عرض للطباعة
السادة الافاضل
ارجو النصيحة اريد معرفت رايكم في احسن اختيار لسيارة تستحمل مشوار 280 كيلو في اليوم من الرحاب - مدينة السادات
علما باني معي حاليا ميجان 2008 و بونتو 2009 سوف اقو ببيع واحدة منهم غالبا البونتو
يجب ان يتوافر في السيارة الاتي
-المتانة والاعتمادية
-اقتصادية في مصروفات التشغيل
-سهولة البيع
-اتوماتيك
-في حدود 120000
-يفضل ان تكون قريبة لل 4*4 المدمج (تيريوس-كارينز-متريكس-SX4-تيجو)
-وممكن عشان سهولة البيع نختار بردو اللنسر بوما sport
ارجو المشورة
مع جزيل الشكر
السلام عليكم
280 كيلو في اليوم يعني 7000 كم في 25 يوم بفرض ان الجمعة فقط اجازة
رقم مش قليل لازم تبص على إستهلاك البنزين لأنه هيفرق جدا معاك
بس حضرتك تجاوبني علشان اقدر افيدك :
280 كم دول طوالي كما اظن وبسرعة 90-110 ولا جوه البلد ودائري وسفر بين محافظات زراعي سرعات بطيئة؟
كام راكب بالغ وكام طفل لو يوجد في هذة الرحلة ؟
مساحة الشنطة تهمك ولا لأ؟
في حفظ الله
اولا اشكر سيادتك جدا على سرعة الرد
-المسافة كلها دائري و صحراوي
-انا و السواق فقط
-استهلاك البنزين مهم جدا طبعا
-الشنطة مهمة جدا
وشكرا لهتمامك
يا نهار اسود 280 فى اليوم . انت عايزلك لادا او دبابة
1- كارينز
اعتمادية وواسعة وقطع غيار رخيصة
2-تريوس 4*4 ال 5 راكب
اعتمادية وعالية عن الارض
عفوا اخي الكريماقتباس:
المشاركة الأصلية كتبت بواسطة ahmed aly
بص لولا إستهلاك البنزين كنت رشحتلك الصني الي بتعمل على الطوالي حوالي 240-260 كم على سرعة 90-110 فيها كل المميزات بس طبعا إستهلاك البنزين هيفرق معاك كتير
أرشحلك حاجة نمطية جدا وإستهلاك البنزين افضل شوية وهي اللانسر البوما وطبعا اغلى من الصني
عمليا بقى لو مكانك هركب النسيان التيدا السيدان
موفرة جدا في البنزين إعتمادية ياباني واسعة جدا جدا وحديثة جدا , توكيل اكثر من محترم قطع غيار معقولة
هذا ما ارى ولك الخيار
لا تنسى الإستخارة والتوكل على الله فهو مفتاح كل خير
انا ميال للكارينز اوللتريوس بس العقل يقول لنسر بوما لسهولة ايعادة البيع عند الحاجة اصل انا مجرب الميجان
لانسر 1500 شارك اوتوماتيك كلاسيك glx موديل 2009
اي عربيه جديده تعمل معاك المشوار ده . انا فضلت سنتين اعمل 400 ك في اليوم رايح جاي من البلد للقاهرة مع اني راكب كورولا 94 والحمدلله مكنش في مشاكل انا شايف ان المشاوير افضل للعربيه من المسافات القليلة . خليك في عربية مريحه يعني لانسر كويسة بس 1600
استاذ سامح
انا مع راي حضرتك ان المشوار الطوالي احسن للعربية بس بقى في البيع العداد بيفرق
على العموم اختيار حضرتك مناسب عشان كمان اعادة البيع متلعش عيني
شكرا جزيلا
كرولا 1300 الشكل القديم ,, العداد مش هيفرق معاك ,, استهلاك مناسب ,, صيانة عادية ,, تكييف لا جدال عليه ,, سعر اعادة بيع كويسه
Nissan Tiida,
Very low operating costs,
U will change its spark plugs every 120,000 Kms, also its fuel consumption is very low, and U will rarely find someone selling it used, due to its great performance,
Good luck.
Cheers
تيريوس اللى ب 125 الف، اتوماتيك، 1500 سى سى، دفع امامى و استهلاك بنزين ممتاز.
انا لو مكانك ال 120 الف افضل حاجة ليها لانسر 1600 او نيسان تيدا سيدان الاتنين ممتازين وطبعا اللانسر فى اعادة البيع ممتازه
الكورولا لو عايز حاجه مريحه
بس انا مش عارقف هي الميجان هتقول لأ في المشوار ده ليه
الميجان ممتازه في الطرق المفتوحه واستهلاك البنزين فيها معقول جدا
الفرق بينها وبين الكورولا ان الكورولا اكثر هدوءاًً
بس الميجان تعوض الفرق في الثبات ومتعه السواقة
انا شايف العيب الوحيد هنا هيبقى استهلاك البنزين
لكن اي عربيه هتعمل المشوار ده بدون مشاكل طبعا عربيه حديثه الصنع
انا برشح كورولا مستعمله الشكل القديم
او لانسر الشكل القديم برده اظن الاتنين هيكونوا اعتماديين جدا في المشوار ده كل يوم
معنديش فكره عن التيريوس بصراحه بس اعتقد انها هتقوم بالمشوار ده بدون مشاكل
بس غريبة إنت عاوز تبيع البونتو ليه طالما إنت عاوز توفير فـال بنزين أنا مش عرف أرشحلك حاجة علشان كله قريب من بعده فـاستهلاك البنزين
Lancer Shark 1500 is very good and stable . and fuel consumption about 7. L /100 KM on speed 90
انا رائى بمشويرك ده اى عربيه هتستهلك بسرعه فهات عربيه يا اما 1300 او هات مثل عربيه 2000 سى سى وقلبها غاز طبيعى زى الاوبل فكترا 2003 وهتوفر معاك جامد جدا
السلام عليكم استاذي الفاضل
طالاما سفر لازم كمان تحط اهم عامل وهو الامان ودة مش المفروض تضيفه لا تحطه اول واحد واول شرط
اما بالنسبة ان ارشحلك ايه
عليك وعلى الاوكتافيا 4
موفرة جدا للبنزين
اعادة البيع حاجة كدة زي الفرنا في بيعها
العربيا كامان فهيا متوحشة بمعنى الكلمة
انا كنت مجربها سفر بين شرم الشيخ واسكندرية وعارف انا بتكلم عن ايه
وعلى فكرة انا عربيتى هيونداي يعنى مشمتحيز للوكتافيا الفور خالص
انا شاكر جدا للتفاعل العظيم ده من رجالة المنتدى واللي مش غريب عليكو انا اصلا اشتريت الميجان والبونتو اعتمادا على التفاعل العالى اوي داخل هذا المنتدى الجميل
موضوع البونتو مش هتستحمل سفر كل يوم وكمان الميجان مش بيتعت بهدلة
انا برشح الاتى
لانسر 35%
تيريوس 30%
تيدا هتشباك 15%
كارينز 10%
تويوتا 1300 10%
Lancer Shark 1500 is very good and stable . and fuel consumption about 7. L /100 KM on speed 90
انا عن نفسي أرشحلك الياريس...
