-
الرشاشات و سنينها
الاستاد ممدوح من فترة عمل موضوع عن الشاشات و استبدالها برشاشات b m w 16oo cc و انا اقتنعت تماما بكلامه و بالفعل قررت عمل ما اتفقت علية الاراء هنا و دهبت اليوم لشراء الرشاشات فبالمصادفة قابلت مهندس الصيانة اللي المفروض هاركبهم عندة فقلتله انا ناوي اعمل كدة فاعترض بشدة و قال مستحيل الكلام دة و كنا هنشد قصاد بعض؟؟؟؟ انا ما زلت مقتنع بكلام الاستاد ممدوح لان رايي الشخصي ان في كل حاجة التجربة خير برهان لكن دلوقتي امامي 3 بدائل في موضوع الرشاشات 1_رشاشات bmw 2 رشاشات اكسنت 3_رشاشات هيو نداي حديثة مثلا فيرنا او ماتريكس و الاسعار متقاربة جدا<على الترتيب 250_300_400> فما رايكم دام فضلكم ؟ ملحوظة لو تفضل الاستاد ممدوح و ادلى براية سانفدة فورا لثقتي في اراءة في المنتدى و لكم جزيل الشكر مقدما
-
عن نفسى جربت و بدلت برشاشات بى ام و شغالين من 3 شهور زى الفل
-
انا عملت القصة دى السنة اللى فاتت فى عربية والدى و هى تقريبا عاملة بتاع 20 الف بيهم و مفيش مشاكل
و الصيف اللى فات ركبتهم فى عربية نوبيرا بتاعت واحد صاحبى
و ركبتهم فى عربيتى و بقالها حوالى 4000 كيلو و ركبتهم فى عربية واحد قريبى و الراجل مبسوط جدا
دا غير الناس اللى هنا و عملوا بالنصيحة و مبسوطين من النتيجة
قول للمهندس اللى كان بيجادلك يخش على المنتدى هنا و على www.daewooteh.com و يقرا المواضيع كويس قبل ما يقول كلام مش صح و يبقى شكلة وحش
http://www.daewootech.com/forum/viewtopic.php?t=8614
انا فضلت رشاشات الBMW لانها رشاشات BOSCH المانى... و معتقدش محتاج اشرح ليه الصناعة الالمانى ممتازة ولا تاريخ شركة BOSCH فى صناعة مكونات السيارات الكهربائية و الالكترونية... دا طبعا غير السعر اللى بتجيب بيه طقم الرشاشات مقارنة باى طقم اخر
عموما القرار النهائى ليك... و انا بتكلم عن خبرة و تجربة عملية و عارف كويس ابعاد الموضوع
MMamdouh
-
الاستاد ممدوح عيني عليك باردة تقنع الحديد ها ركب بتوع b m ولو ما عجبش المهندس دة ها ركبهم عند غيرة شكرا جزيلا اخوك د_امير
-
متنساش تبقى تحط زجاجة منظف رشاشات موبيل بعد التركيب عشان تشيل اى رواسب او وساخة فى الرشاشات مطرح الركنة
MMamdouh
-
طيب يا ترى هل تركيبهم سهل يعني مثلا ممكن اركبهم انا ؟وكيف ؟بدل الحوجة لحد ما لوش لازمة
-
it is very easy
اول حاجة تفضى الضغط من نظام الوقود بانك تفك كتاوت طلمبة البنزين و العربية دايرة و تسيبها لحد ما تبطل لوحدها
اقفل الكونتاكت و فك خرطوم البنزين اللى داخل على مسطرة الرشاشات من ناحية فلتر البنزين
فك خرطوم الفاكيوم بتاع بلف المسطرة
فك فيش الرشاشات الاربعة
فك الصامولتين اللى مثبتين المسطرة... مش فاكر هما 13 ولا كام
اسحب المسطرة لفوق بحيث الرشاشات تخرج من الفتحات اللى فى المنافولد... خللى بالك ممكن بنزين يتدلق من خرطوم المسطرة
فك كلبسات الرشاشات اللى مثبتاها على المسطرة
شد الرشاشات لبرة عشان تخلعها من المسطرة
حط نقطة زيت على الاويلسيل الكاوتش اللى فوق على كل رشاش من الجداد
ركب الرشاشات فى المسطرة مع مراعاة ان مجرة الكلبسات تبقى على ارتفاع مناسب
ركب الكلبسات
حط نقطة زيت على الاويلسيل الكاوتش اللى تحت على كل رشاش
ركب المسطرة مكانها مع مراعاة ان كل رشاش تدخل فى فتحة المنافولد... خطوة محتاجة شوية صبر
ركب الصامولتين بتوع المسطرة
ركب فيش الرشاشات
ركب خرطوم الفاكيوم بتاع البلف
ركب خرطوم البنزين بتاع المسطرة
ركب كتاوت الطلمبة
افتح كونتاكت و سيب الكلمبة تحضر
دور و اطلع جرب
ادعيلى
MMamdouh
-
انت راجل تمام مش عارف اقول اية اكتر من كدة
-
-
انا كمان مركب رشاشات بي ام الحمد لله زي الفل
واللي نصحني بيهم اخويه محمد ممدوح
Content Relevant URLs by
vBSEO 3.6.0 PL2