أكذوبة أول سيارة مصريه ,, لحد أمتى الشعب هيتنصب عليه

قبل كدة أتكلمنا عن النانو إيجيبت فى البدايه و شكرنا جدا إنها تكون سيارة مصريه 100% لكن لما عرفنا حقيقتها البشعة أكتشفنا أنها عار و شركة الأنتاج الحربى رفضتها تماما شكلا و موضوعا و عرفنا بعد تجربتى من مجله عربيتى إنها 1 سلندر و ماتور موتوسيكل (كل شئ صينى) و الصاج كان ورق و مفيش مارشدير (رغم أن الفيديو بيتكلموا عن المارشدير و بيرروا الموقف
طبعا العربيه لو أشتريتها حتى بما أن الدولة مش معترفه بيها أزاى هتطلعلها رخص غير كدة دى فى نفس قوة الموتوسيكل لكن بكماليات و السعر النهائى كان 25 ألف جنيه رغم أن بعد الفحص و الكشف عليها فهى لا تساوى اكتر من 10 ألاف جنيه فقـــــــــــط

و دا الفيديو بتاع توكيل ليها و بيشكر فيها جدا و كأنها (هيونداى ماتريكس)
لكن لحد أمتى هيتضحك على المصريين من مرتزقة و لحد أمتى هتفضل فيه أشياء عار عار عار فى بلدنا
أنا مش ضد التطور بالعكس انا بحلم بعربيه تشرف بلدى و تكون بأسمها لكن مش من تحت بير السلم ولا بالنصب دة


دا الفيديو و عايز تعليقاتكم

YouTube - ‫ظ†ط§ظ†ظˆ ط³ظٹط§ط±ط© ظ…طµط±ظٹط© 100%‬‎


والله أعلم

العربية فيييييييييييييييييييييييي ييييييييييييييين؟!
الرجاء من الادارة تعديل العنوان و حذف عبارة مصورة فيديو.

اقتباس:

---

المشاركة الأصلية كتبت بواسطة mr_kenawy

العربية فيييييييييييييييييييييييي ييييييييييييييين؟!
الرجاء من الادارة تعديل العنوان و حذف عبارة مصورة فيديو.

---

أنت يعنى مشوفتش الفيديو ؟ أنا مش قصدى العربيه نفسها إلى فى فيديو أنا بتكلم على الشعب إلى بيتنصب عليه من مرتزقين دا حتى واضح من كلامه مش عارف يقول أية و هوريك الصور فين الحديد ؟
دى العربيه شكلها عندها تسلخات من العجل إلى أدام دة وقولنا أنهم عايزين يبيعوها بـ25 ألف جنيه و هيا 1 سلندر و 600 سى سى يعنى موتوسيكل بـ25 ألف جنيه طيب مانا أجيب حاجة بقى مستعمله و نضيفة و على الأقل سرعتها القصوى هتكون أكتر بكتير من 60 كيلو :majd(4):
لو على صور العربيه و زعلان أوى عشان مشوفتهاش أهيه جيبتهالك
http://3.bp.blogspot.com/_df39PvD_YO...A16951_008.jpg

http://4.bp.blogspot.com/_df39PvD_YO...A16951_012.jpg

http://1.bp.blogspot.com/_df39PvD_YO...A16951_006.jpg


واضح أنها تحت بير السلم و متستاهلش تحمل أسم بلدى

يا باشا نصب فى نصب

مجله عربيتى لما زارو الشركه ولا كان فى معرض ولا حاجه , كل ما هنالك العربيه مرميه فى الشارع وشقه فوق فيها النصاب صاحب الشركه واللى كل الورق اللى معاه عن العربيه غير موثق فى اى مكان حكومى

بجانب ان فى ناس موزعين بالفعل اتصلو بالمجله انهم دفعو فلوس على اتفاق استلام ومحدش استلم حاجه ليومنا هذا

العربيه ورق فى ورق وسيبك من الكداب اللى قاعد يقولك شاسيه حديد ومش عارف ايه وهى موجوده فى حدائق القبه فى شارع فلسطين لو حد عايز يشوفها واظن ان الصور اساسا كفيله انها تبين الجوده

