الموضوع: البرابريز الامامى لانوس

المشاركة الأصلية كتبت بواسطة ahmed_mido1889

هات بتاع دكتور جريش علشان انضف بكتير من اللي بيتباع في المحلات العاديه

كلام سليم جدااااا وده عن تجربه شخصيه , من سنتين او تلاته كنت مغيره عند واحد في شارع العشرين وكان عامل 275 جنيه على ما اتذكر , والحمد لله نقاءه حلو وجودته عاليه جداا , بس المهم يكون دكتور جريش

وبعدين اخي الكريم صاحب الموضوع , ايه حكايه (اللانوس عربيه مش ولابد) ؟ انا مش موافقك خااااالص في الكلمه دي !! خاصه وانك بتحكم على عربيه كامله عشان شرخ في الزجاج بسبب زلطه ؟؟ طيب ما يمكن انت مشتري العربيه من واحد كان مغير البرابريز وجايب واحد عادي مش نضيف , لاني اعرف ان الزجاج في العربيات انواع , في نوع مع اي خبطه بيتفتت ويطير في وش السائق (اللهم احفظنا يعني) وفي نوع عادي (ويمكن يكون زي اللي عند حضرتك في العربيه) وفي اكيد انواع كويسه وبتستحمل , زي دكتور جريش كده

خلي بالك العربيات ليها نفسيه , ولما انت بتزعل منها او بتغضب عليها هي بتدوخك معاها وبتقل بأصلها جداااااا

ربنا يكفيك ويكفينا شر الطريق , ومبروك مقدما عالبرابريز الجديد

المشاركة الأصلية كتبت بواسطة esabdc

اخى العزيز

طبعا انا مش باحكم على العربية من كسر الزجاج -لان الهامر ممكن يتكسر زجاجها برضه -
ولكن انا كان معايا قبلها سيات ابيزا porsch وقيبلها فيات 131

وكانوا اعطالهم مش متكررة زى اللانوس كنت باروح للميكانيكى كل سنتين مرة وبعد مدة طويلة لما العفشة اشتكت

انما اللانوس بالرغم من انى جايبها من بورسعيد بحالة ممتازة ويدوبك بقالها معايا 8 شهور لقيتها

1- فجأة الدبرياج حجر تحت رجلى وغيرت الطقم بعدها ب 20 يوم فرش الدبرياج انكسر
وحليت الفتيس لتانى مرة فى شهر

2- العفشة بتدبدب جامد وعاوزة تتغير

3- الزجاج اللى فيها المفروض انه كورى اصلى لانها جاية به ، اتشرخ من زلطة طايشة
فى الابيزا وال 131 كانت الزلطة بتعمل نقرة بس وتثبت على كدة
عموما عربيات الثمانينات والتسعينات كانت اقوى واجود من بعد كده

الحمد لله على كل شىء ، المهم، انه سبحانه وتعالى يكفينا جميعا شر الحوادث ومصائب الطريق لانى انا عندى اروح للميكانيكى 5 مرات ولا اروحش للسمكرى مرة واحدة
وشكرا للجميع

الاختلاف في الرأي لا يفسد للود قضيه
وعالعموم كل المشاكل اللي انت بتحكي فيها دي كلنا معرضين ليها طبعا , بس بنقول دايما الحمد لله على كل شئ

طيب عشان تعرف ان موضوع الزجاج ده بالذات نصيب انا معايا لانوس كوري استيراد والزجاج برضه اتعرض لزلطة على الدائري وكانت خبطة قويه كل اللي حصل نقرة فى الزجاج وانا اللي استنيت عليها كام شهر لغاية ما عملت شرخ وروحت لواحد في المقطم تقريبا هو الدكتور خالد ولحمة ولغاية دلوقتى زي الفل لاكن للاسف نزلت من كام يوم اشيل الفرش لقية عدة شروخ فى الناحية التانية من الزجاج نتيجة طبعا ان حد خبطة بحاجة وهي واقفة
ومبروك على لحام الزجاج