ما هو الرأى العام فى هذه السيارة وماذا عن عيوبها ومميزاتها ووهل هى تنفع كسيارة لاسرة صغيرة ام لا؟؟
عرض للطباعة
ما هو الرأى العام فى هذه السيارة وماذا عن عيوبها ومميزاتها ووهل هى تنفع كسيارة لاسرة صغيرة ام لا؟؟
بالطبع تصلح لأسرة صغيرة.
بوجه عام السيارة ممتازة و هذا الرأي نابع من امتلاكى للانوس أوتوماتيك لمدة 8 سنين.
عفشة جيدة و موتور طويل العمر (أكثر من 250000 كيلو إن شاء الله) و قطع غيار رخيصة نسبيا و متوافرة بكثرة و بكل مستويات الجودة.
يعيبها الإستهلاك المرتفع نسبياً للبنزين و خفيفة علي الطريق شوية بعد ال130 ولكن يمكن حل هذه المشكلة بتركيب جنوط
15
قبل ماتجيبها في واحد ف جسر السويس اسمه محسن (مش أنا :) ) عنده نفس أجهزة التوكيل ممكن يكشفلك عليها. لو ناوي تروح خلاص أبقى أديلك العنوان.
وتحت أمرك في أي وقت
طبعا تنفع اسرة صغيرة زى م اجابك Mohsens
انا كانت معايا حوالى سنتين كانت اكتر من ممتازة و جربت الانوس برده هايلة عربية موتورها جامد جدا و تستحمل من احسن العربيات الى ثمنها فيها وسعر البيع بتاعها مش بينزل
والتوكيل (ابو غالى) محترمين جدا جدا
انا برده مع Mohsens فى موضوع البنزين ولو انه مش ملحوظ اوى
اتكل على الله بس خد بالك عشان معظم الشباب الى بيبقا معاهم جوليت بيفتروا على العربية
متشكر جدا يا جماعة وبالنسبة للعربية فانا ان شاء الله هجيبها موديل 99 وبالنسبة للحالة انا بشتريها منطقة حرة بورسعيد فبالنسبالى بشترى من الجمرك وفعلا لقيت واحدة عاملة 60 الف كيلو والمفروض انها كاملة مانيوال بس فى بضع نقاط لاحظتها وحبيت اسالكم عنها...
النقطة الاولى خاصة بالزجاج الكهرباء لانى وجدت العربية زجاج امامى كهرباء فقط فلما سالت الناس هناك قلولى هيا بتنزل كدة مش بتنزل 4 زجاج بتنزل 2 بس.
النقطة الثانية لاحظت ان العربية لما بتيجى تبطل الموتور مش بتبطل وصاحب المخزن قالى لازم تنزل من العربية وتقفل الريموت والموتور بيبطل مع الريموت لوحده فهل الكلام دة صحيح ولا لاء؟؟؟
النقطة الثالثة : هل لو طقم جنوط 15 مياثرش على عفشة العربية ويقصف عمرها ؟؟؟ واذ ركبت 14 هل يعطى نفس الكفاءة ولا اقل وعموما انا مش بحب الجرى اوى فـ 130 كفاية عليه جدا.
شكرا لكل من ساهم بالرد.
فعلا فى موديلات من اللانوس نزلت بزجاج كهرباء امامى فقط
قصة ان الموتور بيبطل مع الريموت دى جديدة اول مرة اسمعها
الجنوط تاثر على العفشة لو وزنها تقيل و طبيعى انك لو جبت 15 حيبقى تقيل الا لو دورت على جنط و يكون خفيف بس دة مش حيبقى رخيص... انا انصحك تركب 14 و كاوتش 14/60/185 و الثبات حيتحسن كتير و على فكرة اللانوس ال1600 بتنزل بمقاس الجنوط و الكاوتش دة فانت حتعتبر مش عامل حاجة غريبة على العربية او بمعنى اخر مش مألف فى العربية
MMamdouh
والله يا اخى انا مش عارف فعلا بس هيا العربية نازلة فيها جنوط 13 وانا عندى اساسا طقم 14 وكاوتش 185/60 وعموما ربنا يسهل لو كان ليا نصيب فيها واخدتها اكيد هاجى بيها مقابلة واوريها للاخوان وربنا يسهل ان شاء الله, بس الحقيقة فى عربيات نضيفة جدا فى بورسيعد , نضيفة بمعنى الكلمة .