والعربيه صينى صينى صينى مش مصرى وحكايه انها من تصميمه وانتاجه دى اشتغاله كبيره قوى وكان فاكر الناس معلقه فوانيس علشان يقولك مكلفانى 15 مليون دولار ابحاث وتصميمات لحد ما وصلت للشكل ده

الموتور ضعيف جدااااااااااا لدرجه انها فعلا زى ما اتكتب فى المجله لما الناس راحت جربتها مبتجيبش ورا وبتتزق بس لورا وبتمشى قدام ادفعله اللى هو عايزه لو جابت 60 حتى

اوعى يا جماعه حد يصدق كلام الراجل ده , دى عمليه نصب الحكومه ساكته عليها بمزاجها مش عارف ليه

اعتقد انها ممكن تنتشر كبديل التك تك بس اكيد مش بالسعر ده !!

حسبي الله ونعم الوكيل

طيب فين حمايه المستهلك ؟؟؟؟ ولا هوا كلمة و خلاص أحنا أتعودنا أننا نسمع عن حمايه المستهلك لكن مش موجودة !!؟ و فين مصلحه الضرايب؟؟ و فين الهيئة العامه للمواصفات و الجودة ؟؟

هوا فين إلى المفروض يحمينا ؟؟؟؟؟؟؟؟؟؟؟؟

يا حبيبتي يا مصر

دى اخرها الفين جنيه

انا مش فاهم البلد دى ماشية ازاى
التوك توك ب20 الف ازاااى مش فاهم انا

عمااار يا مصر

ناقص يقول انها بتطير دا محتاج يمسكوة ربابة ويمشى بيها فى الشارع ويحكى اللى بيقولة دة هههههههههههههههههههههه

حسبي الله ونعم الوكيل

الراجل دة كبيرة يبيع كباب وكفتة

انا اول مرة اشوف العربية دى و مقدرش احكم عليها , بس كل اللى اقدر اقوله ان الخمسة و عشرين الف ما بقتش كتير اوى دلوقتى فى ظل الغلاء الرهيب , و فى المستوى السعرى ده مفيش اى بدائل تذكر , فماذا لو ان ست البيت عايزة عربية رخيصة تجيب بيها طلبات البيت او توصل العيال لمدارسهم القريبة , مش العربية دى - بشرط توافر الخدمة و الصيانة لها - هتبقى اختيار مثالى؟
اقرب حاجة بعديها السوزوكى ماروتى و دى تزيد عنها حوالى 15 الف جنيه , و فيه اختيار تانى هو 128 مستعملة و طبعا فيه ناس كتير ما بتفضلش المستعمل و خصوصا فى عربية اخر انتاج جديد ليها من حوالى 15 سنة.
يعنى وجهة نظر كدة جت على بالى.

انا حاسس اني كنت بتفرج علي اعلان مكنسه كهربائيه
علي احد القنوات الفضائيه

اقتباس:

---

المشاركة الأصلية كتبت بواسطة mr_kenawy

انا اول مرة اشوف العربية دى و مقدرش احكم عليها , بس كل اللى اقدر اقوله ان الخمسة و عشرين الف ما بقتش كتير اوى دلوقتى فى ظل الغلاء الرهيب , و فى المستوى السعرى ده مفيش اى بدائل تذكر , فماذا لو ان ست البيت عايزة عربية رخيصة تجيب بيها طلبات البيت او توصل العيال لمدارسهم القريبة , مش العربية دى - بشرط توافر الخدمة و الصيانة لها - هتبقى اختيار مثالى؟
اقرب حاجة بعديها السوزوكى ماروتى و دى تزيد عنها حوالى 15 الف جنيه , و فيه اختيار تانى هو 128 مستعملة و طبعا فيه ناس كتير ما بتفضلش المستعمل و خصوصا فى عربية اخر انتاج جديد ليها من حوالى 15 سنة.
يعنى وجهة نظر كدة جت على بالى.

