالة .... يعني هما بايعين عربية تمنها 500 الف جنيه تقريبا ومستخسرين يركبوا جلد محترم للأبواب بـ 200 جنيه الطقم عشان مدير الإنتاج مثلا عايز بسرق كام الف من ورا رئيسه ورئيسه عايز يسرق كام الف من ورا رئيسه لحد ماتوصل ان الوكيل عايز يسرق كام الف هوة كمان من الشعب الغلبان المسكين اللى مابيتكلمش

زي ما قال الأخ محمد ممدوح التجار ورجال الأعمال المصريين هما اللى عملوا كده في نفسهم وسمعتهم ... عايزين ينافسوا يبقى يعملوا حاجة نضيفة ينافسوا بيها واحنا مستنيين مش مقاطعين

ده الحاجة بقت بتيجي من الإمارات (دي جديدة دي بعد الصين) جودتها أحسن مليون مرة وفي نفس الوقت أرخص أو بنفس السعر (برغم مصارف النقل والذي منه) طب إحنا ليه بنعملها أغلى برغم انها معمولة في بلدنا لا جمارك ولا نقل
ومش ممكن الأيدي العاملة تكون أغلى عندنا من الإمارات يمكن الصين آه لكن الإمارات لأ ... (طبعا الموضوع ده هاتلاقوه في مكرونة وزيت والذي منه جايين من الإمارات أسمهم جنان GENAN وتلفونات محمولة و...و... وبكرة عربيات كمان)

انا آسف طولت عليكوا بس دايما بتخنق من مقولة (شجع الصناعة المحلية وانا مش لاقي صناعة محلية كوبسة أشجعها ... أنا مش مطلوب مني أشجع الصناعة المحلية عشان هما يكسبوا وانا بيتي يتخرب)

وربنا يصلح حال البلد والأمه يارب

**alim** · 30-06-2008 03:15 PM

والله يا جماعه آرائكم جميعاً معتبره وتستحق كل تقدير واحترام وبالنسبة لحالة عدم الثقة في التقفيل المصري فهي للأسف الشديد ليست من فراغ وباقول للأسف لأن فعلاً عار علينا نكون بلد ذات تاريخ قديم ويكون ده حال الثقه في أنفسنا وفي تصنيعنا أو تجميعنا ، ولكن الفساد هو آفة هذه البلد منذ القدم فماذا ننتظر من عامل أو فني لكي يحصل على وظيفه هنا أو هناك لابد أن يدفع مايصل إلى عشرات الألوف ، فهل يتقي الله في عمله ويحسن أداؤه ، كلا بالطبع فمصر بحاجه إلى شرفاء من الجيل الحالي مهمتهم تكون إعداد النشئ والأجيال القادمه بالعلم والإيمان وتربيتهم على المفاهيم الإنسانية الفطرية الأصيله بدون فساد أو رشوه أو واسطه أو محسوبيه حتى يكونوا عماد البلد مستقبلاً لأن الأجيال الحالية لايمكن تحقيق هذه النهضة بها ، فقد اعتاد العامل والموظف والفني ومن كل التخصصات على الإهمال والفهلوه وعد أيام وساعات دوام ويكبر دماغه وإلا يبقى هايف وخايف ، والله رحت في مره اشتري غيارات داخليه أكرمكم الله من بيع المصنوعات تقريباً والأخ بيشرب شاي ولما ندهت عليه اتعصب جدا لقلة ذوقي طبعا وازاي ابقى شايفه بيفطر واقوله لو سمحت ، والأكثر غرابه إن مدير الفرع على بعد خطوات منا ويسمع هذا الحوار دون أدنى تدخل ولو بالنظره . فهذا هو الموظف في كل مجال لم يهيأ ولم يتعرف على أدنى واجباته إلا من رحم الله وماذا تغير القطرات العذبه في بحر مالح تأجج على مر دهور .