استهلاك بنزين علي الطريق السريعة خرافي....
مريحة في السفر...
وبتستحمل البهدلة .....ويابانية 100%....
ممكن تشوف الموضوع دة....
شكلك هتلعب في دماغي بالياريس يا باشا
هبص عليها
280 فى اليوم يعنى 8400 كم فى الشهر
أرشحلك لانسر بوما بجداره
هى دى الوحيده اللى ارشحهالك وانا واثق ان شاء الله انها تمشى المسافات دى بدون مشاكل عن تجربه
الباقيين برضه ممكن يقطعوا المسافات دى بكفاءه بس مجربتهمش المسافات دا كلها
إنت طلبت حجم وحجم شنطة وأمان وسعر إعادة بيع ومصاريف تشغيل
+ سيارة محترمة وأوروبية متينة
ولو لون فاتح يبقى أنسب للتعرض الطويل لأشعة الشمس
إقتراحى أوكتافيا a5 جديدة أو كسر زيرو خليجي أو وكيل مايهمش
انا من رأى الكارينز تحقق لك كل شيئ
اولا : الهاى لاين ب 122000 وفيها 2 اير باجز وabs
ثانيا : الموتور 1600 سي سي cvvt وهو موفر لأستهلاك الوقود.
ثالثا : الكارينز كبيرة وواسعة وشنطة واسعة وكمان منتشرة وبتنتشر اكتر يعنى سعر اعادة البيع هيكون كويس وقطع الغيار كمان اعتقد ,,,
المشواير دة هنا فى الكويت عادى وانا هقولك كورولا 2007 وخد نصيحتى وعيش حياتك.
لو عرفت تجيب كرولا 2007 ال 1300 بحالة ممتازة تبقى هيا دي
العربية ممتازة سحب وتكييف
في الطوالي بعمل في ال 40 لتر 600 كم بدون تكييف متوسط سرعة 120
لو نزلت السرعة ل 100 وشغلت التكييف هاتبقي نفس الحكاية
بديلها الياريس عشان نفس الموتور
مش هاتلاقي زي الموتور ده في استهلاك البنزين
انا مانيوال ولو اتوماتيك هاتزيد حاجة بسيطة
بس نصيحتي طالما طوالي هات المانيوا لعشان استهلاك البنزين ارحم لان السرعة الخامسة هاتريح غير الاتوماتيك 4 سرعات فقط
لي زميل عامل بياريس 2006 230 الف كم والعربية زي الفل معاه
الموضوع محسوم octavia or corolla
هات اي عربيه ياباني فيها abs و مش هتفرق لو١٦٠٠ في استهلاك البنزين طالما على طريق سفر على سرعه متوسطه. (التيدا اختيار كويس).
انا شخصيا لا اميل للعربيات المرتفعه عن الارض (زي التيريوس) خصوصا في السفر المستمر. العربيه فعلا هتتجاوز عوائق طرقنا العظيمه... لكن قدرات المناوره اقل كتير من السيدان و بالتالي احتمالات الحوادث لا قدر الله اعلى.
+111111111111111111111111111111111اقتباس:
المشاركة الأصلية كتبت بواسطة ahmed hassan
كلامك مظبوط ياباشااقتباس:
المشاركة الأصلية كتبت بواسطة karim_monir
هى الكورولا فى مصر بتنزل 1300 بس؟ ولا فية 1800 سى سى وياترا سعرها مستعمل يعمل كم 2007؟
ال1300 و 1800 سى سى
1300 او 1600 مفيش 1800اقتباس:
المشاركة الأصلية كتبت بواسطة zamalek26
بص حضرتك على الكرولا ال 1400 اوتوماتيك استهلاكه ممتااااااز عفشه مريحه للضهر فى السفر و تكيف ممتاز وسع معقول صالون و شنطه مش دى يقبى الياريس بس جنوط و كاوتش عريض .. مع طلب أستشارة وحوش التويوتا و رأيهم فى 1400
والله لو جيت للحق والعقل انت لازم تسكن فى السادات جنب شغلك وترحم نفسك وترحم العربيه
+1111111111111اقتباس:
المشاركة الأصلية كتبت بواسطة acc_gr2004
اقتباس:
المشاركة الأصلية كتبت بواسطة memo823000
يعنى ايه 11111111111+