---

يا راجل مين قال أن 25 ألف قليلين فى عالم السيارات يعنى
و مين قال أنها برضة للناس الطبقة المتوسطة إنهم ممكن يدفعوهم و بعد كدة يرموها عادى أصلها مش جزمة دى عربيه
و فيه مليون بديل للمستعمل فى الحدود دى أصل أنا مش كل يوم هيبقى معايا 25 ألف جنيه و كمان دى سرعتها القصوى يا راجل يا مؤمن 80 كيلو أو حاجة زى كدة لما تجيب أخرها يبقى دا أنا لو مثلا على طريق بحر بقى هلاقى العربيات إلى ورايا بتزقنى و هوصل برضة أسرع بس بمليون حادثة و فين الحديد إلى بيتكلم عليه و كرر نفس الكلمة كذا مرة ؟
بصراحه من وجهة نظرى الشخصية (أختيار فاشل) و عجبتنى كلمة حلوة أوى من عضو مش فاكر مين والله فى منتدى بيقولك هوا فانوس رمضان له قطع غيار

أنا عارف أن أنا بعمل مواضيع كتير عن النانو إيجيبت بس أحب أقولكم أننا مش حاطيت العربيه دى فى دماغى بالعكس أنا بشوف مواضيعها صدفة و أن لسه فيه ناس فرحانه و متعرفش يعنى أية سرعة قصوى 80 كيلو و ماتور 1 سلندر من غير مارشدير

اقتباس:

---

المشاركة الأصلية كتبت بواسطة ama

أنا عارف أن أنا بعمل مواضيع كتير عن النانو إيجيبت بس أحب أقولكم أننا مش حاطيت العربيه دى فى دماغى بالعكس أنا بشوف مواضيعها صدفة و أن لسه فيه ناس فرحانه و متعرفش يعنى أية سرعة قصوى 80 كيلو و ماتور 1 سلندر من غير مارشدير

---

انا ادفع اللى هو يقول عليها لو جابت 80 دول ولا قربت منهم حتى , بقولك دى مبتجيبش ورا من ضعفها

الموتور ده اساسا وهو راكب على الفيسبا بيطلع حوالى 11 حصان ونص , يعنى بفقد الطاقه اللى هيحصل فى العربيه بالات الجر الاكبر تقدر تقول هيرسى على 9 حصان او اقل كمان , دا لو عربيه كارو بحصان فيه صحه هتطلع من النانو دى

اقتباس:

---

المشاركة الأصلية كتبت بواسطة ahmed0nouh

انا ادفع اللى هو يقول عليها لو جابت 80 دول ولا قربت منهم حتى , بقولك دى مبتجيبش ورا من ضعفها

الموتور ده اساسا وهو راكب على الفيسبا بيطلع حوالى 11 حصان ونص , يعنى بفقد الطاقه اللى هيحصل فى العربيه بالات الجر الاكبر تقدر تقول هيرسى على 9 حصان او اقل كمان , دا لو عربيه كارو بحصان فيه صحه هتطلع من النانو دى

---

فعلا عندك حق دا كفاية تسلخات الكاوتش الامامى دة و عماص الفوانيس الأماميه و كمان كل عربيه صغيرة مالهاش قيمه يقولك عشان الشوارع المصريه يعنى أنتوا ترضوا الأسفلت و ضيق الشارع و مترضوش المستهلك المصرى ؟ يا جدعان المستهلك مش عايز عربيه صغيرة للدرجة دى كبروها شوية

دا أنا أتجنيت والله العظيم فكرت أننا أعملى عربيه شخصيه ليا أنا بس ههههههههههههههههه
يعنى نعمل التصميم فى أى برنامج و أجمع فى كام واحد سمكرى كدة يكونوا محترفين و فى الأخر أعمل الهيكل
و فكرت أنزل بورسعيد أو أدور هنا فى أسكندرية على ماتور شديد مستعمل و هكذا لحد ماتبقى عربيه على مزاجى و على فكرة مش مكلفة نهائى لأن قبل كدة فكرت مع كام واحد بيفهموا أوى فى الأسعار و فى تركيب العربيات و كدة قالى هتكون رخيصة جدا جدا جدا لكن حكومتنا للأسف مش هتديها نمر ولا هتطلعلها رخصة

اقتباس:

---

المشاركة الأصلية كتبت بواسطة Ahmed0Nouh

والعربيه صينى صينى صينى مش مصرى وحكايه انها من تصميمه وانتاجه دى اشتغاله كبيره قوى وكان فاكر الناس معلقه فوانيس علشان يقولك مكلفانى 15 مليون دولار ابحاث وتصميمات لحد ما وصلت للشكل ده

