أحسن محطه لغسيل السياره....

**Tamerzaki** · 03-01-2008 11:20 AM

بصراحه أحسن محطه للغسيل جربتهم كانوا اثنين
التعاون اللي على ناصية شارع مصدق في الدقي وموبيل اللي بعد كايرو مول وانتى رايح على الجيزه
موبيل كل فتره بيعملوا عرض غسيل شامل ما عدا الشاسيه ب 15 جنيه بصراحه زي الفل وبيشتغلوا بذمه أنا لسه غاسل من يومين وفي عندهم قسم تلميع بالبوليش بس غالي ب 150 جنيه

**tmz9111** · 03-01-2008 10:06 PM

بنزينة موبيل كويسين بس عندهم غتاتة بالنسبة ااتيبس

**إسلام شاهين** · 03-01-2008 10:24 PM

وطنية اللي على أوتوستراد المعادي عندهم اختيارات كثير وليك كارت كل أربع غسلات ليك الخامسة مجانا .

لسه غاسل عندهم النهاردة بس فتحت معايا شوية دفعت 60 جنيه الصالون من جوه والسقف والفرش والأرضية كله بالفوم وجهاز كده للغسيل بس بسم الله ما شاء الله العربية بقت إيه زيرو وعلى فكرة التلميع عندهم بالشمع ب 50 جنيه .

**pippo3k** · 08-01-2008 03:35 PM

أستاذ إسلام، ممكن تحدد فين مكان إلبنزينه بالظبط على الأتوستراد...
معلش أنا من أهل المعادي بس ضايع معرفش فيها أي حاجه:d
بخد الأماكن بالشبه

أنا عندي الفرش قماش (الاصلي مش تركيب) والارضية إلي شبة الموكيت دي. تفتكر جهاز إلغسيل إلي عندهم ينفع والتكلفة تبقى أد أيه تقريبا؟
على ما أعتقد إن إلفرش القماش بياخد شامبو أكتر فالتكلفة بتبقى أكتر !!!

شكرا
بهاء الجوهري

**إسلام شاهين** · 08-01-2008 11:57 PM

أعتذر لأني والله لسه شايف المداخلة حالا

بص يا باشا إنت عارف الأوتوستراد طبعا ، هي قدام نزلة المعادي اللي بعد بنزينة شل بس الناحية الثانية وفيها معرض سيارات أعتقد أودي أو فولكس هي معروفة قوي يعني وبصراحة العربية لما اتغسلت رجعت فابريكة بس هتدفع شوية !!!!!!!!!!!!!!!!!

**pippo3k** · 10-01-2008 01:13 AM

عزيزي ا/إسلام بجد والله مفيش داعي للاعتذار... جزاك الله كل خير على ردك :)

ححاول في أقرب فرصة اني أعمل موضوع الغسيل دة لأن العربية بقت بشعة من جوا ٫٫٫

شكرا مرة تانية لتعاونك مع جميع أعضاء المنتدى