جين تو عربية تحفة او نيو اكسنت اوتو
عرض للطباعة
جين تو عربية تحفة او نيو اكسنت اوتو
اقول لسيادتك ليه انا ضد البريليانس, علشان انا بحب الناس و صعبان عليا انهم يضيعوا فلوسهم ( ما عدل طبعا اللي عارف الكلام ده و مش همه,يعني الفلوش مش بتفرق معاه كتير, ده طبعا حر يضيع فلوسه زي ما هوا عايز)
اولا انا ضد اغلب الصيني و عن تجربه! التيجو انا قلتله عليها ليه, علشان بتتباع في ايطاليا و الطلاينه بخلا و ناصحين و قرشهم عزيز عليهم ده معناه انهم قدروا يثبتوا نفسهم للحانوتيه بتوع اوروبا و كمان لان عفشتها عفشة جيب و اظن ان ده معناه انها حتستحمل الطرق المصريه شويه عن اي عربيه ملاكي تانيه, و سعرها 79000 يعني ارخص من ال frv ال 1300 اللي ماتورها بيقع لوحده !! ده بخصوص التيجو مع اني مش عاجبني ان في ناس تقولك بابها تقيل و الازاز الكهربا بيعلق و مش عارف العفشه محتاجه تربيط كل شويه, ده طبعا لأنها صيني برضه.
بخصوص البريليانس شفت كام اقتراح في الفئه السعريه اللي بتنتمي اليها ال FRV ؟ ياباني و ايطالي و كوري و ماليزي.
معناه انها عربيه واخده مقام غير مقامها, قوللي ليه, لما اكبر برنامجين و موقعين للسيارات واحد امريكي و التاني بريطاني يتريقوا على العربيه و يقولوا ان الجالينا الحاجه الوحيده اللي عرفت تسبقها كان الاتوبيس اللي بالكهرباء و كمان علشان بيقف كتير, اتريقوا على تقليد الخشب الابانوس في التابلوه اللي المفروض انها من فئة السيارات الفاخره, الجلد السكاي , الفينيش الرديء و البلاستيك المعاد تصنيعه و في الاخر ادوها نجمه واحده من 10 و سبلندور نفس الكلام بس ادوها 3 نجوم علشان قالوا ان موتور الميتسوبيشي فيها عامل شغل!!!! بصراحة هما متكلموش على ال FRV لو ده كان فيه عزاء ليك مع اني مظنش شركه مبهدله الدنيا في الفئه الفاخره بتاعتها و فئه الصالون و حتيجي فجأه تفتكر ربنا في العربيه الشبابي الهاتشباك الرخيصه اللي حتعملها!
و كلنا فاكرين الصفر الكبير اللي خدتوا البريليانس في اختبار السلامه الاوروبي مع اننا مبيهمناش الكلام ده في مصر, سلامة ايه و بتاع ايه خليها على الله, و عارف مسبقا انك حتقوللي عملوا 37 تعديل على الشاسيه و القوايم و البودي و جابت 3 نجوم بالرأفه بعد كل الكلام ده و الفضيحه دي و كل اللي عملوه انا قلت حيعملوا عربيه تعدي في الحيط لحفظ ماء الوجه بس باين عليهم عنيهم بجحه! 3 نجوم؟!؟!؟! حد يقوللي على عربيه واحده في الفئه بتاعت الجالينا و جابت 3 نجوم!واللا حتى الفئه الاصغر منها و اللا فئة سعرها. للعلم ال QQ اللي ب 35 الف جابت 3 نجوم مع انها صيني برضه.
المفاجأه دلوقتي, اتيحت ليا الفرصه لتجربة الجالينا و كان عندي امل انها تطلعني غلطان بس كانت بجحه و مهمهاش انها تطيب خاطري. فتحت الباب (العربيه كان عمرها سنه و نص ) طارة الدريكسيون كان لونها رايح و ممسوح :beatdeadhorse5: البلاستيك المتلون خشبي المطعمين بيه التابلوه كان شكله قبيع فعلا و مش واخد على خشب خالص. مقابض الباب النيكل من جوه طلعت مش نيكل يا رجاله!!!! دي طلعت بلاستيك واخد ستيكر نيكل!!!! التابلوه اقسم بالله اللانسر البومه اشيك منه, مفيش اي تجهيزات و اتحدى تثبت غير كده!!! قماش الفرش زي اللي بينزل في الانوس!!! بطانة الابواب رديئه جدا. فتح الباب و قفله بصراحه كان حلو و بيقفل زي الاوروبي بصوت مكتوم كده و تحس انه تقيل و مالي مركزه. ادور العربيه لقيت صوت الموتور عالي مع الدواره!! و بعد كده صوته برضه مسموع. بقولك ايه انا تعبت و مش قادر اكمل. دي العربيه بتاعتهم اللي ب 155 الف جنيه. طبعا ايه رأيك في العربيه اللي منزلينها بنصف الثمن؟
التوكيل حلو ماشي مضبوط دا توكيل بي ام طبعا حلو!!! بس العربيه دي بي ام؟ انت دافع 300 الف واللا 500 الف علشان يبقى عندك استعداد تتعامل معاملة البي ام؟ خدمة فندقه صحيح بس بتدفع كأنك قاعد في جراند حياه !!! انت اشتريت صيني واللا بريليانس علشان عايز عربيه اقتصاديه لأن ميزانيتك متسمحش بمبلغ كبير تيجي تضيع كل اللي حتوفروا في التوكيل و الصيانات؟ طب ماتكمل و تجيب فيكترا؟ واللا اقولك توكيل بايخ. هات لانسر. ياباني والله الموديلات اللي مطعمه خشب خشب طبيعي و كل موديلاتها التابلوه و مقبض الفتيس و الطاره جلد طبيعي!!! قطع غيارها ببلاش!!!! ناعمه سريعه و مريحه و موفره للوقود.
