اصدقائى الاعزاء
بحمد الله و فضله اشتريت النترا من اسبوعين تلاتة و الان هى عاملة 2000 كم
السيارة ممتازة و لا شك افضل من النوبيرا حبيتى السابقة و الحمد لله (عموما دا بحقها..... النوبيرا كنت جايبها مستعملة وموديل 4 سنوات سابقة ب 30 الف جنيه و دي ب 105 و زيرو)
المهم عشان ما اطولش عليكم
من اسبوع كده و بعد ما عملت صيانة ال1000 كانت الدنيا حر فقلت لنفسى ياد يا كاتز يا اخويا ما تدلع نفسك و تجرب التكييف
و شغلته
و كانت المفاجأه
التكييف ضعيف جدا
شغلته بأقصى طاقته
على اعلى درجة مروحة 4
بيطلع هوا صحيح
ساقع سنة بسيطة
وبس
امال الكتكوت ده هيعمل ايه فى الصيف؟
بيتهيأ لى انه محتاج ينشحن
و بيتهيأ لى برضه انه المفروض ينشحن تبع الضمان و يتأكدوا ان مافيش عيب بيخليه يسرب
و لا هو فيه حاجات لازم تتعمل للتكييف فى الاول عشان يشتغل كويس و انا اللى ما اعرفهاش؟
السؤال بقى
هل لازم التكييف ينشحن عند الوكيل و لا ممكن مركز الصيانة المعتمد يعمله حيث اننى اعمل صيانة السيارة فى مركز التكنولوجيا فى بورسعيد؟
و بعدين هل لو حاجه باظت و هتتغير فى الضمان مركز الصيانة بيعملها و لا هيقول لازم تروح للوكيل تغيرها؟
المفضلات