---

15 مليون دولار!!!!!! ولحد لما وصل للشكل دة :majd(4): .. اومال لو استرخص شوية كانت هتبقى عاملة ازاى
اومال لو كانت عربية بجد كانت هتكلفة كام

وكمان ب 25 الف !!
بيفكرنى بشركة النصر الله يرحمها فى تسعيرها لعربياتها كانت بتشوف ارخص عربية اية وتقلل الفين ولا تلاتة ويبقى دة سعر عربيتها زى ال 128 اللى كانت معدية ال 40 الف

كنت فاكر الموتور مصري ,,, طلع صيني !!

يا ساتر يا رب

اقتباس:

---

المشاركة الأصلية كتبت بواسطة د.محمود صلاح

كنت فاكر الموتور مصري ,,, طلع صيني !!

---

يا دكتور الصين أحتلتنا سواء فكريا أو أقتصاديا و مش بدل ماحنا نحاول نقلدهم و نستغل وجود عدد منهم هنا لأ أحنا كمان إلى رايحين ندور عليهم و فى بلدهم أرحمنا يـــــا رب :ask:

عربية جميلة بصراحة, أنا عايز أشتري واحدة لو حد يعرف ادفع ال25 قرش فين يقولي.

+ ماتور 1 سلندر 10/10 يوفر و مياكلش بنزين و مايضرش البيئة.

هم يبكي...:H_angry[1]:

اقتباس:

---

المشاركة الأصلية كتبت بواسطة slim_shika

عربية جميلة بصراحة, أنا عايز أشتري واحدة لو حد يعرف ادفع ال25 قرش فين يقولي.

+ ماتور 1 سلندر 10/10 يوفر و مياكلش بنزين و مايضرش البيئة.

هم يبكي...:h_angry[1]:

---

دا هم يخلى الواحد يتشل مش يبكى بس دا خسارة فيها كلمة إيجيبت دى (منهم لله)

واضح انه كان عايز يستغل اسم السيارة الهندية العالمية tata nano و هي (ارخص سيارة في العالم ) فا حب يخطف الأسم و يضحك علينا و نزلنا ديه و هي لا تقارن بتاتا نانو الهندية العالمية
حسبي الله ونعم الوكيل

اقتباس:

---

المشاركة الأصلية كتبت بواسطة semsem_uno

واضح انه كان عايز يستغل اسم السيارة الهندية العالمية tata nano و هي (ارخص سيارة في العالم ) فا حب يخطف الأسم و يضحك علينا و نزلنا ديه و هي لا تقارن بتاتا نانو الهندية العالمية
حسبي الله ونعم الوكيل

---

يا سمسم باشا التاتا نانو لما قرينا أمكانياتها قولنا هتبقى كويسة جوة المدينه لأن سرعتها القصوى يتهئ لى 100 كيلو أو 120 كيلو مابالك بقى بعربيه عند تجربتها من ضعف ماتورها مش بترجع لورا دا مجرد أسم أستغلة بتاع تاتا نانو دة عشان يعمل تسويق للسلعة

اقتباس:

---

المشاركة الأصلية كتبت بواسطة AMA

يا سمسم باشا التاتا نانو لما قرينا أمكانياتها قولنا هتبقى كويسة جوة المدينه لأن سرعتها القصوى يتهئ لى 100 كيلو أو 120 كيلو مابالك بقى بعربيه عند تجربتها من ضعف ماتورها مش بترجع لورا دا مجرد أسم أستغلة بتاع تاتا نانو دة عشان يعمل تسويق للسلعة

---

يا باشا منا عارف و انا بقول ان البتاعة العبيطة ديه لا تقارن بتاتا نانو اصلن و انه استغل الأسم علشان اللي معندهمش فكرة يشترو و يلبسوها في الأخر :dzey:

إيه النصب ده؟؟؟

في الحالة ده كان ممكن يسميها Jaguar نانو, والناس تقولك ماهو شركة TATA اشتريت Jaguar...هاهاهاها...

ولسه...:brn:

ده شغل نصب و يقولك في ناس حاجزه قال

اقتباس:

---

المشاركة الأصلية كتبت بواسطة semsem_uno

يا باشا منا عارف و انا بقول ان البتاعة العبيطة ديه لا تقارن بتاتا نانو اصلن و انه استغل الأسم علشان اللي معندهمش فكرة يشترو و يلبسوها في الأخر :dzey:

---

فاهمك يا باشا بس كنت بوضح للناس بس و اللهم بلغت اللهم فأشهد

اقتباس:

---

المشاركة الأصلية كتبت بواسطة seiffoz

إيه النصب ده؟؟؟

---

دا مش نصب بس دا نصب و أفترى

اقتباس:

---

المشاركة الأصلية كتبت بواسطة slim_shika

في الحالة ده كان ممكن يسميها jaguar نانو, والناس تقولك ماهو شركة tata اشتريت jaguar...هاهاهاها...

ولسه...:brn:

---

يسميها أى أسم ماهو إلى هيشتريها كدة كدة هيلبس أسود لأن مالهاش ترخيص ولا مرور ولا أى نيلا فالأسم مش هيفرق حتى لو سماها أمو شعبان

اقتباس:

---

المشاركة الأصلية كتبت بواسطة ahmdmagdy

ده شغل نصب و يقولك في ناس حاجزه قال

---

فعلا والله دا شغل نصب و أحتيال بس إلى نفسى أعرفة فين حمايه المستهلك من كل دة ؟
و على فكرة بالنسبه للحجز أستغربت جدا لما لقيت واحد دخل فى الموضوع إلى فى قسم أخبار السيارات بتاع سيارة مصرية بأربع عجلات و داخل فى أخر الصفحات بيقول أنه عايز يشتريها و منحكمش عليها إلا لما نجربها و بعد كدة بيقول أنه جربها و كلام غريب و ركز فى عدد مشاركاتة

فتيس ستيب ترونيك تاتش بس بدبرياش خمسه قدام وخمسه ورا !!! لا بجد اختراع مصري

العربيه مافيهاش سير تقسيمه يا رجاله

النصابين بيسرقوا مصر

واحنا مش معاهم

شكله كذاب قوي

اقتباس:

---

المشاركة الأصلية كتبت بواسطة zakiali

فتيس ستيب ترونيك تاتش بس بدبرياش خمسه قدام وخمسه ورا !!! لا بجد اختراع مصري

---

طيب لو هنصدق أنه أختراع مصر طيب هوا فين فى العربيه دى ؟؟؟ والله دا كبيرها كدة تبقى طلعة واحدة زى أى لعبة أطفال و دا إن شاء الله الناقل الاول من الصفر لحد سرعة كام ؟

اقتباس:

---

المشاركة الأصلية كتبت بواسطة dr.mostafa anwar

العربيه مافيهاش سير تقسيمه يا رجاله

النصابين بيسرقوا مصر

واحنا مش معاهم

---

العربيه مفيهاش عربيه اساسا عشان تبقى عربيه

اقتباس:

---

المشاركة الأصلية كتبت بواسطة abou_ruqi

شكله كذاب قوي

---

باين على وشة على فكرة :049:

واحد سلندر ! طب خليهم اتنييين ...!

فديوا يموت من الضحك
الى مجننى انه عمال يقول اختراع اختراع مصرى
طب قول انتاج مصرى
لكن اختراع زى ما نكون اول سياره فى التاريخ
شر البلية ما يضحك

اقتباس:

---

المشاركة الأصلية كتبت بواسطة bombom

واحد سلندر ! طب خليهم اتنييين ...!

---

دا التوك توك يتهئ لى 2 سلندر مش واحد بس و أكيد الصوت طبعا عامل زى الفزبة او الموتوسيكل

اقتباس:

---

المشاركة الأصلية كتبت بواسطة asd7778

فديوا يموت من الضحك
الى مجننى انه عمال يقول اختراع اختراع مصرى
طب قول انتاج مصرى
لكن اختراع زى ما نكون اول سياره فى التاريخ
شر البلية ما يضحك

---

نفسى أعرف فين الاختراع فيها أو أية الجديد عن الموتوسيكل أو الفزبة أو التوك توك ؟ ولا يمكن تجمع الـ3 حاجات دول فى عربيه هوا الأختراع !!!!
و كمان فين براءة الأختراع دة ولا الأختراع دة مش برئ ؟