دي اسبابي, رأيي الشخصي و رأي خبراء سيارات و عن تجربه لمالكي السياره و تجربه بسيطه لي!
سامحني
حضرتك عندك حق ,,,,
ما اجملك يا جين 2 وكمان على بنت بتكون تحفة وبجد بجد العربية دى هايلة وفيها امكانيات حلوة اوى على سعرها البسيط وكمان عيوبها قليلة بالمقارنة بباقى السيارات ,,, يعيبها التوكيل لاكن دي محلولة عشان انته فى نايل موتورز واللى ميعرفش قسم بروتون واللى بيحصل فيه يبقى لسة جديد فى نايل موتورز اتكل على الله فى الجين 2 وبجد هتحس بفرق شاااااااااااااااااااااااا اااااااسع:afro:
:POINTI~2[2]:{انا بردو لسة عضو جديد}
فعلا الجين 2 اختيار صائب
نيو اكسنت يا ريس
في بنات كتير في بورسعيد بيسوقوها
عاجبني اسلوبك في الرد. اسلوب راقي و محترم. صحيح لما اتكلمت عن التوكيل غيرت موضوع ارتفاع التكاليف و اتكلمت عن مستوى الجدمه بس اللي انا اساسا متفق معاك فيه, صحيح انت دخلت الجين 2 اللي هي اساسا بروتون ماليزي. و على فكره حتى الماليزيين في منتدياتهم و انا دخلت فيها قبل كده بيتريقوا على صناعتهم بس برضه هي افضل لأنها معتمده على تكنولوجيا لوتس سواءا المحرك الكام برو او الشاسيه, موضوع الثبات انا شايف ان كل عربيات بريليانس قاعدة عجلاتها عريضه زي فكرة البي ام و منخفضه نسبيا و ده بيدي ثبات اجباري و دي فعلا ميزه بس مش ثبات ناجم عن تكنولوجيا في نظام التعليق او تطوير في العفشه, ده ثبات ناجم عن مقاسات ابعاد الاطارات عن بعضها, بس شيء كويس برضه. بس خد بالك العربيات زي كده لو مش مصنعه جيدا المطبات بتأثر فيها و في الشاسيه بتاعها و قدرتها على التحميل بتقل.
عموما انا سعيد انني دردشت معاك و شكرا على اسلوبك المحترم اللي نفتقده في بعض الاحيان في منتدانا الجميل
getz auto
gen 2 auto
يا باشا العفو دا انت و الله اللي كلك ذوق و اخلاق و فعلا انا اللي سعيد بالتحدث معاك علي الرغم من اختلافنا في الأراء و لكن اختلاف الرأي لا يفسد للود قضية و في الاول و الاخر كلنا اخوات :biggrin2:
بس بخصوص ارتفاع اسعار قطع الغيار في التوكيل ده حقيقة فعلا بس صدقني اخي العزيز كل العربيات الجديدة قطع غيارها غالية في التوكيل و عموما اصلا العربية قطع غيارها بقت موجوده بره التوكيل في شارع دمشق كل قطع غيارها موجوده و بنص اسعار التوكيل
اما بالنسبه لموضوع ثبات العربية فبردو في حاجة حضرتك جايز مش عارفها ان عفشو العربية معمولة بنظام عفشة بورش و ده مكتوب في الكتالوج (system porcsh ) و ده نظام بيعملوه كمان في ال bmw عشان بيخلي العربية قمة في الثبات مع السرعات العالية يعني مش مجرد قاعدة عجلات و مفيش تكنولوجيا لان زي مقولت لحضرتك انها تكنولوجيا بورش الالمانية و ده والله مش كلامي عاشان عارف هتلاقي حد يعلق علي الحتة دي بس ده فعلا و اللي شاكك في كلاي ممكن يقرأ الكتالوج بتاعها و بعديس يا سيدي الفاضل المهم العربية ثابتة عجلات و توطية ولا تكنولوجيا مش هتفرق المهم النتيجة انها ثابتة و ده المطلوب في عربيات كتير جداااااااااا في السعر ده متعرفش يعني ايه ثبات
كمان العربية مزودة بنظام ABS-EBD في الفرامل و ال EBD ده بيمنع العربية من انها تعوم لو داخل ملف علي سرعة كبيرة و ده بردوا بيدي ثبات في الملفات و اسئل اي حد معاه افيو لو دخل ملف واسعععع زي اللي في طرق السفر علي 90 كم شوف 90 كم مقولتش 140 ولا 160 اسئلو لو لمس بس الفرامل مجرد لمسة ايه ممكن يحصل ؟؟؟؟
و شكراا لذوق حضرتك في الكلام:satelite: