عرض للطباعة
عاوز اغير الكاوتش ومش عارف اجيب ايه. سالت عن الاسعار لقيت ميشلاب ب 330 و بردجستون 300 و بيرلي 270 وكلهم تركي ؟ اختار انهو ؟ وهل التركي كويس؟ وهل في نوع غيرهم تنصحو بيه؟
معلش سوال تاني بلي العجل اجيب نوع ايه؟ انا سالت قالولي skf في السوق مضروب و الفايكنج الالماني احسن
انا محتاج الرد بسرعة علشان ناوي اعمل الحاجات دي بالكتير بكرة وشكرا اجمد منتدي
بالراحه كده و واحده واحده وبلاش استعجال :shine[1]:اقتباس:
المشاركة الأصلية كتبت بواسطة Hunting_Eagle
اولا انت المفروض تقولنا نوع عربيتك ايه وتدينا شويه بيانات عن طريقه تفكيرك ! يعني بمعنى اصح ان عايز الثبات ولا الاداء ولا عايز حاجه تمشيك و و و و و .... عشان الاخوه الاعضاء يقدروا يفيدوك , صح ولا ايه :shine[1]:
مبدئيا انا عن نفسي بفضل الكاوتش الـ GT الاندونيسي ويكون حديث الانتاج منه
بالنسبه لبلي العجل فانا كنت لسا بسأل الاخوه الاعضاء عن الموضوع ده من ايام وتوصلنا الى ان افضل انواع البلي (بالنسبه للانوس) هو الـ skf الاسبانى و الـ nsk الياباني
وانا امبارح تحديدا جبت الـ skf الاسبانى (الامامي للانوس) وكانت الواحده عامله 110 جنيه وده افضل سعر في السوق
وعالعموم انتظر رد باقي الاخوه الكرام ولغايه لما حد يرد قولنا بس شويه بيانات عن عربيتك
وبالتوفيق ان شاء الله
عربيتك نوعها اية؟
و مقاس الكويتش بتاعك اية ؟
انا عربيتي لانوس والكاوتش 13 اللي هو نازل مع العربية. انا كنت عاوز حاجة تنفع مع السفر والجري وهل التركي كويس ولا ايه
بالنسبة يامحمد للبلي جبته منين ومتاكد انه مش مضروب اصلي سمعت انه بقي مغشوش وشكرا علي الاهتمام
شوف ياسيدياقتباس:
المشاركة الأصلية كتبت بواسطة Hunting_Eagle
انا لفيت اكتر من اربع ساعات ما بين شارع شامبليون ومعروف والتوفيقيه , وخلال الرحله دي في اكتر من محل متخصص في البلي قالى لو عايز الصح والسعر النهائي والقطعه الاصليه روح لشركه (العنتيبي) في شارع رمسيس قريب اوي من مبنى جريده الجمهوريه
فروحت لغايه هناك واتكلمت مع الناس هناك شويه وهما فعلا ناس كويسه والبلي عندهم اصلي , وحسب كلام مدير المكان قاللي انه كان بينزل البلي لشركه دايو قبل ما تبقى شيفروليه
اخدت منه البلي الامامي (skf اسبانى) بـ 110 جنيه الواحده - يعني الاتنين بـ 220 جنيه وحلفلي ان ده سعر جمله ومفيش فصال
وأكد عليا حاجتين مهمين جداااااا :-
1- مركبش البلي ابدا بالطرق (او الدق يعني) واركبهم على مكبس
2- اكون واقف مع الصنايعي وهو بيعملهم عشان ميبدلهمش ببلي تاني
وبس كده
ملحوظه :- انا مكنتش بسأل على البلي عند محلات قطع غيار الدايو , انا كنت بسأل عند توكيلات skf او محلات البلي ومعظم الناس دي هيسألوك عن مقاس البليه , وطبعا ده لانهم مش متخصصين دايو , انا عن نفسي مش عارف مقاسها لغايه دلوقتي :shine[1]:
