-
مشكلة فى العفشة
السلام عليكم ياشباب
انا لسة مغير علبة الدريكسيون والمقصات والدينا كلها الى تحت قدام فى التوكيل من حوالى سبعة اشهر
المهم المشكلة ان فى المطبات او اى حتة تكسير بحس ان العجل الى قدام سايب وبحس بيها كمان فى الدريكسيون بحس ان الدنيا سايبة تحت خالص
روحت لوحد بتاع عفشة قولتلو ربطلى العفشة يااباشا
نزل تحت قعد تحت شوية وطلع قالى يابية
العفشة متربطة كويس وكلو ميت فل وعشرة
الصراحة مش عارف بئا العيب دة جاى منين
ياريت الشباب المساعدة
العربية نوبيرا 2004
-
ممكن الاصوات تكون من صوابع الكالبرات مش العفشة
MMamdouh
-
ياترى المساعدين حالتهم ايه
وهل أنت مطمن لبلى العجل
وهل بتخش على المطبات والحتت المكسره بهدوء ولا بسرعه
-
المساعدين لسة جداد
والصراحة بخوش بهدوء وواقات يسرعة شوية مش جامد
هى اية صوابع الكالبرات دى
-
صوابع الكبلر هيا الى ماسكة الدشم الى بيركب فيها تيل الفرامل
الصوابع دى الدشم بتروح و تيجى عليها لما التيل بيقفل و يفتح على الطنبورة
لو الصوابع مبوشة بتخلى الدشم تخبط و تعمل دوشة مع المطبات و تخلى فى هزة فى العجل مع المشى مسمعة فى الدركسيون
لو الدشم نفسها فتحت الصوابع فيها هي الى بوشت بتكون نفس النتيجة
الكشف على البوش بانك ترفع جنب العربية
تفك العجل و تاكد من برودة الطنبير
و امسك دشم الفرامل و هزها جامد لبرة و جوة
لو اتحركت معاك هتكون هنا المشكلة
و بتشوف المشكلة من الشم او الصوابع
Content Relevant URLs by
vBSEO 3.6.0 PL2