**yassernew** · 21-07-2008 02:39 PM

جزاكم الله خيرا

**Mercedes_Benz** · 16-09-2008 12:37 PM

انا آسف طولت عليكوا بس دايما بتخنق من مقولة (شجع الصناعة المحلية وانا مش لاقي صناعة محلية كوبسة أشجعها ... أنا مش مطلوب مني أشجع الصناعة المحلية عشان هما يكسبوا وانا بيتي يتخرب)

وربنا يصلح حال البلد والأمه يارب

تماااااااااااااااااااااام ومتفق معاك
وبصراحة مع احترامى للجميع أنا أكثر عربية مش بحبها الشاهين بصراحة شكلها مش بحبه نهائى ولا منظر التابلوه بتاعها وسعرها كمان غالى عليها انا ركبت العربية دى زيرو بعد أسبوعين من شرائها مع واحد من أقاربى افتح الباب ألأقيه ثقيل لقيته بيقولى بيعلق والفتيس ثقيل والفرش تعباااااان جدا

**M_HaFeZ** · 18-09-2008 03:38 PM

المشاركة الأصلية كتبت بواسطة NYSMA

انا آسف طولت عليكوا بس دايما بتخنق من مقولة (شجع الصناعة المحلية وانا مش لاقي صناعة محلية كوبسة أشجعها ... أنا مش مطلوب مني أشجع الصناعة المحلية عشان هما يكسبوا وانا بيتي يتخرب) وربنا يصلح حال البلد والأمه يارب

معاك فى كل كلمه ياستاذ بجد انت جبت من الاخر ..

لى بس طلب من حضرتك .. ممكن الخط يبقى اصغر شويه

**D . a .\ AYMAN** · 18-09-2008 04:28 PM

المشاركة الأصلية كتبت بواسطة M_HaFeZ

معاك فى كل كلمه ياستاذ بجد انت جبت من الاخر ..

لى بس طلب من حضرتك .. ممكن الخط يبقى اصغر شويه

أصل لو صغرت عن كده بيبقى صغير قوي عندي ده انا دايما بقول هوة انتوا ليه خطكوا صغير كده وبقراه بالعافية يمكن عشان الريزوليوشن بتاع الشاشة عندي عالى على الآخر

عموما انا صغرت درجة في دي ياترى كده كويس

**mahamedaraby** · 18-09-2008 04:56 PM

لكن لو انا عايز أركب ركوبة حلوة ماتقرفنيش وانزه نفسي يبقى أركب هوندا سفيك مثلا أو أوكتافيا أحسن من الـ BMW المحلية الـ 525 حتى ولا حتى المرسيدس

مع احترامى لحضرتك كده يبقى بتكلم كلام ملهوش اى اساس من الصحه

انت بتقول ايه بس تركب سيفك احسن من بى ام 525 انت كده حلو اوى

**D . a .\ AYMAN** · 18-09-2008 05:38 PM

انا ركبت البي ام 525 المصري وماعجبتنيش زي حتى ال 316 الالماني في شوية حاجات صغيرة في التقفيل وجودة الخامات المستخدمة بتضايق الواحد بجد وفي كلمة مش قادر أقولها لأني مش مقتنع بيها قوي بس فعلا انا حسيت ان الموتور بتاعها كمان في حاجة غلط انا مش متخيل انهم يغشوا في الموتور كمان ده المفروض بييجي من برة بحالته

بس فعلا ده إحساسي الشخصي اللى انا مقتنع بيه أركب السيفيك 2000 سيسي ياباني مثلا ولا إني أركب البي ام المصري 525

الموضوع: قواعد شراء السياره فى السوق المصري

LinkBack

أدوات الموضوع

عرض

-

-

-

-

-

المواضيع المتشابهه

ايه رايك في السوق المصري

قريبا : إم جي 3 في السوق المصري

السيارات المغربية تغزو السوق المصري

فئات الاوبترا في السوق المصري

بعد مرور سنه علي شراء السياره صني2008 اهم الملاحظات والمشاكل اللي قابلتها في السياره

الكلمات الدلالية لهذا الموضوع

المفضلات

المفضلات

ضوابط المشاركة