وبالنسبه للاسعار اللي سمعتها خلال الرحله دي :-
فأول كلمه سمعتها كانت من واحد عايز ياكل عيش بس بطريقه مبالغ فيها وقالى 195 جنيه الواحده , ولما بتكلم معاه وبقوله ياراجل حرام عليك الكلام ده قالى خلاص همشيهالك 175 جنيه الواحده , فطبعا سبته ومشيت
وناس كتير قالتلي 125 جنيه الواحده (ايطالي)
وكام واحد قالو 110 جنيه الواحده (ايطالي)
ولما سألت على الاسبانى (لان كان محمد ممدوح نصحني بيه) فالكل قال مش هتلاقيه ولو لاقيته هيكون مش اصلي , ولكن الحمد لله لاقيته و اصلي بإذن الله
انا لسا مركبتش البلي لاني مش فاضي , بس خلال اسبوع هكون ركبته ان شاء الله
هات جنط 15 و كاوتش 195/50/15اقتباس:
المشاركة الأصلية كتبت بواسطة Hunting_Eagle
MMamdouh
انا شايف كاوتش بريجستون كويس
ويلية بريلي انا لسة شارية كويس
كلام جديد من مستشار الدايو انا عمرى ماسمعت عن جنط 15 فى الانوساقتباس:
المشاركة الأصلية كتبت بواسطة mmamdouh
لأ مش جديد م / محمد ممدوح كان نصح واحد قبل كدة بالجنط دة والمقاس دة :rfds:اقتباس:
المشاركة الأصلية كتبت بواسطة astsaae
انا عربيتى فيها 15... و عربية ابو فارس فيها 15... الموضوع مش جديد ولا حاجة
MMamdouh
شكرا ليكم كلكم علي الاهتمام بس انا بصراحة معيش الكاش للجنوط 15 فكنت عاوز اشتري كاوتش 13 وعاوز اعرف نوع محدد اشتريه وسعره
بالمناسبة هي الجنوط 15 بكام ؟
الجنوط ال15 الصينى تعمل 1300 و التايوانى (او اندونيسى مش فاكر) بيعمل 1900
MMamdouh
العربية مو 2006 يعني الجنوط الحديد كويسة و لو الفرامل مريحاك و مش بتفكر في تعديل الفرامل يبقى متغيرش الجنوط و جيب كاوتش بس ,
و بالنسبة لنوع الكاوتش جيب بريللي أو كومهو , الاتنين حلوين و مناسبين جداً و سعرهم معقول .
عندى نفس المشكلة عاوز اجيب كاوتش جديد للانوس 1 جنوط دايو بتاعة بلدها تنصحونى باية ؟
وبالنسبة لتعديل الفرامل يتكلف كام
دى صورة الجنط ال 15 على الدايو لانوس 2008 بتاعتىاقتباس:
انا عمرى ماسمعت عن جنط 15 فى الانوس
[IMG]http://up3.up-images.com/up//uploads...e2363fbb8c.jpg..[/IMG]
هتلاقى الاجابه على سؤالك هنااقتباس:
وبالنسبة لتعديل الفرامل يتكلف كام
http://www.nilemotors.net/Nile/103361-a.html
يا جماعه حد جرب النيكسون نقشه الشجره
لانى شايف ان الكمهو صوته عالى والنقشه عاديه
ولا اخلينى فى gt
ولا تنصحونى بى ايه
انا كان عندى نقشة الشجره وكان ممتاز فى السرعات العاليه لكن عيبه كان له صوت عالى ولكن عيبه الرئيسى انه بيتقل الباور جدا والعربيه بحس انها مكلبشه فى الارض وتقيله وخشنه فى حركتها وكان مقاسه 13×70×175 وانا اشتريت العربيه بالكوتش ده
