اقتراح للتصويت على شخصية عام 2007 الاكثر خدمة فى المنتدى

اخوانى
انا من ساعة ما انضميت للمنتدى الجميل دة من اغسطس 2007 وانا شايف ان بصراحة هناك تعاون واخوة واضحة بين زملاء المنتدى
وبحس ان كل فرد قادر انة يخدم اى زميل مابيتأخرش عن هذة الخدمة فحبيت اقول متشكر لكل الاعضاء بص عشان تبقى جماعية حبيت ارشح شخصيات انا بصراحة شايفها بتحب تخدم اخوانها خدمات صادقة بدون اى مصلحة اذكر على سبيل المثال لا الحصر :-
-اولا: جميع المشرفين على المنتدى
ثانيا :
- الاستاذ سبعاوى
-الاستاذ كريم منير
-الاستاذ بايو
-الاستاذين اسلام شاهين واسلام عطية
-الدكتور احمد
والكثيرين
وياريت تشاركونى فى الشكر يعنى كل عضو يشوف اقرب الاعضاء لية ويضمهم لقائمة الشكر
والسلام عليكم ورحمة الله

Definitely MMamdouh

كل الاعضاء ما شاء الله بيتعاونوا في اي حاجة ..

و فيه كمان من اللي مش موجودين في القائمة توت عنخ امون و ابو عبد الله

الأعضاء كلهم بسم الله ماشاء الله عليهم

انا صوت الي كل المشرفين ان بصراحه مافيش حد بيتاخر عن زميله في اي معلومه

والله الاختيار صعب جدا...
كل اللى حضرتك كتبتهم عطائين جدا وكفاية عليهم الثواب اللى بياخدوه على عطائهم
ومش قادر أختار واحد منهم معين لكن لهم جميعا ولكل الأعضاء كل التحية...

تحياتي للجميع
واسمحلي أنسحب من الترشيح وأُرشح بدلاً مني أخي العزيز " محمود حفناوي " فهو بالفعل يستحق كل التقدير بالإضافة لكل الأسماء المُقترحة

الله يا جماعة انا مش قصدى نفضل حد على احد واحنا عارفين ان هذة الخدمات لوجة الله اولا
علشان كدة انا لم اكتب ارقام بالترتيب
انا قصدى اشكر كل الناس اللى هدفها خدمة اخوانها والشكر يكون بشكل جماعى
وعلشان كدة مسميه قائمة او لوحة شرف زى ما بيسموها وكلنا نضيف للقائمة كل الاعضاء اللى محتاجين نوجه لهم كل شكر وتقدير

يعنى القائمة للاضافة وفى اخر المدة نطلع قائمة واحدة بأسماء الجميع
وياريت المشرف يثبت الموضوع

انا صوت لجميع الاعضاء اللي هما فعلاً المحرك الرئيسي للمنتدى بتفاعلهم ومساهماتهم
وحبهم لبعض اللي بيبقى واضح جداً من خلال المقابلات اللي بتلاقي فيها ناس بيجيوا
من اخر الدنيا علشان يقابلوا ناس تانية مكانوش شافوهم ولا عرفوهم قبل كدة. الحاجة
الجميلة اللي وجدتها في اعضاء المنتدى ان كل واحد بيحاول يقدم اي حاجة يعرفها يعني
العضو انهاردة بيدخل وعندة سؤال ولما بياخد الرد والسؤال دة قدمة عضو اخر في تاني
يوم تلاقي العضو الاولاني دخل رد على العضو الجديد، الكل بيفيد ويستفيد واللهم ما دمها
علينا نعمة.

اقتباس:

---

المشاركة الأصلية كتبت بواسطة Nader

انا صوت لجميع الاعضاء اللي هما فعلاً المحرك الرئيسي للمنتدى بتفاعلهم ومساهماتهم
وحبهم لبعض اللي بيبقى واضح جداً من خلال المقابلات اللي بتلاقي فيها ناس بيجيوا
من اخر الدنيا علشان يقابلوا ناس تانية مكانوش شافوهم ولا عرفوهم قبل كدة. الحاجة
الجميلة اللي وجدتها في اعضاء المنتدى ان كل واحد بيحاول يقدم اي حاجة يعرفها يعني
العضو انهاردة بيدخل وعندة سؤال ولما بياخد الرد والسؤال دة قدمة عضو اخر في تاني
يوم تلاقي العضو الاولاني دخل رد على العضو الجديد، الكل بيفيد ويستفيد واللهم ما دمها
علينا نعمة.