سؤال لو سمحت يا جماعة المفروض بعد ما اجيبها ان شاء الله اعمل فيها ايه؟؟؟ يعنى فى ايه فى العربية يفضل انى اعمله صيانة عشان ميقرفنيش وشكرا لكم.
موضوع الزجاج ده غريب شوية عشان الجوليت بتنزل كاملة الاوبشن مش زى الانوس يعنى المفروض تلاقى فيها:
4 زجاج كهرباء - سنتر لوك - بور ستيرينج - تكييف - اريال كهرباء - فتحة التنك من الداخل - جنوط 13
دى تقريبا كل الاوبشن الى بتنزل بيها
موضوع الموتور ده اكيد هو مركب انذار من النوع الى بيشغل العربية من برة و يطفى بردة العربية من برة وانا سمعت ان النوع ده مش كويس عشان بيلعب فى كهربا بتاعت العربيه والله اعلم
ولو كانت من نصيبك سواء العربية دى او اى واحدة تانية ممكن تغير طقم السيور كلها احتياطى وغير زيت وفلتر وتغسل دورة المياة وتحط مياةخضراء انضف (انا عملت كدة لما اشتريت الجوليت الى كانت معايا ونسيت موضوع المياة دة تماما لمدة سنتين) وتشوف تيل الفرامل لو عاوز يتغير وفى برده خرطوم زيت الى داخل على الموتور فى كتير من الاوقات بيتقطع علاطول وممكن تلاقى زيت على الموتور بسبب الخرطوم ده (انا كنت اعرف مدير الصيانة فى التوكيل وهو الى قالى ان الموتور جامد على بعض المكونات الى فيه ومنها الخرطوم ده وهو كان تقريبا تمنه 20-30 جنيه انا غيرته مرة واحدة)
اهم حاجة سير الكتينة و الشداد عشان لو السير اتقطع الموتور حيجيب صبابات
موضوع ان الموتور قوى على المكونات دة مش صح... الخرطوم دة بتاع فايظ الزيت اللى فى الوش و كلنا عارفين ان الزيت بياكل الكاوتس و بالتالى دى حاجة طبيعية... حتلاقى نفس الحوار بيحصل فى خرطوم البخار لنفس الاسباب
MMamdouh
يا شباب اذا سمحتوا عايز اعرف هل فعلا عزل الكابينة وحش زى ما الناس بتقول ولا ايه وبالنسبة لقطع الغيار لو فى حد يقدر يقولى على اسعار القطع دى يبقا له جذيل الشكر :-
2 مساعد امامى
2 مساعد خلفى
2 كوبلن امامى
طقم رشاشات
اكصدام امامى وخلفى
وشكرا جزيلا
للاسف نسيت اوضح ان الرشاشات التى اقصدها هيا بوش وبالنسبة للقطع التى ذكرتها سابقا فكانت بالنسبة للاستيراد ايضا وربما الجديد الاصلى.
بعد 8 سنوات مع السيارات الدايو دى اول مرة اسمع قصة عزل الكابينة فا اشرحلى بالضبط انت سمعت ايه عشان اعرف اجاوبك... و اعتقد ان بنسبة 99% حيبقى الموضوع دة فتىاقتباس:
المشاركة الأصلية كتبت بواسطة Abdallah
2 مساعد امامى + 2مساعد خلفى ب 500 جنية ماركة KYB
2 كوبلن امامى مش عارف
طقم رشاشات GM ب1000جنية
طقم رشاشات هيونداى اكسنت ب750 جنية
طقم رشاشات بوش استيراد ب200 جنية
اكصدام امامى جديد تايوانى 200 جنية
اكصدام امامى جديد اصلى 600 جنية
اكصدام امامى استيراد 1000 جنية
اكصدام خلفى مش عارف
لو عايز تسال على اسعار اى قطع جديدة اتصل ب هانى اللى شغال فى محل ابو الحسن على 0123824671 و قولة انك من طرف محمد ممدوح بتاع اللانوس النبيتى
MMamdouh
والله يا استاذ محمد ممدوح او ايا كان اسمك ( مش عارف هوا محمد ولا محمود ولا ماهر ولا ايه بالظبط :D ) انا فعلا مش عارف اشكرك ازاى انت طمنت قلبى وان شاء الله قريبا سوف انضم لمالكى الدايو ولكن حضرتك كما وضحت سابقا يجب تغيير الشداد والسير واود ان اسال هل هناك شىء اخر فى الموتور يجب تغييره وما هوا العمر الافتراضى لهذه الاجزاء يعنى الحقيقة انا عندى سير كاتينة فى عربيتى حاليا بيقعد 100000 كم هل فى حاجة موازية فى الدايو ولا كله 40000 كم فقط ؟؟؟
