الموضوع: عاوز اغير سلك البوجيهات

لو العربية انت مشتريها مستعملة و ما تعرفش اللى حصل فيها غير اسلاك البوجيهات و ريح دماغك و ما اعتقدش انها غالية و بيتهيا لى ان العربية اشعال الكترونى فمفيش ابلاتين و كوندنسر ووجع دماغ يستحسن تغير البوجيهات كمان لو قدام بالنسبة لاستهلاك البنزين العربية ديه بتشم البنزين شوف الكربرتير بتاعها و نضفة اعتقد انها مش انجكشن

المشاركة الأصلية كتبت بواسطة blue_1177

اعتقد ان العربيه فيها كوندنسر لانى اول لما جبت العربيه ودتها للميكانيكى وغيرلى حاجتين باين كوندنسر وحاجه تانيه اسمها point set باين
بس ايه الفرق ان العربيه يكون فيها الحاجات دى او مفهاش

اللى اعرفه ان الاشعال الالكترونى عمره طويل جدا جدا و ما بيتغيرش تقريبا خالص بس ممكن تكون عربيتك اشعال عادى بس بردك ده مش مؤثر اوى فى موضوع البنزين ده بالمناسبة العربية بتعمل كام فى الصفيحة جوا البلد؟

المشاركة الأصلية كتبت بواسطة blue_1177

هو الاشتعال الالكترونى دا يعنى فيها ابلاتين ولا مفهاش
عشان انا عربيتى فيها الحاجات دى وغيرتها فعلا وبالنسبه للبنزين العربيه بتعمل حوالى 8 او 9 كيلو فى اللتر وممكن يكون اقل كمان بس مش اكتر من كده
عشان انا بروح بيها من شبرا للهرم بتاخد حوالى 6 لتر مع العلم ان الطريق بيكون مش زحمه

لو ابلاتين خلاص تبقا اشعال عادى و كده على كلامك 8 و 9 كيلو فى اللتر قليل شوية هيا 3 سلندر و تقريبا 800 او 900 سى سى لازم جوا البلد مش اقل من 15 كيلو فى اللتر اظبط التالى:
1-تاكيهات و كربراتير
2-غير فلتر هوا و بنزين (رخاص اوى)
3-شوف الشكمان مسدود و لا لا بالذات فى الجزئية اللى بعد الفرن لان انسداد الشكمان له تاثير بس طبعا بعد ما تظبط 1و2
و الله اعلم

اعتقد حاجة الدايهاتسو عند بتوع التويوتا عندك فى دمشق عرفة جابر و العالمية (اصلى بس)
و فى جسر السويس الشرقاوى (اصلى و يابانى و مضروب و كل اللى نفسك فيه)

معلش لية سؤال هو لية يتم تغير سلك البوجيهات هو لة تاثير على اية يعنى يتغير امتة او لو حصل اية

المشاركة الأصلية كتبت بواسطة ahmed_hamda

معلش لية سؤال هو لية يتم تغير سلك البوجيهات هو لة تاثير على اية يعنى يتغير امتة او لو حصل اية

سلك البوجيهات بيتغير لما مقاومته تزيد للتيار اللى ماشى فيه و بالتالى ما يوصلش الكهربا للبوجيهات مظبوط و العربية تبرجل بالذات على السلانسية و تقدر تقيس مقاومته بافو ميتر بعد ما تفكه و توصل طرفين الافو على طرفين السلك و هوا ليه مقاومة معينة حسب طوله و تقدر تعرفها من النت لعربيتك
و بيتغير كمان لو حصل فيه شرخ او قطع
و تقدر تحكم عليه بموضوع قياس المقاومة ده و كمان لو انت لسه مغير طقم كهربا و بوجيهات و العربية ما ظبطتش تضغط على سلك البوجيه من ناحية البوجيه تلاقيها تظبط شوية يبقا انت عايز طقم سلك ديه طريقة ضعيفة بس ساعات بتظبط و عموما يستحسن تغييره كل حوالى 100,000 كم

و الله اعلم

شكرااااااااااااااا