اتفضلوا الفيديوهات:
YouTube - KIA Cerato/Forte ANCAP Frontal Impact
YouTube - 2010 KIA Forte/Cerato Sedan NCAP Side Pole Impact (New NHTSA Test)
عرض للطباعة
شكرا يا ابو حميد على الفيديوهات :verygood:
فاشلة فى الاختبار
شوف السقف بتاع العربية خزن ازاى
شكراً على هذه الفيديوهات و بالتأكيد فاشلة فى الاختبار و ربنا يكفينا شر طريقنا و شر أخطاء الاخرين
واضح أن فيه سوء فهم
أولا فاشله ولا مش فاشله فى حاجه أسمها نجوم!!
كل عربيه بتاخد عدد نجوم من 5 نجوم
بتعتمد على حاجات كتييييييييييييره أوى غير التصادم الى أنت شايفه دا بس
يعنى عدد الاير باجز و وجود abs ولا لأ وebd و esp و التصفيح موجود بكثافه أد أيه و فين وحاجات كتير جدا جدا
نيجى بقى للتصادم الى أنت شايفه دا
نوع التصادم الى أنت شايفه دا الى هو المصد بيكون مش على كامل وش العربيه
بيكون على جنب كدا ودا أقوى فلازم لان القوه مقسومه على مساحه صغيره يعنى ضغط كبير قوى يؤدى للمنظر الى أنت شوفته فى السقف دا علشان الضغط كبير
فى نوع أخر من التصادم والى هو المصد بيكون على كامل وش العربيه بالتالى مساحه تصادم أكبر...نفس القوه...ضغط أقل...متشفش حوار السقف دا
كل دا بيتم وكذلك السايد أمباكت فى العربيه واقفه وتيجى حاجه تلهافها وفى العربيه الى تتحرك تخبط فى بوست زى الى أنت جايبه دا كده
من الاخر متتعبش نفسك
إن كنت عايز تعرف العربيه آمنه ولا لأ
شوف خدت كام نجمه من خمسه بس كده
على ما أتذكر النيو سيراتو خدت 4 من 5
لو غلطان حد يصححلى
كلامك صح يا نورمال
أحب أضيف على اللى قاله نورمال الآتى:
العربية أدت أداء محترم و حصلت على 5/5 نجوم فى إختبار التصادم الأمامي، وفى إختبار التصادم الجانبى حصلت برضه على 5/5 نجوم بالنسبة للركاب الأماميين و 4/5 نجوم بالنسبة للركاب الخلفيين.
في حاجة كمان ان الإختبارات دى بتقيس ال Rollover Safety (وهى إحتمالات إن العربية تقلب و تعوم الخ) ال Cerato حصلت على 4/5 نجوم بس للأمانه العربيه كان فيها ESP.
المعلومات دى موجوده فى اللينك ده:
Safercar.gov
هى المشكلة ان احنا بلدنا لازم العربية تخس اغلب مواصفات الأمان بس احنا هنعمل ايه
nice topic
لو حصلت على 5 نجوم لم لم يذكر التوكيل ذلك في حملة الدعاية للعربية ؟
طبعا شرح نورمال باشا فيه المفيد كله, و الكلام سليم, و شكراا لصاحب الموضوع على الفيديو..
و الطبيعي يا رجاله ان اي عربيه بيختبروها تتدشمل بالمنظر ده و اكتر كمان...!!!
يعني مش عيب في العربيه انهم يمشوها بسرعه 80كم\س تقريبا و يلبسوها في حيطه من الفولاذ
و كمان حيطه فولاذ في جنب العربيه, و بعدين عمود يدخل في جنب العربيه.......
الفكره من كل الاختبارات دي و نجاح العربيه من عدمه هو تأمين الركاب داخل المقصوره بكل الوسائل
و بكل الأشكال, و من كل الأماكن... يعني الكتف, الرجل, الركبه, الصدر, الرأس, الجانب.... الخ
و تجهيزات و عوامل امان اخرى هي اللي بتحدد عدد النجوم مع كل ده زي الـesp, tcs, abs, ebd
طبعا ده غير عدد الاير باجز, و الأكتيف هيد ريست........... الخ
أنا طبعاً بتكلم بشكل عااااااام و على كل العربيات, لأن الكونسبت واحد...
فعلا يا استاذ محمد غازى كلامك صح
دى ثقافه عامه للأسف عندنا يا دكتور
التوكيل لن يبدى أهتمام بالخمس نجوم الى حصلت عليهم العربيه أكتر من الجنط ال17 و السمارت كى وفتحه السقف
وبصراحه مش عارف ألومه
لأن زى مبيقول المثل "توكيلك على متعوده" هههههههههه
يعنى حد عمره كلم توكيل العربيه بتعته و سأل العربيه حاصله على كام نجمه
طالما الزبون مهتم بأولويات معينه
أنا "كتوكيل" هقدمهاله مهما كانت حتى لو كانت تافهه جدا جدا
تعايش يا دكتور أنت فى مصر "مش حرفيا أنت فى عمان :)"