وشكرا لك مرة ثانية
انا اسمى محمد ممدوح
التغيرات الضرورية هى سير الكاتينة و الشداد لان قطع السير او تلف البلية يؤدى الى اصطدام البساتم بالصبابات و العربيه حتحتاج شغل نص عمرة فالاحسن تغيرهم و لو العربية عاملة فوق 80000 كم غير طلمة الميه بالمرة
الباقى بتبقى حاجات لتفويق العربية زى زيت الموتور و زيت الفرامل و الفلاتر و البوجيهات... منها تفوق العربية و منها تبقى مطمئن للموتور بتاعك
زى ما شرحت ان قطع السير بيسبب اضرار كتير فتغييرالسير هنا اجراء وقائى عشان المحافظة على عربيتك و على راى المثل فدان وقاية خير من قنطار علاج... غير سير كاتينة الدايو كل 40000
MMamdouh
متشكر جدا يا استاذ محمد وربنا يبارك فيك :)
الحمدلله وفقنى الله واشتريت لانوس موديل 99 واشترتلها بعض القطع كما افاد اخونا محمد ممدوح اشتريت
بلية شداد اصلى
سير كاتينة انجليزى
سير دينامو اصلى
سير تكييف المانى على ما اعتقد
فلتر زيت اصلى
فلتر بنزين اصلى
زجاجة wd40
وكل دول كلفونى 300 جنيه فقط لا غير ولكن بقى ان اعرف مصنعية تركيب الحاجات دى واذا كان فى حاجة تانية لازم ابص عليها وشكرا لكم جميعا.
البوجيهات و فلتر الهواء و راجع حالة التيل
MMamdouh
[quote="MMamdouh"]اقتباس:
المشاركة الأصلية كتبت بواسطة Abdallah
ازاى الاكصدام الاصلى 600 جنية
والاكصدام الاستيراد 1000 جنية
وايه الفرق رغم ان الاصلى ب600 جنية وارخص
انا بعملها ب50 جنية
ممكن اعرف من حضرتك موضوع عربيات بورساعيد دة
و نظام الشراء من هناك و الترخيص و كدة
طيب بالنسبة لزيت الفتيس وزيت الباور وزيت الفرامل دول ايه وضعهم؟؟؟اقتباس:
المشاركة الأصلية كتبت بواسطة MMamdouh
يعنى فى عربيتى القديمة كنت بحط زيت فتيس فلفلينا او ولولينا مش فاكر اسمه وزيت الباور والفرامل كنت بزودهم فقط مش بغيرهم فهل اللانوس نفس النظام ؟؟؟
ولا بغير زيت الفرامل والفتيس والباور؟؟؟
علما بان السيارة عاملة تقريبا 71000 كم استعمال خارج مصر.
زيت الفتيس و الباور مبيتغيرش... زودهم حسب الحاجة... زيت الباور DEXTRON III و الفتيس W90
زيت الفرامل بيتغير كل 30000 كم و يفضل تستعمل DOT4
MMamdouh
[quote="sokasoon"]السادة الافاضل فى الحرفيين بيعتبروا انك طالما جيتلهم يعنى انت عايز تشترى لبن العصفور و بالتالى حيدفعوك تمن لبن العصفوراقتباس:
المشاركة الأصلية كتبت بواسطة MMamdouh
حتلاقى مبررات واهية زى الاصلى اللى فى التوكيل مش زى اللى مفكوك من العربية و مش حتحتاج ترش و الكلام الفارغ دة لكن فى النهاية الاسعار دى غير مبررة بالمرة
واحد معرفة كان عامل حادثة و قرر يجيب كبوت و اكصدام و جوز رفارف و شبكة استيراد فا راح جاب نص امامى فضى عشان ميضطرش يرش العربية بعد كدة و يوفر... النص طلع لانوس 1 و الشبكة و الاكسدام مختلفين و طلع لون القطعية فارق سنة عن لون عربيتة فاضطر يرشها برضة... اسعار القطع دى جديدة ارخص بحوالى 25 الى 30%
متجبش حاجة استيراد الا لو مشلاقيها جديد او لان سعرها استيراد ارخص من الجديد بكتيييييييير
MMamdouh
قطع الغيارجبتها من بورسعيد؟
انا برده عندي الحوار ده من كام يوم وان شاء الله هبص عالعفشه وبالمره برده هخلي الميكانيكي يبصلي علي الكبالن