ولكن من شهر غيرته وجبت نوع تانى نقشته عاديه كورى هانكوك ولكن الفرق كان كبير جدا اولا العربيه بقيت نعمه جدا بالضبط زى ماتكون ماشيه على هوا مش على الارض وكمان الباور بقى خفيف جدا ومفيش صوت خالص للكوتش بس انا جبت مقاس مختلف 13×70×185 والمقاس ده ادانى ميزتين جداد وعيب واحد فقط المميزات ان العربيه كلها اترفعت من على الارض بحوالى 1سم وده مهم علشان المطبات اما الميزه الثانيه ان الفرامل بقت حاجه تانيه خالص عن الاول وده لان عرض الكاوتش زاد من 175 الى 185 والميزه ديه بالزات مهمه جدا جدا خاصة مع اللانوس يعنى نقدر نقول ضربنا عصفورين بحجر واحد
اما العيب الوحيد كان ان عداد السرعه اختلف معايا ولاحظت زيادته يعنى لو كانت السرعه 100كم على العداد بتكون سرعتها الحقيقيه هى 105 او 107 كم
بس بصراحه المميزات اهم بمراحل ومراحل من هذا العيب
ملحوظه : سعر الكاوتش كان الفرده بالتركيب وبلف جديد هو 240 جنيه وممكن تبيع لنفس المحل الكاوتش القديم وفى الاخر تكون الفرده بحوالى 200 الى 220 جنيه بالتركيب على حسب الاتفاق
تحياتى
كومهو او هانكوكاقتباس:
المشاركة الأصلية كتبت بواسطة akramlail
MMamdouh
فى حدود 1000 جنية (غير شامل الجنوط و الكاوتش)اقتباس:
المشاركة الأصلية كتبت بواسطة akramlail
MMamdouh
و دى صورة الجنط بتاعى...اقتباس:
المشاركة الأصلية كتبت بواسطة esamghanayem
http://i83.photobucket.com/albums/j3...abshoot014.jpg
MMamdouh
فى الاثنين ارتفاع العربيه ثابت لان الارتفاع هوه 70 ال فرق فى المقاساقتباس:
المشاركة الأصلية كتبت بواسطة mohamedok
الجديد هوه العرض زاد 1سم من 175 الى 185
:brn:
ال70 دة مش ارتفاع بالمللى... دة ارتفاع العجلة ممثل فى نسبة من عرض الكاوتش...اقتباس:
المشاركة الأصلية كتبت بواسطة ahmedaliaeg
يعنى الفردة ال 175/70/13 ارتفاعها يساوى 175 مللى عرض مضروب فى 70% نسبة ارتفاع يساوى 122.5 مللى
لما تعرض الكاوتش من 175 الى 185 يبقى ارتفاع العجلة حيصبح 185مللى عرض مضروب فى 70% نسبة ارتفاع يساوى 129.5 مللى
يعنى العملية دى حتزود ارتفاع العربية سنتى الا ربع تقريبا
MMamdouh
اقتباس:
المشاركة الأصلية كتبت بواسطة MMamdouh
انا اسف على اجتهادى وشكرا استاذ mmamdouh
وزى منتا قلت
اللى ميعرفش... يقول هجس
ليه بتتاسف على اجتهادك... ما كلنا بنتجتهد... و ممكن فى الاخر تبقى صح او لا
و عادى ان اى حد يغلط... كل ابن ادم خطاء... المهم انك تسعى دائما للصواب
و اللى انت قولتة ميعتبرش هجس ولا حاجة لان دة خطاء شائع بالفعل و انس كتير مبتبقاش عارفة الموضوع دة
MMamdouh
انا لسه مركب 4 فرد برجستون اندونيسي الفرده 285 بالخدمات والضمان
ركبت كوموهو 13 ماليزى ب 200 جنية ممكن اعرف الفرق بين الماليزى والكورى مع ان الفارق 20 جنية بين الاتنين !!
علي فكره الــ gt كاوتش محترم جدا ونضيف ومعايا من فتره صوته علي الارض بسيط جدا والتزحلق في المايه مافيش وطري جدا
وكل ما الجانط بقي كبيركلما كان الشكل افضل