---

+100000000000000000000000
أتفق تماما مع رأي الأستاذ نادر
و أنا أخترت كل الأعضاء لنفس السبب ....... مع أن كل من في القائمة له مشاركات مؤثرة و مفيدة جدا و أيضا كل الأعضاء الذين يفيدون هذا المجتمع الأفتراضي

و شكرا لأخي dehumanizer على ثقته في و في الكلام الجميل الذي قاله عني
و شكرا لكل الأعضاء الذين لولاهم ما كان هذا المنتدى جميل و مفيد بهذا الشكل

كل الاعضاء المكتوب اساميهم و غيرهم طبعا
بس سؤال هو فين الاستاذ بايوو و ابونورا؟
ياريت حد يقولى

منظومة واحدة رائعة كل من فيها مهم و له دور فعال
انا صوت لكل الأعضاء و طبعا هذا لايقلل ابدا من المجهود الغير عادي للسادة المشرفين و للسادة المذكورين بالإستطلاع و ايضا الغير مذكورين
لهم منا كل التقدير و الإحترام و جزاهم الله خير الجزاء علي ما يقدموه من معلومات تفيد الكل ربنا يكرمهم و يبارك فيهم جميعا

كل الأعضاء زي الفل والحمد لله..لكنني كنت محتار قوي ما بين إسلام شاهين وكريم منير..فكريم منير يخصص وقتا من وقته ووقت بيته في ترتيب انشطة المنتدى وكمان بيروح مع أي أخ يطلب منه خدمة لأي مكان وبيقعد معاه لحد ما الخدمة تخلص مهما كلفه من وقت (انا لو عملت زيه كده مراتي ها تطلب الطلاق :-)))))))))))))))

أما إسلام شاهين المعلم (بكسر العين وبضمها ايضا) فلا ينكر أحد الخدمات التي قدمها إسلام للإخوة. لدرجة إنه كان بيفاصل في السعر كمان لصالح اخوه في المنتدى كأنه بيفاصل لنفسه. بل أكثر من ذلك، فقد ترك لنا إسلام رقم تليفونه في حالة إن سبير كار لم يرضوا أن يقوموا بالواجب حتى يكلمهم هو نفسة.

ولا يمكن إنكار فضل كل من ورد اسمه في قائمة الاختيارات. فهم الاسرع في الردود الصحيحة والأجدر في الاستماع إلى نصائحهم. ولولاهم لكان المنتدى ضعيفا جدا.

الاختيار كان صعب بينهم كلهم إلا انني اخترت اسلام شاهين

ملحوظة***كلامي هذا كله مثل كلامكم لله في لله..ده أنا حتى الآن لم يسعفني الحظ حتى استفيد من أحد منهم حتى الآن..و والله أنا باتلكك علشان أطلب من واحد منهم خدمة بس الظروف لم تسمح بعد**
وبارك الله في الجميع

اقتباس:

---

أما إسلام شاهين المعلم (بكسر العين وبضمها ايضا)

---

قصدك بكسر الميم و ضمها و ليس العين

إسلام شاهين .. الباشا
كريم منير .. البروفيسور
محمود ممدوح .. الخبير
دكتور أحمد .. الأستاذ
ســبــعــــاوى ... حــبـــــيـــــب الـــــــــكـــــــــــــ ل
آسف لو كنت نسيت حد

آه صحيح..اسف على الغلط

مش معنى انى اخترت اتنين معينين انى ناكر جميل باقى المشرفين
لكن دى سنة الحيان لازم فى كل معركة ناس بتموت ويحصد المجد قائد الجيش
عشان كدا انا اللى حسيته الاكثر تفانيا
وكان نفسى يكون موجود اسم حسام كرم كنت حختاره معاهم

الأعضاء كلهم - وبالذات محمود حفناوى لأسباب كثيرة جدا

اسلام شاهين و كريم منير لو اي حد طلب منهم طلب خارج المنتدي مش بيتأخروا اطلاقا.
داخل المنتدي فجميع الاخوه مافيش حد بيتاخر عن اخوه نهائي.

