السلام عليكم ورحمة الله وبركاته
الموضوع ده انا عمله عشان احذر الناس الى بتجيب سيارات من جمرك بورسعيد سواء سيارات معوقين او منطقه حره والسبب ان احنا عندنا فى الشركه بنتعامل مع ورشة تأمين كبيره عشان احنا عندنا اسطول سيارات حوالى 75 سياره نقل وملاكى انا بشتغل فى شركة بريد سريع مساعد مدير الصيانه وانا الى بتعامل مع معظم الورش ومنهم ورشة التأمين الى قولت عليها كنا بنتكلم عن موضوع الغش فى السيارات الجديده بيقولى انا بيجيلى فى الشهر مش اقل من 50 عربيه زيرو عليها البلاستيك بتاعها من الرطوبه او الركنه لفتره طويله او لسوء التخزين لما يشيل البلاستيك يطلع معاها البويه ودى بتروحله عشان يرشها من تانى وتتباع عادى على انها فابريكا غير انها عشان العيب ده بتبباع للوكيل ارخص من تمنها مش اقل من 10000 جنيه وهو يعمل العيب ده ويبيعها تانى احسبوا انتو كمية المكسب الى داخل للتاجر وسألتو مين المعارض الى بتتعامل معاك قالى معرفش كنت الأول بسأل بس دلوقتى ماليش دعوه ده شغل جايلى للورشه مش هقول لأ مش هشتغل نيجى للمصيبه الأكبر بيقولى طلع بورسعيد مع واحد ليه شحنه فى الجمرك وطلع تصريح دخول هو وصاحب المعرض ودخلوا المنطقه الحره وصاحب المعرض راح يخلص بعض الورق وهو بيقولى قولت لما اتمشى واشوف الدنيا جوا الجمرك عمله اذاى تتخيلو شاف ايه شاف سمكريه شغالين جوا المنطقه الحره سأل صاحب المعرض اذاى شغالين جوا كده قالوا العربيات الى جايه مستورده من بره على انها عربيات استعمال معظمها مستوردين حوادث من بره وبتيجى يتعملها السمكره بتاعتها وتترش وتتباع انها استعمال اوروبى وطبعاً بتبقى بتراب الفلوس عشان حوادث فياريت الى هيجيب عربيه من هناك ياخد معاه سمكرى يكون استاذ وبيفهم عشان يعرف اذا كانت عمله حادثه ولا لأ واكيد لو فى حد من زملائنا هنا من بورسعيد هيقولو اذا الموضوع ده صح ولا ايه عمموماً ارجو الحرص عند الشراء من هناك ومن المعارض الموجوده فى القاهره لأن معظمهم لا يوجد عندهم ضمير ولا تفرق معاهم ان يغشوا المشترى فى سبيل المكسب اللهم بلغت
المفضلات