إخترت كل الأعضاء...المنتدي ده بيحسسني إني قاعد لسه في مصر وسط أهلي و أصحابي.... جازاكم الله خيرا

انا صوت لكل الناس علشان محدش يزعل

كل الاعضاء بالتاكيد و كل واحد بيسهم ما في وسعه

اشكر بشدة كل من صوت لصالحي بس هاقولوة انت غلطان
انا معملتش حاجة مستني عليها شكر في الدنيا
لكن القايمة لسه بدري عليها قوي ده احنا معنا ناس تاكل الزلط
ممدوح حفناوي المحرك الخفي للمنتدي
دكتور احمد سمير العقل المدبر لتنظيم المنتدي الجديد
ابو عبدالله واقترحاته وخدماتة
حسام منير وافادتة القيمة
لالالالالالالا
كفاية مش هاقول اسماء تانية
بس احب اقولكم اني واي شخص تاني ترس في منظومة عمل متكاملة ادعو الله الا يكل او يمل من عمل يفيد به اخواته
واشكر استاذ احمد صاحب الموضوع بس الموضع عشان نعمل لوحة شرف
يكون فيها المع 3 اسماء في 2007
ونسيب الاقتراحات مفتوحة بدون تحديد

اقتباس:

---

ممدوح حفناوي المحرك الخفي للمنتدي

---

وأن كمان أحب أشكر الأخ ممدوح حفناوى اللى بيشكره أخى كريم ...
(ممدوح حفناوى مين؟)
ههههههههههههههههههههههه

وعلى فكرةأعتقد إن دكتور أحمد سمير هو المقصود فى التصويت بالفعل.

اقتباس:

---

المشاركة الأصلية كتبت بواسطة Dr Ahmed

والله الاختيار صعب جدا...
كل اللى حضرتك كتبتهم عطائين جدا وكفاية عليهم الثواب اللى بياخدوه على عطائهم
ومش قادر أختار واحد منهم معين لكن لهم جميعا ولكل الأعضاء كل التحية...

---

+111111111111111

المنتدي في الاساس هو مجموعه متكامله فطبعا كل الاعضاء

أولاً : أحب أحيي من كان هو صاحب فكرة هذا الاستطلاع ، وأشكره على دافعه النبيل .
ثانياً : أحب أؤكد أن القائمين على هذا المنتدى هم مجموعة متعاضدة متكاملة اجتمعت في خير على حب الله والسعي لمصلحة الناس . وشعروا أن هذا واجبهم وحق الناس عليهم ، ولا يُشكر أحد على واجب قام به ، ولا على عمل صالح ابتغى به وجه ربه تعالى.
ثالثاً : لقد كان الهدف الرئيس من إخفاء أسماء إدارة المنتدى والمشرفين هو الارتفاع عن أي شبهة أياً كانت حتى لو كانت شبهة انتظار الشكر ، وذلك حتى يكون العمل خالصاً لوجه الله تعالى .
رابعاً : وراء هذا الجهد عشرات الجنود المعلومين والمجهولين ، وكل من ساهم ولو مساهمة واحدة فعالة من الأعضاء هو صاحب جهد ومساهمة في هذه السيمفونية المتناغمة الجميلة التي نعيشها كل يوم .
خامساً : منتدى نايل موتورز يملكه كل الأعضاء وهم أصحاب الفضل الرئيس في تقدمه وازدهاره .
خالص شكري وتحياتي لكل الناس . الإدارة ، والمشرفين ، والأعضاء ، والزوار .
وتقبلوا جميعاً خالص مودتي وتقديري .

اقتباس:

---

منتدى نايل موتورز يملكه كل الأعضاء وهم أصحاب الفضل الرئيس في تقدمه وازدهاره

---

:o:o:o+1000000000000000000000000000000000

محمد ممدوح

كل الاعضاء طبعا حتي من شارك مشاركة واحدة